Mathaayo 25:34 - ÎVUKU RÎA ÛVORO MWARO

³⁴ Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Mathaayo 25:34 ပူးပေါင်းရင်းမြစ်များ

Thaburi 2:6

“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”

Nthi 11:17

Mûndû ûrîa ûrî ntha nîagunîkaga ke mwene, nwatî mûndû ûrîa mwaganu ecûkangagia ke mwene.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Isaia 6:5

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Danieli 9:25

Kwoguo, nwanginya ûmenye na ûtaûkîrwe nî ûndû ûyû, atî kuuma watho wa gûtuma Jerusalemu rîngî wavecanwa, nginya rîrîa ûrîa mûtheru wa Ngai akaathuurwa, mîaka mûgwanja maita mîrongo mûgwanja nîîkathira. Jerusalemu nîgaatumwa rîngî îrî na tûcîra twaro na nthingo cia vinya cia kûrîgitîra. Narîo rîgeekara îvinda rîa mîaka mîrongo îtandatû na îîrî maita mûgwanja, nwatî îkethîrwa rîrî îvinda rîa mathîna.

Zefania 3:15

Ngai-Mûnene nîathirîtie kûverithua kwenyu, na nîathengutîtie nthû cienyu cionthe. Ngai-Mûnene mûthamaki wa Isiraeli arî gatagatîrî kenyu; ndûgetigîra mathîna rîngî.

Mathaayo 13:35

Eekire ûguo nîguo maûndû mavingue marîa mûrathi aaririe akiuga atîrî: “Nie nîngaatûmîra ngerekano ngîmarîria, nîngaamera maûndû marîa mataanamenyekana kuuma rîrîa nthî yaûmbirwe.”

Mathaayo 19:29

Na mûndû wa wonthe ûtigîte nyomba ciake, aa mûrwang'ina, aa mwarwang'ina, îthe, ng'ina, ciana, kana mîgûnda nîûndû wakwa, nîakaavewa indo icio maita îgana na acoke agîe na mwoyo wa tene na tene.

Mathaayo 20:23

Nake Jesû nîwamerire atîrî, “Nama mue nîmûkûnyuîra gîkomberî gîakwa, nwatî nie ndirî na ûvoti wa gûtua nû ûgeekarîra gîtî mwena wakwa wa ûrîo kana wa ûmotho. Itî icio nî cia arîa Vava avarîrîtie.”

Mathaayo 21:5

‘Îrani îtûûra rîa Jerusalemu atî, taroriani, Mûthamaki wenyu nî araûka kûrî mue, ke nîmûvoreri na akuuîtwe nî mvunda, na nî njaû ya mvunda!’ ”

Mathaayo 25:21

Nake mwathi wake nîwamwîrire atîrî, ‘Nîwîkîte waro we wî ndungata mbaro. Nîwîvokekete na tûindo tûnini, na kwoguo nîngûgûtua mûmenyereri wa indo nyîngî. Tonya tûkenanîre vamwe!’

Mathaayo 25:23

Nake mwathi wayo nîwamîrire atîrî, ‘Nîwîkîte waro. We wî ndungata mbaro na îîvokekete. Nîwîvokekete na tûindo tûnini. Nîngûgûtua mûmenyereri wa indo nyîngî. Tonya tûkenanîre vamwe!’

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Mathaayo 27:37

Na îgûrû rîa kîongo gîake nîmaacuririe kîmenyithia Kîamndîkîtwe ûndû ûrîa aathitangîrîtwe atî, “Ûyû nîke Jesû Mûthamaki wa Ayahudi.”

Mathaayo 3:2

akiugaga atîrî, “Îîrireni mevia menyu nîûndû ûthamaki wa Îgûrû ûrî vakuvî!”

Mathaayo 5:19

Kwoguo mûndû wa wonthe ûtathîkagîra wana ethîrwa nî rîathani rîmwe rîa marîa manini na agacoka akathomithia andû arîa engî guo, mûndû ûcio akethagîrwa arî mûnini mûno Ûthamakirî wa îgûrû. Nwatî mûndû wa wonthe wathîkagîra Watho na akathomithia arîa engî gwîka guo, nîakethîrwa arî mûnene Ûthamakirî wa îgûrû.

