Mathaayo 5:37 - ÎVUKU RÎA ÛVORO MWARO

³⁷ Mwauga ‘Îî’ nîîtuîkage ‘Îî’, na mwauga ‘Naarî’ nîtuîkage ‘Naarî.’ Ûndû wîngî wa wonthe ûrîa mûngiuga makîria ya ûguo uumaga kûrî Ûrîa Mûcûku.

Mathaayo 5:37 ပူးပေါင်းရင်းမြစ်များ

Mathaayo 13:19

Andû arîa megucaga ndûmîrîri îgiî Ûthamaki nwatî makarega gûtaûkîrwa, mekariî ta mbeû irîa ciagwîre gacîrarî. Ûrîa Mûcûku nîaûkaga na akamacuna kîrîa kîravandîtwe ngororî ciao.

Mathaayo 13:38

Mûgûnda naguo nî nthî; nacio mbeû irîa mbaro nî andû a ûthamaki. Ria narîo nî andû a Ûrîa Mûcûku.

Mathaayo 15:19

Nîûndû ngororî nîkuo kuumaga meciria macûku, ma ûragani, ûmaraa, ûtharia, wîi, ûthaani na kûruma arîa engî.

Mathaayo 5:36

Wana ndûkanevîte na kîongo gîaku, nîûndû ndûngîvota gûtûma rûcuîrî wana rûmwe ruire kana rûcerûve.

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Johana 17:15

Nie tîkwa nîrakûria ûmarute gûkû nthî, nwatî nîrakûria ûmamenyerere kuumana na Ûrîa Mûcûku.

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.

Aefeso 4:25

Kwoguo tiganani na ûvoro wa maveeni! Wa mûndû nwanginya erage mûndû ûrîa wîngî ûvoro wa ma, nîûndû tuonthe vamwe tûrî ciîga cia mwîrî wa Kristû.

Aefeso 6:16

Wîtîkio wenyu vîndî cionthe nîwîthagîrwe wîkariî ta ngo mwîkuuîrîte îrîa mûkaavotaga kûvoria nayo mîguî îrîa îthagîrwa îgîakana na ikagua nî Ûrîa Mûcûku.

Akol 3:9

Tigagani kûveenania, nîûndû nîmweyaûrire ûmûndû wenyu ûrîa mûkûrû wa vamwe na mîtugo yaguo

Akol 4:6

Vîndî cionthe mîario yenyu nî îthagîrwe îrî mîaro na ya kwendeka, na mûmenyage ûrîa mwagîrîrwe nî gûcokeria andû onthe ciûria na njîra mbaro.

2Ath 3:3

Nwatî Mwathani nîmwîvokeku na nîakûmûva vinya na amûgitîre kuuma kûrî Ûrîa Mûcûku.

Jakuvu 5:12

Ariû na aarî a îthe wetû, îgûrû rîa maûndû monthe, mûtikanyue muma vîndî îrîa mûreranîra. Mûtikavûthîre rîîtwa rîa îgûrû, nthî kana kîndû kîngî wa kîonthe nîguo mwonanie ûrîa mûrauga. Vîndî îrîa mûrenda kuga îî, ugagani tu “Îî” na rîrîa mûrenda kuga naarî, ugagani “Naarî,” nîguo mûtigatuîrwe.

1Joh 2:13

Nîramwandîkîra mue andû akûrû, nîûndû nîmwîcî ûrîa ûtûûraga mwoyo kuuma wa Kîammbîrîria. Nîramwandîkîra mue andû ethî, nîûndû nîmûvootete Ûrîa Mûcûku. Nîramwandîkîra mue ciana ciakwa, nîûndû nîmwîcî Îthe wetû.

1Joh 3:12

Tûtiagîrîrwe nî kwîthîrwa twîkariî ta Kaini ûrîa warî wa Ûrîa Mûcûku, na waûragire mûrwang'ina, Abili. Kaini aaûragire mûrwang'ina nîkî? Aamûragire nîûndû ciîko irîa ke eekaga ciarî njûku, nwatî cia mûrwang'ina Abili ciarî mbaro.

1Joh 5:18

Nîtwîcî atî gûtirî mwana wa Ngai wîkaraga akîvagia, nîûndû Mûriû wa Ngai nîamûgitagîra, na ûrîa mûcûku ndangîmwîka naaî.