Mathaayo 23:34 - ÎVUKU RÎA ÛVORO MWARO

³⁴ Kwoguo, nîngaamûtûmîra arathi, andû aûgî na arimû. Amwe nîmûkaamaûraga, engî mûmambe mûtîrî na acio engî mûmarivîre mavoerorî na ivoko; mûcoke mûmengate kuuma îtûûra rîmwe kûthiî rîrîa rîngî.

Mathaayo 23:34 ပူးပေါင်းရင်းမြစ်များ

2Atha 21:10

Ngai-Mûnene nîwaririe na njîra ya ndungata ciake, arathi akiuga atîrî,

2Maû 24:21

Mûthamaki Joashi na andû ake nîmaavangire ûrîa makûûraga Zekaria na nîmaamûragîre kîvarorî gîa hekarû na mathiga.

Nthi 11:30

Maciaro ma mûndû mûthingu nî mûtî wa ûtûûro, nwatî waganu nîûcûkangagia ûtûûro.

Jeremia 26:8

Na rîrîa Jeremia arîkirie kwaria maûndû monthe marîa Ngai-Mûnene aamwathîte eere andû onthe, athînjîri-Ngai, arathi, na andû onthe nîmaamûnyitire na makiuga atîrî, “Nîûgûkua!

Jeremia 36:26

Mûthamaki nîwathire mûvîcî Jerahimeeli, Seraia mûvîcî wa Azirieli na Shelemia mûvîcî wa Abideli manyite Baruku mwandîki, na mûrathi Jeremia, nwatî Ngai-Mûnene nîwamathithire.

Mathaayo 10:23

Na rîrîa mue mûkaanyarirwa mûrî îtûûrarî rîmwe, mûkaaûra mûthiî îtûûrarî rîrîa rîngî. Nîramwîra na ma atî mûtikaarîkia wîra wenyu matûûrarî monthe ma Isiraeli Mûrû wa Mûndû atarî mûku.

Mathaayo 13:52

Kwoguo Jesû nîwamerire atîrî, “Mwarimû wa wonthe wa Watho ûrîa ûtuîkîte mûrûmîrîri wa Ûthamaki wa Îgûrû, ekariî ta mwene mûciî ûrîa ûrutaga indo irîa njerû na irîa ngûrû kuuma mûthithûrî wake.”

Mathaayo 23:31

Kwoguo mue nîmwîtîkagîra atî mûrî a rûciaro rwa andû arîa maaûragire arathi!

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Johana 16:2

Mue nîmûkaarutûrûrwa mavoerorî. Nako kavinda nîgagaakinya karîa mûndû wa wonthe ûrîa ûkûmûraga ageeciria atî agîka ûguo nî Ngai aratungatîra.

Johana 20:21

Nake Jesû nîwamerire rîngî atîrî, “Gîani na thayû. Wa ta ûrîa Vava aandûmire, nwaguo wa nanie namûtûma.”

Ciîko 1:8

Nwatî rîrîa Roho Mûtheru agaaûka kûrî mue, nî mûkaagîa na vinya na mûtuîke aira akwa Jerusalemu, Judea kuonthe na Samaria wana mîthiia yonthe ya nthî.”

Ciîko 11:27

Vîndî wa îo arathi amwe nîmaanyûrûrûkire kûu Antiokia maumîte Jerusalemu.

Ciîko 12:2

Nake nîwathanire akiuga Jakuvu, mûrwang'ina na Johana aûragwe na rûviû.

Ciîko 13:1

Kanitharî wa Antiokia nîkwarî na arathi na arimû aya: Baranaba, Simioni (ûrîa wetagwa Mwirû), Lukio (wa kuuma Kurene), na Manaini (ûrîa wareranîrîtue vamwe na Herode ûrîa warî mûnene), na Saûlo.

Ciîko 14:19

Nao Ayahudi amwe nîmaakinyire maumîte matûûrarî ma Antiokia ya Pisidia na Ikonia, na makîonithia andû ûrîa makûregana na Paûlo. Kwoguo nîmaamûrivire na mathiga na makîmûkururia makîmûruta nja ya îtûûra rîu magîîciragia atî ke aarî mûkuû.

Ciîko 15:32

Nao Judasi na Sailasi, arîa maarî arathi, nîmaaririe maûndû meengî ma kûmîrîria etîkia na kûmekîra vinya.

Ciîko 5:40

Nîmeerire atûmwa matonye, makîmarivithia, makîmakaania matigaacoke kwaria na rîîtwa rîa Jesû, na makîmarekereria.

1Akor 2:6

Kûnarî ûguo kûrî arîa marî na ûgima wa kîîroho, mbaragia maûndû ma ûûgî. Nwatî tî ûûgî ûrîa umîte gûkû nthî kana kûrî anene a gûkû nthî arîa marathira.

1Akor 3:10

Na ngîtûmagîra kîveo kîrîa naveerwe nî Ngai, nie nînatumire mûcingi wa nyomba îo nîrî ta mûtumi ûrî na wara mwîngî. Nake mûndû wîngî nîaratuma îgûrû rîaguo. Nwatî wa mûndû nwanginya amenyerere ûrîa atumaga îgûrû rîaguo.

Akol 1:28

Kwoguo nîtwanagîrîra kûrî andû onthe ûvoro wîgiî Kristû. Nîtûmataaraga na tûkamathomithia tûgîtûmagîra ûûgî wonthe ûrîa tûrî naguo nîguo tûmarete mbere ya Ngai marî agima na marî na ngwatanîro na Kristû.

1Ath 2:16

Wana nîmaageragia gûtûgiria tûtikavunjîrie andû a ndûrîrî ndûmîrîri îrîa îngîtûma mavonoke. Na njîra îno nîmarîkîtie gûkinya mûthiia wa mevia marîa matwîre mekaga. Namo marakara ma Ngai nîmakinyîte kûrî o.

Ahib 11:37

Nîmaarivirwe na mathiga, nîmaatûrirwe icunjî igîrî na mîcumano na makîûragwa na rûviû. Nîmaaûrûraga mekîrîte njûo cia ng'ondu na cia mbûri. Maarî athîni, nîmaanyaririrwe na magîkwa maûndû macûku.

Kûguû 11:10

Andû arîa matûûraga gûkû nthî nîmagaakena na macanjamûke nîûndû wa gûkua kwa aira acio aîrî. Nao nîmakaavecana iveo nîûndû arathi acio aîrî nîmatûmîte andû arîa matûûraga gûkû nthî mathînîke mûno.