Maariko 10:17

Rîrîa Jesû aambagîrîria kûthiî rûgendo, mûndû ûmwe nîwavinyûrire varî ke, agîturia maru mbere yake na akîmwîra atîrî, “Mwarimû Mwaro, nîngîka atîa nîguo ngaagaîrwa mwoyo wa tene na tene?”

Maariko 10:40

nwatî ndirî na ûvoti wa gûtua nî ûrîkû ûgeekara mwena wakwa wa ûrîo kana wa ûmotho. Ngai nîke ûkaavecana itî icio kûrî andû arîa aigîrîte.”

Luka 11:28

Nwatî Jesû nîwamûcokerie atîrî, “Kûrathimwa makîria nî andû onthe arîa megucaga kiugo Kîam Ngai na magakîathîkîra!”

Luka 11:50

Kwoguo andû a rûciaro rûrû nîmakaaverithua nîûndû wa kûûraga arathi onthe arîa maanaûraga kuuma rîrîa nthî yaûmbirwe.

Luka 12:32

“Tigani gwîtigîra mue ndîthia îno nini nîûndû Ngai îthe wenyu nîwonete kûrî kwagîrîru amûve ûthamaki.

Luka 19:38

Nao nîmaagoocaga Ngai makiugaga atîrî, “Kûrathimwa nî mûthamaki ûrîa ûkîte na rîîtwa rîa Mwathani! Thayû ûrogîa îgûrû nake Ngai akumue!”

Johana 1:49

Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

Johana 12:13

Kwoguo nîmoocire mathîgî ma mîkîndû na makîthiî kûmûtûnga makîanagîrîra atîrî, “Hosana! Kûrathimwa nî ûrîa ûkîte na rîîtwa rîa Mwathani! Kûrathimwa nî Mûthamaki wa Isiraeli!”

Johana 17:24

“Vava! Nîrenda acio wamvere mekarage varîa nie nîrî, nîguo monage riiri wakwa ûrîa we wamvere, nîûndû we nîwamendire wana mbere ya nthî kûmbwa.

Johana 19:15

Nao Ayahudi nîmaaugîrîrie atîrî, “Mûrage! Mûrage! Mwambithie mûtharavarî!” Pilato nîwamaûririe atîrî, “Nîkwa mûrenda nyambithie mûthamaki wenyu mûtharavarî?” Nao anene a athînjîri-Ngai nîmaamûcokerie atîrî, “Tue tûtirî mûthamaki wîngî tiga mûthamaki wa Roma!”

Ciîko 15:18

Ûguo nîguo Mwathani augîte. Ke nîke watûmire maûndû mau mamenyeke kuuma tene.’

Ciîko 3:26

Kwoguo Ngai nîwathuurire Ndungata yake na akîmîtûma kûrî mue mbere, nîguo îmûrathime na îtûme wa mûndû wa wonthe agarûrûke atige mîtugo yake ya waganu.”

Aroma 8:17

Ethîrwa tûrî ciana cia Ngai, tûrî agai a irathimo irîa aigîrîte andû ake. Wana nîtûkagaa vamwe na Kristû kîrîa Ngai amwigîrîte. Nwatî nwanginya tûthînue ta Kristû nîguo tûkaagîa na riiri ta ke.

1Akor 15:50

Ariû na aarî a îthe wetû, ûrîa nîrenda kuga nî atî kîrîa kîthondeketwe na mwîrî na nthakame gîtingîvota kûgaa Ûthamaki wa Ngai. Kîrîa nakîo kîoraga gîtingîvota kûgaa kîrîa gîtoraga.

1Akor 2:9

Nwatî mandîkorî matheru kwandîkîtwe atîrî, “Ûndû ûrîa gûtarî mûndû wana ûmwe wanawona kana awîgue, ûrîa gûtarî mûndû wana ûmwe waneciria atî nwa wîkîke, ûndû ûcio nîguo Ngai aavarîrie nîûndû wa arîa mamwendete.”

1Akor 6:9

Mue nîmwicî atî andû arîa aganu matikaagaîrwa ûthamaki wa Ngai. Mûtikeveenie; andû arîa mavûûraga ûmaraa kana mavoyaga mîvuanano kana matharagia, kana arûme arîa mamenyanaga kîîmwîrî na arûme arîa engî,

Agal 5:21

Rwetho, ûrîu na gwîka ciîko cia gwîkenia nîûndû wa kûrîwa, na gwîka maûndû mengî ma mîthemba ta îo. Nîngûmûkaania wata ûrîa naamûkanirie wa rîngî, atî andû arîa mekaga maûndû ta mau matikagaa ûthamaki wa Ngai.

