Mathaayo 24:43 - ÎVUKU RÎA ÛVORO MWARO

⁴³ Nwatî menyani waro atî, kethîrwa mwene nyomba nwa amenye thaa îrîa mwîi angîûka nyomba, nwa ekare emenyererete nîguo mwîi ûcio ndakavunje nyomba yake.

Mathaayo 24:43 ပူးပေါင်းရင်းမြစ်များ

Ayubu 24:16

Aîi mavunjaga nyomba ûtukû, na mûthenya makevingîra nyomba, matiumagîra ûtherirî.

Nthi 7:19

Nîûndû mûthuuri wakwa ndarî mûciî, nîathiîte rûgendo kûndû kûraca.

Mathaayo 14:25

Kîraûko tene mûno Jesû nîwakinyire kûrî arutwa ake athiîrîrîte manjîrî.

Mathaayo 20:11

Nao nîmoocire mbeca ciao na makîambîrîria gûtetia mûmandîki.

Mathaayo 24:42

“Kwoguo îîmenyagîrîreni nîûndû mûtiîcî mûthenya ûrîa Mwathani agaaûka.

Mathaayo 24:44

Kwoguo mue wa namue nwa nginya mwîkarage mwîvarîrîtie vîndî cionthe, nîûndû Mûrû wa Mûndû agaûka îthaa rîrîa mûkeethîrwa mûtamwîrîgîrîrîte.

Mathaayo 25:10

Nao erîtu acio maarî aritu nîmaavinyûrire ndukarî kûgûra maguta. Rîrîa maathiîre kûgûra maguta, mûvikania nîwakinyire. Nao erîtu acio maarî aûgî nîmaatonyire vamwe na mûvikania kîrugorî Kîam ûviki, naguo mûrango ûkîvingwa.

Mathaayo 25:13

Nake Jesû akîrîkîrîria nîwamerire atîrî, “Îkaragani mwîmenyererete nîûndû mûtiîcî mûthenya kana îthaa.

Maariko 13:35

Kwoguo îîmenyagîrîreni nîûndû mûtiîcî kavinda karîa mwene mûciî agaacoka. Avota gûgaacoka kîvwaîrî, kana ûtukû gatagatî, kana ngûkû îkîgamba, wana kana kîraûko riûa rîkîratha.

Maariko 6:48

Nake nîwonire arutwa ake makîthînîka, nîûndû maatwarithagia îtarû marîerekeretie na kûrîa rûkûngi rwaumaga. Na kîraûko tene Jesû nîwamakinyîre athiîrîrîte manjîrî îgûrû akîenda kûmavîtûka.

Luka 12:38

Kûrathimwa nî ndungata irîa mwathi wacio akeethîrîria ciîvarîrîtie vîndî îrîa agaakinya, wana angîthîrwa ke agaakinya thaa thita kana thaa kenda cia ûtukû.

Luka 12:39

Nwatî mue mwagîrîrwe nî kûmenya atî kethîrwa mwene mûciî nîwecî vîndî îrîa mwîi agaaûka ndangîarekererie mwîi ûcio avunje nyomba yake.

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Kûguû 16:15

“Tathikîrîriani! Nie nîmbûka ta mwîi! Kûrathimwa nî mûndû ûrîa wîkaraga atarî toro, na avarîrîtie nguo ciake, nîguo ndakathiîcage arî njaga na aconoke nî andû!”

Kûguû 3:3

Ta ririkanani maûndû marîa mwathomithirue na marîa mwegwire. Marûmagîrîreni na mwîrire. Ethîrwa mue tî mûkîra, nie ngaûka kûrî mue ta mwîi na mûtikaamenya îthaa rîrîa ngaûka.