Mathaayo 24:15 - ÎVUKU RÎA ÛVORO MWARO

¹⁵ “Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!)

Mathaayo 24:15 ပူးပေါင်းရင်းမြစ်များ

Jeremia 44:29

Ngai-Mûnene arauga atî nîguo mûmenye atî maûndû macûku marîa naririe îgûrû rîenyu nîmavinga, nîngaamûverithîria gûkû. Gîkî nîkîo gîgatuîka kîmenyithia kûrî mue.

Ezek 40:4

Mûndû ûcio nîwambîrire atîrî, “We mûndû, roria waro na ûtege matû wîgue na wîcirie waro ûvoro wa maûndû marîa ngûkwonia. Ûndû ûcio nîguo watûmire ûretwa gûkû. Nwanginya wîre andû a Isiraeli maûndû monthe marîa ûkwona.”

Danieli 1:6

Gatagatîrî ka anake onthe arîa maathuurirwe kwarî na Danieli, Hanania, Mishaeli na Azaria kuuma mûvîrîgarî wa Juda.

Danieli 11:31

Athigari amwe ake nî mageekîra hekarû na rûthingo rwayo mûgiro. Nî magaatigithia andû kûruta matega ma wa mûthenya, na macoke matûme hekarû îgîe mûgiro.

Danieli 12:11

“ ‘Kuuma vîndî îrîa matega ma kûvîvua ma wa mûthenya maarûngamirue, na ûndû ûrîa ûrî mûgiro ûgîkîka, mîthenya ngiri îmwe na magana maîrî ma mîrongo kenda (1,290) îkethîrwa îrî mîvîtûku.

Danieli 9:23

Mavinda marîa wambîrîrie kûvoya, Ngai nîwacokirie mavoya, nanie naûka gûgûtaarîria macokio mau, nîûndû we wî mwende mûno. Kwoguo tathikîrîria waro nîguo ûtaûkîrwe nî kîoneki kîu.

Danieli 9:25

Kwoguo, nwanginya ûmenye na ûtaûkîrwe nî ûndû ûyû, atî kuuma watho wa gûtuma Jerusalemu rîngî wavecanwa, nginya rîrîa ûrîa mûtheru wa Ngai akaathuurwa, mîaka mûgwanja maita mîrongo mûgwanja nîîkathira. Jerusalemu nîgaatumwa rîngî îrî na tûcîra twaro na nthingo cia vinya cia kûrîgitîra. Narîo rîgeekara îvinda rîa mîaka mîrongo îtandatû na îîrî maita mûgwanja, nwatî îkethîrwa rîrî îvinda rîa mathîna.

Danieli 9:27

Mûtongoria ûcio nîakaarûtha kîrîkanîro kîrûmu na andû eengî îvinda rîa mîaka mûgwanja. Îvinda rîa mîaka îthatû na nuthu, nîakaarûngamia matega na magongoona. Vandû varîa vatheru Mûno hekarûrî, nîvakaarûngamua kîrîa kîrî mûgiro nginya rîrîa ûrîa wakigire vo agaacûkangua wata ûrîa Ngai aavangire.’ ”

Mathaayo 24:16

Vîndî îo andû arîa makeethîrwa marî Judea nwa nginya maûre mathiî irîmarî.

Maariko 13:14

“Rîrîa mûkoona kîndû kîrîa kîrî mûgiro kîrî varîa gîtagîrîrwe nîkwîthîrwa kîrî.” (Mûndû ûrîa ûrathoma nîataûkîrwe nî ûrîa kûreerwa) “Vîndî îo andû arîa makeethîrwa marî Judea, nîmakaaûra mathiîte irîmarî.

Luka 19:43

Kavinda nîgagûkinya karîa nthû cienyu ikaamûrigicîria na mbumbu ya mûthetu na ciînje mîtaro imûvingîrîrie mîena yonthe.

Luka 21:20

“Vîndî îrîa mûkoona îtûûra rîa Jerusalemu rîthiûrûrûkîrîtue nî athigari, nîmûkaamenya atî îvinda rîarîo rîa kwomomorwa rîrî vakuvî.

Johana 11:48

Wona twareka athiî na mbere gwîka maûndû mama, andû onthe nîmakûmwîtîkia. Nao Aroma nîmagûcoka maûke macûkangie hekarû yetû na rûrîrî rwetû!”

Ciîko 21:28

Nao nîmaaugîrîrie atîrî, “Andû a Isiraeli! Tûtethererieni! Mûndû ûyû nîke ûthiîcaga kûndû kuonthe akîthomithagia andû onthe maregane na andû a Isiraeli, Watho wa Musa na hekarû îno. Na rîu ke wana nîwarete amwe a andû a ndûrîrî gûkû hekarûrî na nîmekîrîte kûndû gûkû kwamûrîrîtwe Ngai mûgiro!”

Ciîko 6:13

Nîmaacokire makîrete aira a maveeni arîa maaugire atîrî, “Mûndû ûyû ndatigaga kwaria ciugo cia kûmenereria hekarû yetû ntheru wana Watho wa Musa.

Ahib 2:1

Nîûndû wa ûguo, nwanginya tûnyitie waro ûvoro wa ma ûrîa twîguîte nîguo tûtikaume kûrî guo.

Kûguû 1:3

Kûrathimwa nî mûndû ûrîa ûthomaga îvuku rîîrî, na kûrathimwa nî arîa mathikagîrîria ciugo cia ûrathi ûyû, na makathîkîra ûrîa kwandîkîtwe îvukuurî rîîrî! Nîûndû kavinda karîa maûndû mama mageekîka karî vakuvî.

Kûguû 3:22

“Mûndû wa wonthe ûrî na matû ma kwîgua nîathikîrîrie ûrîa Roho areera Makanitha!”