Mathaayo 4:19 - ÎVUKU RÎA ÛVORO MWARO

¹⁹ Nake Jesû nîwamerire atîrî, “Nûmîrîrani na nîngûmûtua ategi a andû.”

Mathaayo 4:19 ပူးပေါင်းရင်းမြစ်များ

Mathaayo 16:24

Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre.

Mathaayo 19:21

Nake Jesû nîwamûcokerie atîrî, “Ûngîenda gûtuîka mwagîrîru, thiî ûkendie indo ciaku cionthe na ûve athîni mbeca icio, nawe nîûkwîigîra mûthithû îgûrû. Na weka ûguo ûcoke ûûke ûnûmîrîre.”

Mathaayo 4:18

Na rîrîa Jesû aavîtûkîrîrîte rûtererî rwa îria rîa Galili, nîwonire ariû aîrî a ng'ina ûmwe magîtega nthamaki îriarî na neti, nîûndû ûcio nîguo warî wîra wao. Nao maarî, Simoni (ûrîa wîtagwa Petero) na mûrwang'ina Enderea.

Mathaayo 4:20

Nao nîmaatiganîrie neti ciao wa rîmwe na makîmûrûmîrîra.

Mathaayo 8:22

Nwatî Jesû nî wamûcokerie atîrî, “Nûmîrîra na ûtige andû arîa akuû mathike akuû ao.”

Mathaayo 9:9

Nake Jesû nîwaumire kûu, na arî njîrarî athiîte nîwonire mûndû wetagwa Mathaayo warutaga wîra wa gwîtia mbia cia gooti ekarîte nthî wavicirî yake. Jesû nîwamwîrire atîrî, “Nûmîrîra.” Nake Mathaayo nîwarûngamire na akîmûrûmîrîra.

Maariko 2:14

Na rîrîa aavîtûkaga, nîwonire mwîtia wa mbeca cia gooti wetagwa Lawi mûrû wa Alufayo ekarîte wavicirî yake. Nake Jesû nîwamwîrire atîrî, “Nûmîrîra.” Nake Lawi nîwaûkîrire na akîmûrûmîrîra.

Luka 5:27

Nake Jesû arîkia gwîka ûguo, nîwaumire nja na akîona mwîtia wa mbeca cia gooti wetagwa Lawi, ekarîte wavicirî yake na akîmwîra atîrî, “Nûmîrîra.”

Luka 9:59

Nake Jesû nîwerire mûndû wîngî atîrî, “Nûmîrîra.” Nake mûndû ûcio nîwamûcokerie atîrî, “Mwathani, tiga nyambe nthiî ngathike vava.”

Johana 1:43

Naguo mûthenya ûcio wîngî Jesû nîwatwire athiî Galili. Nake nîwethîrîrie Filipu na akîmwîra atîrî, “Nûmîrîra!”

Johana 12:26

Mûndû wa wonthe ûndungatagîra nwa nginya anûmîrîre nîguo varîa nîrî ndungata yakwa îthagîrwe nîvo îrî wa nayo. Nake Vava agaatîîaga mûndû wa wonthe ûrîa ûndungatagîra.

Johana 21:22

Jesû nîwamûcokerie atîrî, “Wana ngenda ekare nginya rîrîa ngaaûka-î, îo nî thîna yaku? We ta nûmîrîra!”

2Akor 12:16

Mue nîmûgwîtîkîra atî, nie ndiatuîka mûrigo kûrî mue. Nwatî mue mugaga atî naarî na wara na nînaamûveenirie nîguo nîmûnyite.