Aefeso 5:5

Menyani na ma atî mûndû ûrîa ûvûraga ûmaraa, ûrîa ûrî na ûûra nthoni kana ûkoroku (nîûndû gûkoroka nî gûtungatîra ngai cia mîvuanano) ndakaagîa na îgai ûthamakirî wa Kristû na wa Ngai.

1Ath 2:12

Tue, nîtwamûûmagîrîria, nîtwamûthaithaga na nîtwekaraga tûkîmûringagîrîria mûtûûrage na mûtûûrîre ûrîa ûkenagia Ngai ûrîa ûmwîtaga ûthamakirî wake ûrîa ûrî na riiri.

2Tim 2:12

Ethîrwa nîtûkûthiî na mbere kûmîrîria, nîtûkaathana nake. Ethîrwa nwa tûmûkaane, wanake nîagaatûkaana.

2Tim 4:8

Kwambîrîria rîu nîmbîrîgîrîrîte nthûmbî ya ûthingu îrîa ngaavewa mûthenya wa mûthiia nî Mwathani ûrîa ûtucaga ciira na kîvooto. Tî nie nienga ngaavewa kîveo kîu nwatî nîgîkaavewa andû onthe arîa metagîrîra gûka gwake marî na wendo.

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

Ahib 11:16

Vandû va ûguo, meeriragîria vûrûri mwaro, vûrûri wa îgûrû. Na nîûndû wa ûguo, Ngai ndangîconoka nî o makîmwîta Ngai wao, nîûndû ke nîamathondekerete îtûûra rînene kûu îgûrû.

Ahib 4:3

Kwoguo, tue arîa twîtîkîtie nîtûtonyaga kîvurûkorî kîu wata ûrîa Ngai aaugire atîrî, “Nînaarakarire na ngîranîra na mwîvîtwa atî, ‘Matigaatonya varîa ngamava kîvurûko!’ ” Ngai nîwaririe ûguo wana ethîrwa nîwathirîtie wîra wake kuuma rîrîa aaûmbire nthî.

Ahib 9:26

Nîûndû Kristû angîekire ûguo, nîangîatuîkire wa kûthînua maita meengî mûno kuuma rîrîa nthî yaûmbirwe. Nwatî rîu kûringana na ûrîa kûvana, aaûkire rita rîmwe rîa kwîgana mavinda monthe nîguo na njîra ya îgongoona rîake ke mwene, andû maume meviarî.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

1Pet 1:9

nîûndû nîmûramûkîra ûvonokio wa mîoyo yenyu, ûrîa arî guo mworoto wenyu wa kûmwîtîkia.

1Pet 3:9

Mwekwa naaî tigagani kwîrîvîrîria na naaî. Mwarumwa tigagani kwîrîvîrîria na irumi. Vandû va ûguo rathimanagani, nîûndû kîrathimo nîkîo Ngai aamwîrîîre rîrîa aamwîtire.

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.

Kûguû 17:8

Nyamû îo vîndî îmwe yarî mwoyo, nwatî rîu ndîrî mwoyo. Nyamû îo nî îkunûkia yume îrimarî rîrîa rîtarî mûthiia îthiî îgacûkangue. Nîkûrî andû marî mwoyo na marîîtwa mao mataanandîkwa kuuma rîrîa nthî yambîrîrie kûmbwa. Andû acio onthe nîmakaamaka rîrîa makoona nyamû îo, nîûndû vîndî îmwe yarî mwoyo, na rîu ndîrî mwoyo, nwatî nîgaacoka yûke rîngî.

Kûguû 19:16

Nguorî yake, Kîamûrî gîake nîvaandîkîtwe rîîtwa atîrî: “Mûthamaki wa athamaki, Mwathani wa aathani.”

Kûguû 21:7

Mûndû wa wonthe ûkavootana nîakaamûkîra maûndû mama kuuma kûrî nie. Nie nîngaatuîka Ngai wake, nake atuîke mwana wakwa.

Kûguû 5:10

We nîûmatuîte rûrîrî rwa athînjîri-Ngai a gûtungatîra Ngai na nîmakaathana gûkû nthî.”