Mathaayo 26:63 - ÎVUKU RÎA ÛVORO MWARO

⁶³ Nwatî Jesû ndaamatumûka, aakirire kivi. Na wa rîngî Mûthînjîri-Ngai ûrîa mûnene nîwerire Jesû atîrî, “Nie nakwatha na rîîtwa rîa Ngai ûrîa ûtûûraga Mwoyo ûtwîre kana we nîwe Mesaya Mûriû wa Ngai.”

Mathaayo 26:63 ပူးပေါင်းရင်းမြစ်များ

1Atha 22:16

Nwatî Ahabu nîwamwîrire atîrî, “Nîngwîra maita megana, atî vîndî îrîa ûkûmbîra ûndû na rîîtwa rîa Ngai-Mûnene nwanginya ûmbîrage ûvoro wa ma?”

2Maû 18:15

Ahabu nîwacokirie atîrî, “Ûrenda ngwîre maita megana, atî rîrîa ûkwaria nanie rîîtwarî rîa Ngai-Mûnene waragie ûma mûtheri?”

Thaburi 42:2

Nînyonderete Ngai, Ngai ûrîa ûtûûraga mwoyo. Ngaakinya gwake rî mone ûthiû wake?

Nthi 29:24

Mûndû ûrîa ûnyitanagîra na mwîi acûkangagia ûtûûro wake ke mwene, nîegucaga irumi cia ûrîa ûrarumwa, na ndetîkagîra kumbûra.

Isaia 53:7

“Nîwavinyîrîrue na akîthînua, nwatî ndaauga wanarî ûndû. Aakirire ta ng'ondu îvirîtwe kûthînjwa, na aakirire wata ûrîa ng'ondu îkiraga vîndî îrîa guoya wayo ûrenjwa, ndaatumûra kanyua gake.

Danieli 3:16

Nao Shadiraka, Mîsheki na Abendinego nîmaacokerie mûthamaki atîrî, “Mwathi wetû Nebukadinezarû, gûtirî na vata wa kwîgitîra maûndûrî mama.

Alawi 5:1

Ethîrwa mûndû wa wonthe nîetîtwe akavecane ûira îgootirî na arege kûvecana ûvoro wîgiî ûndû ûrîa onete kana eguîte, nwanginya akaaverithua nîûndû wa mavîtia make.

Mathaayo 16:16

Nake Petero nîwamûcokerie atîrî, “We nîwe Mesaya Mûriû wa Ngai ûrîa ûtûûraga mwoyo.” Nake Jesû nîwacokirie atîrî,

Mathaayo 26:62

Nake Mûthînjîri-Ngai ûrîa mûnene nîwarûngamire na akîra Jesû atîrî, “Anga we ndûrî na ûndû ûngîcokia îgûrû rîa maûndû mama monthe ûrathitangwa namo?”

Mathaayo 27:12

Nwatî Jesû ndaacokia ûndû îgûrû rîa maûndû marîa aathitangirwe namo nî anene a athînjîri-Ngai na athuuri.

Mathaayo 27:14

Nwatî Jesû nîwaregire gûcokia wanarî ûndû. Kwoguo Pilato nîwamakire mûno.

Mathaayo 27:40

“Ooo! We nîûngîomomorire hekarû na ûmîtume rîngî na mîthenya îthatû. Îîtethûre na wîrute mûtharavarî ethîrwa we wî Mûriû wa Ngai.”

Mathaayo 27:43

Ke nîevokete Ngai na augaga atî ke nî Mûriû wa Ngai. Tigani rîu twone kana Ngai nîakûmûtethûra.”

Mathaayo 27:54

Rîrîa mûnene wa athigari îgana na athigari arîa maarî nake marangîrîte Jesû meegwire kîthingithia, na makîona maûndû marîa mengî monthe meekîkire, nîmaamakire na makiuga atîrî, “Na ma mûndû ûyû ararî Mûriû wa Ngai!”

Mathaayo 4:3

Nayo Ngoma nîyathiîre kûrî ke na îkîmwîra atîrî, “Ethîrwa nîwe Mûriû wa Ngai, atha mathiga mama matuîke mîgate!”

