Mathaayo 28:9 - ÎVUKU RÎA ÛVORO MWARO

⁹ Na wa rîmwe Jesû nîwaumîrîre aka acio na akîmeera atîrî, “Gîani na thayû.” Nao nîmaathiîre kûrî ke na makîmûgooca manyitîte magûrû make.

Mathaayo 28:9 ပူးပေါင်းရင်းမြစ်များ

Isaia 64:5

We nîwamûkagîra andû arîa mekaga maûndû ma ûthingu makenete, arîa makûririkanaga na marûmagîrîra njîra ciaku. We nîwarakarire nîtue, nwatî nîtwathiîre na mbere kwîvia; wana ethîrwa nîwarakarire mûno nîtue, tûtwîre twîvagia kuuma tene.

Mathaayo 14:33

Nao arutwa arîa maarî gatarûrî nîmaagoocire Jesû makiugaga atîrî, “Nî ma we ûrî Mûriû wa Ngai!”

Mathaayo 23:7

Nîmendaga gûkethua na gîtîîo thokorî na gwîtwa ‘arimû’ nî andû.

Mathaayo 28:10

Nake Jesû nîwamerire atîrî, “Tigani gwîtigîra. Thiîni mwîre ariû a îthe wetû mathiî Galili na kûu nîkuo makaamona.”

Mathaayo 28:17

Na rîrîa maamwonire, nîmaamûgoocire wana gûtuîka amwe gatagatîrî kao maarî na nganja.

Mathaayo 28:8

Kwoguo aka acio nîmaumire mbîrîrarî na îvenya mamakîte nwatî marî na gîkeno. Nîmaavinyûrire na makîthiî kwîra arutwa a Jesû ûvoro ûcio.

Luka 1:28

Mûraika ûcio nîwathiîre kûrî Mariamu na akîmûkethia atîrî, “Wî mwaro? We wî mûrathime mûno! Mwathani arî vamwe nawe!”

Luka 24:52

Nao arutwa ake nîmaamûgoocire na magîcoka îtûûrarî rîa Jerusalemu makenete mûno.

Luka 7:38

Nake mûndûmûka ûcio nîwaturirie maru vakuvî na magûrû ma Jesû akîambîrîria kûrîra, na methori marîa maaumaga akîrîra nîmeetîkîre na magîconja magûrû ma Jesû. Nake mûndûmûka ûcio nîwagiririe methori mau na njuîrî ciake, agîcoka akîmumunya magûrû na akîmavaka maguta.

Johana 12:3

Mariamu nîwocire mûcuva warî na maguta maanungaga waro na ma goro, akîmetîrîria magûrûrî ma Jesû. Mariamu nîwagiririe maguta magûrûrî ma Jesû na njuîrî ciake. Naguo mûnungo mwaro wa maguta mau nîwecûrire nyomba yonthe.

Johana 20:19

Jumaviri wa îo kîvwaî arutwa nîmaagomanîte vamwe nyomba ndaarî mevingîrîte nîûndû nîmeetigagîra anene a Ayahudi. Nake Jesû nîwamaumîrîre na akîmeera atîrî, “Gîani na thayû.”

Johana 20:28

Nake Toma nîwamûcokerie atîrî, “Mwathani wakwa na Ngai wakwa!”

2Akor 13:11

Mûthiiarî ariû na aarî a Vava, tigwani na waro. Thondekani mîkarîre yenyu, athîkagîrani ûrîa mbugîte. Îgucanagani mûndû na ûrîa wîngî, îkaragani na thayû. Nake Ngai ûrîa ûvecanaga wendani na thayû akethagîrwa namue.

Kûguû 3:9

Tathikîrîriani! Andû amwe nî a gîkundi Kîam andû a Caitani. Andû acio nî a maveeni na maugaga atî o nî Ayahudi na tî o. Acio nîngaatûma maûke na menamîrîre mbere ya magûrû maku na nîmakaamenya atî nie nîngwendete.