Mathaayo 23:33 - ÎVUKU RÎA ÛVORO MWARO

³³ Mue njoka na ciana cia njoka! Mûkaavota atîa kûûra nîguo mûtikathiî îcuarî!

Mathaayo 23:33 ပူးပေါင်းရင်းမြစ်များ

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

Isaia 20:6

Nao andû arîa matûûraga rûtererî rwa îria, mûthenya ûcio nîmakaauga atîrî, ‘Taroriani ûrîa gwekîkire kûrî andû arîa tûrevokete atî nîmagûtûgitîra kûrî mûthamaki wa Asîria! Rîu tue-î, nîtûkûvonoka?’ ”

Mathaayo 12:34

Mue rûciaro rwa njoka, mûngîvota atîa kwaria maûndû maro na mûrî andû acûku? Kanyua karagia maûndû marîa mecûrîte ngororî.

Mathaayo 23:32

Thiîni mbere vi na mûrîkie wîra ûrîa wambîrîrue nî methe menyu!

Mathaayo 3:7

Na rîrîa Johana oonire Afarisai na Asadukai eengî mathiîte kûrî ke nîguo amavatithie, nîwamerire atîrî, “Mue andû aya mûrî na wara ta wa njoka, nû wamûmenyithirie atî ciira ya Ngai îrî vakuvî; nîguo mûmîûrîre.

Mathaayo 5:22

Nwatî rîu nîramwîra atî, mûndû wa wonthe ûrakaraga nî ûndû wa mûrwang'ina nîagaatuîrwa, na mûndû wa wonthe ûrumaga mûrwang'ina nîagaacirithua nî Kîamma, na mûndû wa wonthe wîtaga ûrîa wîngî, ‘Kîrimû gîkî!’ nîagaaikua mwakirî wa îcua.

Luka 3:7

Andû eengî nîmaathiîre kûrî Johana nîguo amavatithie. Nake nîwameraga atîrî, “Mue ciana ino cia njoka! Nû ûmwîrîte atî nwa mûvote kûûrîra marakara ma Ngai marîa mageere gûka?

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.

2Akor 11:3

Nînîretigîra atî mwavota kûveenererua wata ûrîa njoka yavenererie Awa na mûtiganîrie ûma na wîrutîri wenyu kûrî Kristû. Na njîra ta îo Awa nîwaveenirue nî njoka na njîra ya wara wayo.

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.