Maariko 14:61

Nwatî Jesû ndaamatumûka, aakirire kivi. Wana rîngî Mûthînjîri-Ngai mûnene nîwaûririe Jesû atîrî, “We nîwe Mesaya, Mûriû wa Ngai ûrîa Mûrathime?”

Johana 1:34

Nie nînona maûndû mama magîkîka na nekîra ûira atî mûndû ûyû nî Mûriû wa Ngai.”

Johana 1:49

Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

Johana 10:24

andû amwe nîmaamûrigicîrie na makîmûûria atîrî, “Nîwîkara ûtwigîte na nganja nginya rî? Twîre cararûkû: we nîwe Mesaya?”

Johana 10:30

Nie na Vava tûrî kîndû kîmwe.”

Johana 10:36

Vava nîwanyamûrire na akîndûma gûkû nthî. Kwoguo nîndûî kîratûma muge nînaruma Ngai namwîra, ‘Nie nîrî Mûriû wa Ngai?’

Johana 18:37

Pilato nîwamûririe atîrî, “Anga we ûrî mûthamaki?” Nake Jesû nîwamûcokerie atîrî, “We nîwe wauga atî nie nîrî mûthamaki. Nie naaciarirwe na ngîûka gûkû nthî nîûndû wa gîtûmi gîkî kîmwe, kwaria ûvoro wa ma. Na mûndû wa wonthe wîthagîrwa akîaria ûma nîambathîkagîra.”

Johana 19:7

Nao Ayahudi nîmaamûcokerie atîrî, “Watho wetû ugaga atî ke aagîrîrwe nî kûûragwa nîûndû nîwîtuîte Mûriû wa Ngai.”

Johana 19:9

Nîwacokire agîtonya rîngî kûu nyomba na akîûria Jesû atîrî, “We wî wa kuuma kû?” Nwatî Jesû ndaamûcokeria.

Johana 20:31

Nwatî ino ciandîkirwe nîguo mwîtîkie atî Jesû nîke Mesaya Mûriû wa Ngai, na atî mwamwîtîkia nîmûkaagîa na mwoyo nîûndû wa rîîtwa rîake.

Johana 6:69

Tue nîtwîtîkîtie na tûkamenya atî we nîwe ûrîa Mûtheru kuuma kûrî Ngai.”

Johana 8:25

Nao nîmaamûririe atîrî, “We nîwe û?” Nake Jesû nîwamacokerie atîrî, “Nie nînaamwîrire nîrî û kuuma wa Kîammbîrîria.

2Akor 1:19

Nîûndû Jesû Kristû Mûriû wa Ngai, ûrîa twamûvunjîrie tûrî nie, Sailasi, na Timotheo, ndarî “Ii” na “naarî”. Kûrî Kristû kwîthagîrwa vîndî cionthe kûrî “Ii”,

1Pet 2:23

Rîrîa aarumirwe, ndeerîvîrîria na kûrumana. Rîrîa aathînirue, gûtirî mûndû eevîtîre, nwatî aaigire mwîrîgîrîro wake kûrî Ngai ûrîa ûtucanagîra cira na kîvooto.

1Sam 14:24

Nao andû a Isiraeli nîmaathirirwe nî vinya mûno mûthenya ûcio, nîûndû Saûlo nîwamevîtithîtie mwîvîtwa na akîmeera atîrî, “Mûndû wa wonthe ûrîa ûkaarîa irio ûmûnthî mbere ya gûtuke nie ndarîkîtie gûtooria nthû ciakwa aronyitwa nî kîrumi.” Kwoguo gûtirî mûndû warîre irio mûthenya ûcio wonthe.

1Sam 14:26

Na rîrîa andû acio maatonyire mûtitûrî ûcio nîmoonire mîtî îcûrîte ûûkî taka ûgîtîkaga matata; nwatî gûtirî mûndû waûrûmire, nîûndû andû onthe nîmeetigagîra mwîvîtwa ûrîa meevîtithîtue nî Saûlo.

1Sam 14:28

Nake mûndû ûmwe gatagatîrî ka andû acio nîwaugire atîrî, “Tue tuonthe tûrî athiru vinya nîûndû wa kûvûta, nwatî aguo nîevîtithiirie andû mwîvîtwa auga atî, ‘Mûndû ûrîa wonthe ûkaarîa irio ûmûnthî aronyitwa nî kîrumi’ ”