Mathaayo 27:25 - ÎVUKU RÎA ÛVORO MWARO

²⁵ Nakîo kîrîndî kîonthe nîgîacokirie atîrî, “Nthakame yake nî îtûcokerere na îcokerere ciana cietû.”

Mathaayo 27:25 ပူးပေါင်းရင်းမြစ်များ

2Sam 1:16

Daudi nîwerire Mûmaleki ûcio atîrî, “Nthakame yaku îrogûcokerera nîûndû we nîwe waumbûra na kanyua gaku atî nîwe waûragire mûndû ûrîa Ngai-Mûnene aathuurire nîguo atuîke mûthamaki.”

1Atha 2:32

Ngai-Mûnene nîakaaverithia Joabu nîûndû wa andû acio aaûragire vava Daudi atakûmenya. Joabu aaûragire arûme aîrî matarî na mavîtia na maarî aro kûmûkîra. Nao maarî: Abineri mûvîcî wa Neri na mûtongoria wa athigari a Isiraeli, na Amasa mûvîcî wa Jetheri mûtongoria wa athigari a Juda.

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ndari 35:33

Mûtigacûkangie vûrûri ûrîa mûtûûraga na njîra ya kûragana, nîûndû nthakame ya mûndû aûragîtwe nîcûkagia vûrûri. Gûtirî njîra îngî ya kûtheria vûrûri kuumana na wîvia ûcio tiga kûraga mûndû ûcio ûraganîte.

Mathaayo 21:44

Na mûndû ûrîa ûkaagwîra îthiga rîu nîakaaunîkanga, na rîngîkaagûîra mûndû nîrîkaamûmindiûra atuîke rûkûngû.]”

Ciîko 18:6

Nao nîmaamûkararirie na makîmûruma. Kwoguo nîwarivarivire rûkûngû kuuma nguorî ciake na akîmeera atîrî, “Mwona mwarega kûvonoka, nî venyu! Nie ndirî vo! Kuuma rîu nie nîngûthiî kûrî andû a ndûrîrî.”

Ciîko 5:28

na akîmeera atîrî, “Tue tûramûkaanirie na vinya tûkîmwîra mûtikathomithanie na rîîtwa rîa mûndû ûcio. Nwatî mue ta roriani ûrîa mwîkîte! Mue mûthomithanîtie Jerusalemu kuonthe, na mûrenda tûcokwe nî nthakame ya mûndû ûcio!”

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.

Gûco 19:10

Mûgeeka ûguo nîguo mûndû ûrîa ûtekîte ûndû mûcûku ndakaûragîrwe vûrûrirî wenyu ûrîa Ngai-Mûnene Ngai wenyu akûmûva rîrî îgai rîenyu, na mûtikethîrwe mûrî na mavîtia ma kûûraga mûndû ûtarî na mavîtia.

Gûco 19:13

Mûtikeguîre mûndû ûcio ûûraganîte ntha. Mûkaathiria andû arîa maûragaga arîa engî matarî na mavîtia vûrûrirî wa Isiraeli nîguo mûtûûre na thayû.

Josh 2:19

Mûndû wa wonthe wa cienyu angîkaauma nja na aûragwe, mau makethîrwa marî mavîtia make, tue tûtikaaûrua. Nake mûndû wa wonthe wa cienyu, arîa mûkeethîrwa mûrî nao nyomba angîkoona thîna nîtue tûkaaûrua nthakame yake.