Mathaayo 5:17 - ÎVUKU RÎA ÛVORO MWARO

¹⁷ “Mûtigecirie atî mbûkîte nthî kûthiria Watho wa Musa na maûndû marîa mathomithanîtue nî arathi. Nie ndiûkîte kûmathiria, nwatî mbûkîte kûmavingia.

Mathaayo 5:17 ပူးပေါင်းရင်းမြစ်များ

Isaia 42:21

Nîûndû wa wîvokeku wa Ngai-Mûnene, nîwendire gûtûgîria watho wake na kûûva riiri.

Mathaayo 3:15

Nwatî Jesû nîwamûcokerie atîrî, “Tiga gûtuîke guo rîu, nîûndû nîkwagîrîrîte tue tûvingie wendi wa Ngai.” Kwoguo Johana nîwetîkîre kûvatithia Jesû.

Mathaayo 7:12

“Kwoguo îkagani andû arîa engî ûrîa mûngîenda mamwîke, nîûndû ûguo nîguo kûthomithanîtue nî Watho wa Musa na arathi.

Luka 16:17

Nwatî kûthira kwa îgûrû na nthî nî kûvûthû gûkîra kûthengutia gatiring'o wana kamwe ka Watho.

Johana 8:5

Wathorî wetû Musa aatwathire atî mûndûmûka ta ûyû aagîrîrwe arivwe na mathiga nginya akue. Rîu we ûrauga atîa?”

Ciîko 18:13

na makiuga atîrî, “Mûndû ûyû nîarageria kwîgwithia andû magooce Ngai na njîra îreganîte na watho wetû!”

Ciîko 21:28

Nao nîmaaugîrîrie atîrî, “Andû a Isiraeli! Tûtethererieni! Mûndû ûyû nîke ûthiîcaga kûndû kuonthe akîthomithagia andû onthe maregane na andû a Isiraeli, Watho wa Musa na hekarû îno. Na rîu ke wana nîwarete amwe a andû a ndûrîrî gûkû hekarûrî na nîmekîrîte kûndû gûkû kwamûrîrîtwe Ngai mûgiro!”

Ciîko 6:13

Nîmaacokire makîrete aira a maveeni arîa maaugire atîrî, “Mûndû ûyû ndatigaga kwaria ciugo cia kûmenereria hekarû yetû ntheru wana Watho wa Musa.

Aroma 10:4

Nîûndû Kristû nîwathiririe watho nîguo mûndû wa wonthe ûmwîtîkîtie etîkîrîke nî Ngai.

Aroma 3:31

Ûguo nî kuga atî tûte ûvoro wa Watho nîûndû wa gwîtîkia? Naarî. Vandû va ûguo nîkwa tûnyitagia Watho.

Aroma 8:4

Ngai eekire ûguo nîguo tue arîa tûrûmagîrîra maûndû marîa Roho endaga nwatî tî maûndû marîa meriragîrua nî mwîrî tûvingagie maûndû marîa watho ugîte.