35 kana wîvîte na nthî, nîûndû îo nîyo njûng'wa îrîa aigagîrîra magûrû make. Ndûkanevîte na Jerusalemu nîûndû rîu nîrîo îtûûra rîa Mûthamaki mûnene.
Nwatî rîu nînthuurîte îtûûra rîa Jerusalemu rîtuîke vandû varîa ngaagoocagîrwa na nînthuurîte Daudi atuîke mûtongoria wa andû akwa, Aisiraeli.’ ”
Zayuni, kîrîma Kîam Ngai, nî kîraca na nî kîthaka; îtûûra rîa mûthamaki mûnene nîrîkenagia andû onthe a nthî.
Ngai-Mûnene nî endete îtûûra rîa Zayuni mûno, gûkîra matûûra marîa mengî ma Jakovu.
Kumiani Ngai-Mûnene, Ngai wetû, Mûgooceni mûrî mbere ya gîtî gîake Kîam ûthamaki! Ke nî mûtheru!
Ngai-Mûnene arauga atîrî, “Îgûrû nî gîtî gîakwa Kîam ûnene, nayo nthî nî njûng'wa ya kwigîrîra magûrû makwa. Nî nyomba ya mûthemba ûrîkû mûngîndumîra, na nî vandû vekariî atîa nîngîvota gûtûûra?
Kûgwatwa nî kîrumi nî mûndû ûrîa wîranagîra na njîra ya mwîvîtwa atî nîakûndutîra îgongoona rîa nyamû ntheru kuuma ndîthiarî yake, nwatî agacoka akandutîra nyamû îrî na wonje. Taroria, nie nî mûthamaki mûnene, Ngai-Mûnene mwene vinya wonthe na andû a mavûrûri monthe nîmagoocaga rîîtwa rîakwa.”
Wana ndûkanevîte na kîongo gîaku, nîûndû ndûngîvota gûtûma rûcuîrî wana rûmwe ruire kana rûcerûve.
‘Îgûrû nî rîo gîtî kîrîa mbîkaragîra rîrîa nîrathana, nayo nthî nîyo njûng'wa îrîa mbigagîrîra magûrû makwa. Kwoguo we ûngîndumîra nyomba îrîkû, kana nie mvurûkaga kû?
Nînecûrirwe nî Roho nake mûraika akînguua na akîmvira îgûrû rîa kîrîma kîraca mûno. Nîwamonirie îtûûra rîrîa rînene îtheru rîa Jerusalemu na rînyûrûrûkîte riumîte îgûrû kwa Ngai,
Nînoonire îtûûra rîrîa rînene rîtheru, na nîrîo Jerusalemu njerû, rîkînyûrûrûka kuuma îgûrû kwî Ngai. Narîo rîagemetue ta ûrîa mûviki egemagia nîguo agatûnge mûthuuriwe.