Mathaayo 27:63 - ÎVUKU RÎA ÛVORO MWARO

⁶³ “Mûnene, tue nîtûraririkana atî vîndî îrîa mûndû ûcio mûthani aatûûraga mwoyo nîwaugire atîrî, ‘Nîngaariûkua mûthenya wa kathatû.’

Mathaayo 27:63 ပူးပေါင်းရင်းမြစ်များ

Mathaayo 16:21

Kuuma vîndî îo Jesû nîwambîrîrie kwîra arutwa ake atîrî, “Nwa nginya nthiî Jerusalemu na nyamarue nî athuuri, anene a athînjîri-Ngai na arimû a Watho. Nîmakaambûraga, nwatî mûthenya wa kathatû nîngaariûkua.”

Mathaayo 17:23

nao nîmakaamûraga, na vuva wa mîthenya îthatû, nîakaariûkua.” Nao arutwa nîmeguire kîeva mûno.

Mathaayo 20:19

Nao nîmagaacoka mamûvecane kûrî andû a ndûrîrî nîguo mamûnyûrûrie, mamûrive na ivoko na macoke mamwambe mûtharavarî îgûrû. Nwatî mûthenya wa kathatû nîakaariûkua.”

Mathaayo 26:61

na makiuga atîrî, “Mûndû ûyû aaugire atî nwa avote kwomomora hekarû ya Ngai na amîtume rîngî na mîthenya îthatû.”

Mathaayo 27:64

Kwoguo, athana mbîrîra yake îrangîrwe nginya mûthenya wa kathatû nîguo arutwa ake kûthiî vo maîe mwîrî wake na vuva wa ûguo macoke meere andû atî Jesû nîmûriûku. Maveeni ta mau nwa methîrwe marî macûku mûno gûkîra marîa ma mbere.”

Mathaayo 28:6

Ndarî ava, ke nîariûkîtue wata ûrîa aaugire. Taûkani mwone varîa aramamîte.

Maariko 10:34

arîa makaamûnyûrûria, mamûtuîre mata mamûrive na ivoko na mamûûrage, na vuva wa mîthenya îthatû ariûke.”

Maariko 8:31

Jesû nîwacokire akîambîrîria kûthomithia arutwa ake atî, “Nwa nginya Mûrû wa Mûndû one mathîna meengî, aregwe nî athuuri, anene a athînjîri-Ngai, na arimû a Watho, na acoke aûragwe, na vuva wa mîthenya îthatû ariûke.”

Maariko 9:31

nîûndû nîwathomithagia arutwa ake akîmeeraga atîrî, “Mûrû wa Mûndû nîakaanenganîrwa kûrî andû, nao mamûûrage, na vuva wa mîthenya îthatû, ariûke.”

Luka 18:31

Jesû nîwocire arutwa ake akîthiî ndundu nao na akîmera atîrî, “Tathikîrîriani! Tûthiîte Jerusalemu kûrîa maûndû monthe marîa arathi maandîkire megiî Mûrû wa Mûndû makaavingîrua.

Luka 18:33

Nîmagaacoka mamûvûûre na ivoko na mamûûrage. Na mûthenya wa kathatû nîakaariûka.”

Luka 23:2

Nao nîmaambîrîrie kûmûthitanga makiugaga atîrî, “Tue tûranyitire mûndû ûyû akîvîtithia andû a vûrûri wetû. Arameeraga matikarutîre mûthamaki wa Roma mbeca cia gooti na akauga atî ke nîke Mesaya, mûthamaki.”

Luka 9:22

na akîmeera atîrî, “Nwa nginya Mûrû wa Mûndû athînue mûno na aregwe nî athuuri, anene a athînjîri-Ngai, na arimû a Watho. Nake nîakaaûragwa na mûthenya wa kathatû acoke ariûke.”

Johana 2:19

Nake Jesû nîwamacokerie atîrî, “Thariani hekarû îno na nîngûcoka nîmîtume na mîthenya îthatû.”

Johana 7:12

Nao andû eengî nîmaambîrîrie kwaria na kîvwe ûvoro ûmwîgiî. Andû amwe maaugaga atîrî, “Ke nî mûndû mwaro,” na engî makauga atîrî, “Naarî nîaravîtithia andû.”

Johana 7:47

Nao Afarisai nîmaaûririe arangîri acio atîrî, “Anga wa namue mûrî aritie nîke?

2Akor 6:8

Nîtûgathagîrîrua na nîtûcambagua; nîtûkumagua na nîtûrumagwa. Tue tûtucagwa ta andû a maveeni, nwatî twaragia ûma.