Mathaayo 23:13 - ÎVUKU RÎA ÛVORO MWARO

¹³ “Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Mathaayo 23:13 ပူးပေါင်းရင်းမြစ်များ

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Zakaria 11:17

Mûrîthi ûcio wakwa ûtarî mwaro arî na thîna, ûcio ûtiganagîria ndîthia ya ng'ondu! Arotinua njara yake na arokûrwa ritho rîake rîa mwena wa ûrîo. Tiga njara yake îtuîke kîonje vuru na ritho rîake rîa mwena wa ûrîo rîûre ûrû!”

Mathaayo 23:16

“Na kaî mue atongoria atumumu mûrî na thîna-î! Mue mûthomithanagia atîrî, ‘Mûndû angîîvîta na hekarû, ke tî mwove nî mwîvîto wake. Nwatî mûndû angîîvîta na thaavu îrîa îthagîrwa îrî hekarûrî ke nî mwove nî mwîvîto wake.’

Mathaayo 23:23

“Na kaî mue arimû a Watho na Afarisai mûrî na thîna-î! Mue mvinga ino! Mue mûrutagîra Ngai gîcunjî gîa îkûmi Kîam manyenyi ta ma rwoga, karîmî ka nthiia, na nderamûkîa, nwatî mûtirûmagîrîra maûndû marîa ma vata megiî watho ta, kîvooto, kwîgucanîra ntha na kwîvokeka. Maûndû mama nîmwagîrîrwe nî kûmeka mûtagûtiganîria mau mengî.

Mathaayo 23:25

“Na kaî mue arimû a Watho na Afarisai mûrî na thîna-î! Mue mvinga ino! Mûthambagia ikombe na thaani cienyu gûkû îgûrû, nwatî ndaarî gwîcûrîte indo irîa mwonete na njîra ya gûcuunana na ya wîyendi.

Mathaayo 23:27

“Na kaî mue arimû a Watho na Afarisai mûrî na thîna-î! Mue mvinga ino! Mue mwîkariî ta mbîrîra irîa cionekaga irî nthaka ivakîtwe mûnyû, nwatî ndaarî ya cio ciîthagîrwa ciîcûrîte mavîndî na ciimba ino mboru.

Mathaayo 23:29

“Na kaî mue arimû a Watho na Afarisai mûrî na thîna-î! Mue mvinga ino! Nîmûtumaga mbîrîra mbaro cia arathi na mûkagemia mbîrîra cia andû arîa maarî athingu.

Mathaayo 3:7

Na rîrîa Johana oonire Afarisai na Asadukai eengî mathiîte kûrî ke nîguo amavatithie, nîwamerire atîrî, “Mue andû aya mûrî na wara ta wa njoka, nû wamûmenyithirie atî ciira ya Ngai îrî vakuvî; nîguo mûmîûrîre.

Luka 11:52

“Na kaî mue arimû a watho mûrî na thîna-î! Nîûndû mue mûrî aigu cavi îrîa îrugûraga mûrango wa gûtonya nyombarî îrîa andû magîcagîra ûmenyo. Mue mûtirî atonyu nyombarî îo na nwakwa mûragirîrîria andû arîa marenda gûtonya!”

Johana 9:22

Aciari ake maaugire ûguo nîûndû nîmeetigagîra Ayahudi. Ayahudi nîmaarîkîtie gwîtîkanîria atî mûndû ûrîa ûgeetîkia atî Jesû nîke Mesaya nîakeengatwa kuuma îvoerorî.

Johana 9:24

Na riita rîa kaîrî Ayahudi nîmeetire mûndû ûrîa waciarîtwe arî mûtumumu na makîmwîra atîrî, “Aria ûma mbere ya Ngai! Tue nîtwîcî atî mûndû ûrîa ûraakûvonirie nî mwîvia.”

Johana 9:34

Nao nîmaamûcokerie atîrî, “Ûngîvota atîa gûtûthomithia na we ûrî mwîvia kuuma rîrîa waciarirwe?” Nao nîmaamwîngatire kuuma kûu îvoerorî.

Ciîko 13:8

Nwatî mûringi wa ciama ûcio wetagwa Elimasi nîwareganire nao. (Elimasi nî rîîtwa rîa rûthiomi rwa Kîngiriki rîa Mûrû wa Joshua.) Elimasi nîwaringîrîre mûnene ûcio akîmwîra atige gwîtîkia.

Ciîko 5:28

na akîmeera atîrî, “Tue tûramûkaanirie na vinya tûkîmwîra mûtikathomithanie na rîîtwa rîa mûndû ûcio. Nwatî mue ta roriani ûrîa mwîkîte! Mue mûthomithanîtie Jerusalemu kuonthe, na mûrenda tûcokwe nî nthakame ya mûndû ûcio!”

Ciîko 5:40

Nîmeerire atûmwa matonye, makîmarivithia, makîmakaania matigaacoke kwaria na rîîtwa rîa Jesû, na makîmarekereria.

Ciîko 8:1

Saûlo nîwetîkîre atî kûûragwa kwa Stefano nîkwagîrîrîte. Mûthenya wa ûcio kanitha nîyambîrîrie kûnyarirwa mûno kûu Jerusalemu. Nao etîkia onthe, tiga atûmwa, nîmaanyagarûkire mavûrûrirî ma Judea na Samaria kuonthe.

2Tim 3:8

Wata ûrîa Jane na Jambare maakararirie Musa, ûguo nwaguo andû acio maakararirie ûvoro wa ma. Andû acio methagîrwa na meciria macûku na nîagwîu ûvororî wa wîtîkio.

2Tim 4:15

Îîmenyagîrîreni kuuma kûrî ke nîûndû nîwareganire na ndûmîrîri yetû na vinya mûno.