Mathaayo 27:17 - ÎVUKU RÎA ÛVORO MWARO

¹⁷ Kwoguo, rîrîa andû maagomanire, Pilato nîwamaûririe atîrî, “Mûrenda nîmûrekerie ûrîkû? Nî Baraba kana nî Jesû ûrîa wîtagwa Mesaya?”

Mathaayo 27:17 ပူးပေါင်းရင်းမြစ်များ

1Atha 18:21

Nake Elija nîwathiîre kûrî andû acio na akîmaûria atîrî, “Nîmwîthîrwa mûrî na mathangania na nganja nginya rî? Ethîrwa Ngai-Mûnene nî Ngai, mûgooceni; nwatî ethîrwa Baali nîke Ngai, mûgooceni!” Nwatî andû matiamwîra wanarî ûndû.

Mathaayo 1:16

Jakovu aarî îthe wa Josefu ûrîa warî mûthuuri wa Mariamu; Mariamu ûrîa waciarire Jesû ûrîa wîtagwa Mesaya.

Mathaayo 27:16

Na vîndî îo kwarî na mûndû ûmwe wovetwe njeera wetagwa Baraba. Ke nîwecîkene nîûndû aarî mûcûku mûno.

Mathaayo 27:18

Pilato nîwecî waro atî atongoria a Ayahudi maanenganîrîte Jesû kûrî ke nîûndû maarî na rwetho.

Johana 19:15

Nao Ayahudi nîmaaugîrîrie atîrî, “Mûrage! Mûrage! Mwambithie mûtharavarî!” Pilato nîwamaûririe atîrî, “Nîkwa mûrenda nyambithie mûthamaki wenyu mûtharavarî?” Nao anene a athînjîri-Ngai nîmaamûcokerie atîrî, “Tue tûtirî mûthamaki wîngî tiga mûthamaki wa Roma!”

Johana 4:25

Nake mûndûmûka ûcio nîwerire Jesû atîrî, “Nie nîmbîcî atî Mesaya nîagaaûka, na vîndî îrîa agaaûka agaatwîra maûndû monthe.”

Josh 24:15

Ethîrwa mûtikwenda gûtungatîra Ngai-Mûnene, thuurani ûmûnthî ûrîa mûgatungatagîra. Thuurani kana nîkwa mûgatungatagîra ngai irîa methe menyu ma tene maatungataga marî Mesopotamia kana ngai cia Amori. Nwatî nie na andû a nyomba yakwa tûgaatungatagîra Ngai-Mûnene.”