Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mathaayo 26:28 - ÎVUKU RÎA ÛVORO MWARO

28 Îno nî nthakame yakwa ya Kîrîkanîro, îrîa îgeetûrûrwa nîûndû wa andû eengî nîûndû wa kwoverwa mevia.

အခန်းကိုကြည့်ပါ။ ကော်ပီ




Mathaayo 26:28
26 ပူးပေါင်းရင်းမြစ်များ  

Ngai-Mûnene arauga atîrî, “Îvinda nîrîgûkinya rîrîa ngarûtha kîrîkanîro gîcerû na andû a Isiraeli na andû a Juda.


Mwoyo wa indo cionthe irîa ivevaga ûrî nthakamerî, kwoguo mbathanîte atî nthakame yonthe îtûrûragwe îgûrû rîa metha ya kîgongoona nîguo îtheragie mevia ma andû onthe. Nthakame îthagîrwa îrî mwoyo, na kîu nîkîo gîtûmaga Ngai amîvûthîre gûtûtheria mevia.


Ngai-Mûnene augîte atîrî, “Nîûndû wa kîrîkanîro gîakwa namue, kîrîa gîakindîrue na nthakame ya magongoona, nîngaarekereria andû enyu arîa ove, nîmarute kûu marî îrimarî rîtarî manjî.


Nîûndû wana nginya Mûrû wa Mûndû ndaaûka gûtungatîrwa nwatî aûkire gûtungata na kûvecana mwoyo ûtuîke îrîvi rîa gûkûûra andû eengî maume meviarî.”


Nîwacokire agîoca gîkombe, agîcokeria Ngai ngatho, akîmanengera, na akîmeera atîrî, “Nyuani îno muonthe.


Nîramwîra atî nie ndigaacoka kûnyua ndivei îno rîngî nginya mûthenya ûrîa ngaamînyua îrî njerû tûrî namue Ûthamakirî wa Vava.”


Twovere mevia marîa twîkîte, wata ûrîa twovagîra arîa matûvîtîrîtie.


Nake Johana nîwathiîre werûrî akîvunjagia na akîvatithanagia. Nîweraga andû atîrî, “Îrireni mevia menyu na mûvatithue, nake Ngai nîakûmwovera mevia menyu.”


Nake Jesû nîwamerire atîrî, “Îno nî nthakame yakwa ya kîrîkanîro, îrîa îgeetûrûrwa nîûndû wa andû eengî.


Nîwacokire agîoca mûgate na arîkia gûcokeria Ngai ngatho, akîwenyûranga na akînengera arutwa ake akiugaga atîrî, [“Ûyû nîguo mwîrî wakwa ûrîa ûvecanîtwe nîûndû wenyu. Îkagani ûguo nîguo mûndirikanage.”


Na marîkia kûrîa, nîwamanengere gîkombe akiugaga atîrî, “Gîkombe gîkî nî Kîam nthakame yakwa ya kîrîkanîro gîcerû îrîa yetûrûrirwe nîûndû wenyu.]


Nwatî Adamu na mûndû ûcio methagîrwa marî na ngûrani, nîûndû kîveo Kîam Ngai tî ûndû ûmwe na mevia ma Adamu. Andû eengî nîmaakwire nîûndû wa mevia ma mûndû ûcio ûmwe. Nwatî wega wa Ngai nî mwîngî makîria, kwoguo andû eengî nîmaamûkîre kîveo kuuma kûrî Ngai na njîra ya wega wa mûndû ûmwe na nîke Jesû Kristû.


Wata ûrîa andû eengî maatwirwe evia nîûndû wa ûremi wa mûndû ûmwe, na njîra wata îo andû eengî nîmagaatuwa athingu nîûndû wa kwathîka kwa mûndû ûmwe.


Na njîra wata îo, rîrîa maarîkirie kûrîa irio cia kîvwaî, nîwocire gîkombe na akiuga atîrî, “Gîkombe gîkî nî gîa kîrîkanîro gîcerû kîrîa kîonanîtue na njîra ya nthakame yakwa. Vîndî cionthe rîrîa mûkaanyunyaga ndivei kuuma gîkomberî gîkî, îkagani ûguo nîûndû wa kûndirikanaga.”


Nîtûrutîtwe meviarî na njîra ya nthakame ya Kristû, ûguo nîkuga nîtwoveretwe mevia metû nîûndû wa wega wake mwîngî


Mûriû nîke ûtûkûûraga na agatwovera mevia metû.


Kwoguo na njîra ya Mûriû, Ngai nîwonire kûrî kwagîrîru acokanîrîrie indo cionthe kûrî ke irîa irî îgûrû na irî nthî. Ngai nîwatûmire kûgîe na thayû na njîra ya kûûragwa kwa Mûriû wake mûtharavarî.


Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?


Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.


Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.


Kristû ke mwene nîke ûtûmaga twoverwe mevia metû, na twa mevie metû tu, nwatî nî wana mevia ma andû onthe.


Nanie nînamûcokerie atîrî, “Mwathani, nie ndiîcî, we nîwe wîcî.” Nake nîwambîrire atîrî, “Andû aya nîo marîkîtie kûvîtûkîra mathînarî meengî. Nao nîmathambîtie nguo ciao na nthakame ya Gatûrûme igatuîka cia rangi njerû.


Vuva wa ûguo nie nînaroririe na ngîona kîrîndî Kîam andû gûtarî mûndû ûngîavotire kûmatara. Andû acio maaumîte mavûrûrirî monthe, mîvîrîgarî yonthe, irukarî cionthe, na nthiomirî cionthe. Nao onthe maarûngamîte vau mbere ya gîtî Kîam ûthamaki na ya Gatûrûme, mekîrîte nguo cia rangi njerû na manyitîte mathîgî ma mîkîndû njararî ciao.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