Mathaayo 25:17 - ÎVUKU RÎA ÛVORO MWARO

¹⁷ Îrîa yaverwe mbeca ngiri igîrî wanayo nîyacionjorithirie na îkîona mbeca ciîngî ngiri igîrî.

Mathaayo 25:17 ပူးပေါင်းရင်းမြစ်များ

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

2Sam 19:32

Barizilai aarî mûthuuri mûkûrû mûno, nîûndû aarî na ûkûrû wa mîaka mîrongo înana. Aarî mûtongu mûno na nîke wavecaga mûthamaki irio vîndî îrîa aarî Mahanaimu.

Mathaayo 25:16

Ndungata îrîa yaverwe mbeca cia sîlûva ngiri ithano, nîyathiîre wa rîmwe, na îgîcionjorithia, na îkîona ngiri ciîngî ithano.

Mathaayo 25:18

Nwatî ndungata îrîa yagaîrîtwe mbeca cia sîlûva ngiri îmwe, nîyathiîre îkînja îrima na îkîthika mbeca cia mwathi wayo.

Ciîko 10:2

Ke aarî mûndû mwîtîkia Ngai mûno, na vamwe na andû onthe a mûciî wake nîmaagoocaga Ngai. Nake nîwavothagîra Ayahudi arîa maarî athîni arî na ûtaana na akavoyaga Ngai mavinda meengî.

2Akor 8:12

Ethîrwa mûrî na wendi wa kûvecana, Ngai akaamûkîra kîveo kîenyu kûringana na ûrîa mûndû akûvecana kîrîa arî nakîo, tî kîrîa atarî nakîo.

Aefeso 5:16

Kanya wa konthe karîa mûrî nako kavûthagîreni waro, nîûndû mîthenya îno nî mîcûku.

Akol 4:17

Îrani Arikipo atîrî, “Geria wa ûrîa ûngîvota nîguo ûrîkie wîra ûrîa waveerwe ûtungatarî wa Mwathani.”

1Tim 5:10

Nwanginya ethîrwe arî mûndû wîcîkene na arî na ngumo mbaro, mûndûmûka ûrerete ciana ciake na njîra mbaro, ûgwataga andû ûgeni gwake mûciî, ûtethagia andû arîa marî thînarî, ûtungatagîra akristiano arîa engî enyivîtie na wîkaga ûndû wa wonthe mwaro.

1Pet 4:10

Wa mûndû nîavetwe kîveo ngûrani nî Ngai nîguo ta mûramati mwaro wa iveo cia Ngai agîtûmagîre gûtungata andû arîa engî. Vûthagîrani waro iveo cia mwanya irîa ciumanîte na wega wa Ngai.