Mathaayo 28:19 - ÎVUKU RÎA ÛVORO MWARO

¹⁹ Kwoguo thiîni kûrî andû onthe arîa marî nthî yonthe mûkamatue arutwa akwa. Mavatithagieni na rîîtwa rîa Îthe, na rîa Mûriû na rîa Roho Mûtheru.

Mathaayo 28:19 ပူးပေါင်းရင်းမြစ်များ

Kîam 1:26

Ngai nîwacokire akiuga atîrî, “Nîtûmbeni mûndû ûvanene natue na wîkariî tatue. Nake akaathaga nthamaki, iconi, na nyamû cionthe irîa ciîkaraga mîciî na cia kîthaka nini na nene.”

Isaia 48:16

“Nguvîvîriani mwîgue ûrîa nguga, kuuma tene ndianarîria nthithorî, kuuma rîrîa maûndû mau maambîrîîrie gwîkîka Nie naarî wa kuo.” Na rîu Ngai-Mûnene mwene vinya wonthe, nîandûmîte na akamva vinya wa Roho wake.

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 52:10

Ngai-Mûnene nîonanîtie vinya wake mûtheru kûrî andû a mavûrûri monthe, nayo mîthiia yonthe ya nthî nîîkona ûvonokio wa Ngai wetû.

Mathaayo 13:52

Kwoguo Jesû nîwamerire atîrî, “Mwarimû wa wonthe wa Watho ûrîa ûtuîkîte mûrûmîrîri wa Ûthamaki wa Îgûrû, ekariî ta mwene mûciî ûrîa ûrutaga indo irîa njerû na irîa ngûrû kuuma mûthithûrî wake.”

Mathaayo 25:32

Nao andû a mavûrûri monthe nîmagacokanîrîrua vamwe vau mbere yake. Nake nîagaacoka amagaanie ikundi igîrî, wata ûrîa mûrîthi aamûranagia ng'ondu kuuma kûrî mbûri.

Ciîko 1:2

nginya rîrîa aavirirwe îgûrû. Mbere ya avirwa îgûrû, nîwavere andû arîa aathuurîte matuîke atûmwa ake kîrîra. Nake eekire ûguo avotithîtue nî Roho Mûtheru.

Ciîko 1:8

Nwatî rîrîa Roho Mûtheru agaaûka kûrî mue, nî mûkaagîa na vinya na mûtuîke aira akwa Jerusalemu, Judea kuonthe na Samaria wana mîthiia yonthe ya nthî.”

Ciîko 14:21

Paûlo na Baranaba nîmaavunjirie Ûvoro Mwaro îtûûrarî rîa Deribe na makîgîa na arutwa eengî mûno. Nao Paûlo na Baranaba nîmaacokire Listra, Ikonia na Antiokia ya Pisidia.

Ciîko 2:41

Kwoguo andû arîa metîkîîre ndûmîrîri îrîa Petero aamaveere, nîmaavatithirue. Mûthenya ûcio andû ngiri ta ithatû nîmoongererekire gîkundirî Kîam etîkia.

Ciîko 28:28

“Kwoguo nînîrenda mûmenye atî Ngai nîatûmîte ûvoro wake wa ûvonokio kûrî andû a ndûrîrî, na o nîmakûthikîrîria!”

Ciîko 9:18

Na wa rîmwe tûnyamû twekariî ta tûkoro twa rûûo rwa nthamaki nîtwagwîre kuuma methorî ma Saûlo na akîvota kwona rîngî. Nake nîwacokire akîrûngama na akîvatithua;

Aroma 10:18

Nwatî nîmbûria atîrî: Nîma atî andû matirî megua ûvoro mwaro? Nîma nîmeguîte nîûndû Mandîko Matheru maugîte atîrî: “Mîgambo yao nîyathiîre nthî yonthe, na ciugo ciao igîkinya ituri cionthe cia nthî.”

1Akor 15:29

Ethîrwa akuû matikaariûkua, andû arîa mavatithagua vandûrî va akuû mageeka atîa? Ethîrwa akuû matikaariûkua andû mavatithagua vandûrî vao nîkî?

Agal 3:27

Mue arîa mûvatithîtue na mûgatuîka kîndû kîmwe na Kristû nîmûtuîkîte take.

Aefeso 2:18

Na njîra ya Kristû, tuonthe Ayahudi na andû a Ndûrîrî nîtûvotithagua nî Roho ûmwe gûkinya kûrî Vava wetû.

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.

1Pet 3:21

Na manjî mau maringithanagua na ûvatithio ûrîa rîu ûmûvonokagia. Ûvatithio tî wa kûthambia mûndû gîko Kîam mwîrî, nwatî nî kîîranîro kûrî Ngai kiumîte thamirirî mbaro. Ûvatithio ûcio ûmûvonokagia na njîra ya kûriûka gwa Jesû Kristû,

1Joh 5:7

8 Kûrî na aira athatû, nao nî;