Mathaayo 26:40 - ÎVUKU RÎA ÛVORO MWARO

⁴⁰ Nake Jesû nîwacokire varîa arutwa acio athatû maarî, na akîmethîrîria marî toro. Nake nîwaûririe Petero atîrî, “Mûtingîvotire gwîkara mûtarî toro na mûvoe vamwe nanie wanarî îthaa rîmwe?

Mathaayo 26:40 ပူးပေါင်းရင်းမြစ်များ

1Atha 20:11

Ahabu mûthamaki wa Isiraeli nîwacokirie atîrî, “Thiîni mwîre mûvîcî wa Hadadi, mûthamaki atî mûthigari njamba etîîaga vuva wa mbaara, nwatî tî mbere ya mbaara.”

Rwîmbo rwa Nyîmbo 5:2

Naamamîte, nwatî ngoro yakwa ndîarî toro. Nînegwire mwendwa akîringaringa mûrango. Mvingûrîra mûviki wakwa mwendwa wakwa, ndutuura yakwa we mwaro viû. Kîongo gîakwa kîrî na îme, na njuîrî ciakwa irî na rûthuthuû rwa ûtukû.

Mathaayo 25:5

Nake mûvikania nîwacererwe nî gûkinya, na kwoguo erîtu acio nîmaambîrîrie kûgocerera na makîmama.

Mathaayo 26:35

Nake Petero nîwamûcokerie atîrî, “Nie ndigaagûkaana wana ethîrwa nîkwa ngûraganîrua vamwe nawe!” Nao arutwa acio engî onthe nîmaaugire wa guo.

Mathaayo 26:38

na akîra arutwa ake atîrî, “Nie nînîregua kîeva kîîngî mûno ngororî yakwa wa takwa nîngîkua. Îkaragani ava vamwe na nie na mûtikagwatwe nî toro.”

Mathaayo 26:41

Mûtikamame nwatî voyani nîguo mûtikagwe mageriorî. Roho nîûrenda nwatî mwîrî ndûrî na vinya.”

Mathaayo 26:43

Ke nîwacokire rîngî kûrîa arutwa maarî, na nîwamethîrîrie mamamiî nîûndû maarî na toro mwîngî.

Maariko 14:37

Rîrîa aacokire varîa arutwa acio athatû maarî nîwamethîrîrie marî toro na akîûria Petero atîrî, “Simoni, nîkwa ûrî toro? Ndûngîvotire gwîkara wanarî îthaa rîmwe ûtarî toro?

Luka 22:45

Rîrîa Jesû aarîkirie kûvoya, nîwacokire varîa aatigîte arutwa ake na akîmethîrîria mamamîte na maûrîtwe nî vinya nîûndû wa kîeva.

Luka 9:32

Nake Petero vamwe na andû aîrî arîa maarî nake maarî toro, nwatî vîndî îo nîmaaramûkire na makîona Jesû arî na riiri na andû aîrî marûngamîte vamwe nake.

Atir 9:33

Rûyû kîraûko riûa rîkîratha mûkaatharîkîra îtûûra. Rîrîa Gaali na andû ake magaaûka kûrûa namue, mûkaamariva na vinya wata ûrîa mûngîvota!”