Mathaayo 24:19 - ÎVUKU RÎA ÛVORO MWARO

¹⁹ Na kaî vîndî îo aka arîa makeethîrwa marî îvu, na arîa makeethîrwa makîongithia nîmakeethîrwa na thîna mwîngî-î!

Mathaayo 24:19 ပူးပေါင်းရင်းမြစ်များ

2Sam 4:4

Jonathani mûvîcî wa Saûlo aarî na mûvîcî wetagwa Mefiboshethu. Mefiboshethu aarî na ûkûrû wa mîaka îtano rîrîa Saûlo na Jonathani maaûragirwe. Rîrîa ûvoro wîgiî kûûragwa kwao wakinyire kuuma îtûûra rîa Jezireeli, mûndûmûka ûrîa wareraga Mefiboshethu nîwamwocire na akîûra nake. Nwatî nîûndû wa ûrîa aavinyûrîte, nîwamûgwîthirie na agîtuîka kîonje.

2Atha 15:16

Vîndî îrîa Manahemu aarî njîrarî aumîte Tiriza, nîwacûkangirie îtûûra rîa Tapua, andû a kuo na îtûûra rîrîa rîrî vakuvî nîûndû andû a kûndû kûu nîmaaregire kwînenganîra kûrî ke. Wana nîwarutire aka onthe a îtûûra rîu nguo arîa maarî na mavu.

Maca 4:10

Aka arîa marî ntha mûno, nîmaarugire ciana ciao, makîirîa irî irio, rîrîa andû akwa macûkangirue.

Hosea 13:16

Samaria nîagaakuua mûrigo wake wa mevia, nîûndû nîareganîte na Ngai wake; nîmakaûragwa na rûviû rwa njûra, ciana ciao irîa nini nîigaatemangwa inuku; na aka arîa marî îvu nîmagaatarûrangwa!”

Mathaayo 21:16

Kwoguo nîmaaûririe Jesû atîrî, “We nîûregua ûrîa marauga?” Nake nîwamacokerie atîrî, “Nînîregua. Nîkwa mûtarî mwathoma mandîkorî atîrî, ‘Nî ûtûmîte tûnyuarî twa twana na tûkenge kuume ûkumio mûkinyanîru.’ ”

Mathaayo 24:18

Na mûndû ûrîa wî mûgûndarî ndagacokere nguo ciake.

Mathaayo 24:20

Voyani Ngai nîguo mûtikaûre mûthiî vîndî ya mvevo kana mûthenya wa thavatû.

Luka 21:23

Na kaî aka arîa makeethîrwa marî îvu kana makîongithia nîmakeethîrwa na thîna-î! Nîgûkaagîa na kîeva kînene gûkû nthî na marakara ma Ngai nîmagaakinyîra andû aya.