Mathaayo 22:24 - ÎVUKU RÎA ÛVORO MWARO

²⁴ “Mwarimû, Musa aaugire atî mûthuuri angîkua matagîte ciana na mûka nwanginya mûrwang'ina athambie mûndûmûka ûcio wa ndigwa na magîa ciana ciîtanague na mûthuuriwe ûrîa wakwire.

Mathaayo 22:24 ပူးပေါင်းရင်းမြစ်များ

Kîam 38:11

Juda nîwerire Tamarû mûka wa mûvîcî atîrî, “Coka ûgekare kwa aguo ûrî mûka wa ndigwa, nginya rîrîa Shela mûvîcîwa agaakûra.” Juda aamwîrire ûguo nîûndû nîwetigagîra akîona takwa Shela angîûragwa ta aa mûrwang'ina. Kwoguo Tamarû nîwacokire kwao.

Kîam 38:8

Juda nîwerire Onani mûrwang'ina na Eri atîrî, “Thiî ûmenyane kîîmwîrî na Tamarû ûrîa ûratigirwe nî mûrwanyûkwe akua na wîke ûrîa kwagîrîrîte, nîguo ûciarîre mûrwanyûkwe ciana.”

Mathaayo 22:16

Nîmaatûmire arutwa ao na andû amwe a Kîamma Kîam Aerodia kûrîke na makîmwîra atîrî, “Mwarimû, tue nîtwîcî atî we waragia ûma na nîûthomithagia andû ûma wîgiî wendi wa Ngai ûtakûmakua nî ûrîa magwîciria. Na ndwendaga kûmenya mûndû nî wa ngathî îrîkû.

Mathaayo 22:25

Rîu-î, vîndî îmwe kwarî na anake mûgwanja a ng'ina ûmwe. Ûrîa mûkûrû nîwavikanirie na vuvarî agîkua matagîte ciana na mûka.

Mathaayo 22:36

“Mwarimû, nî rîathani rîrîkû rî vata mûno wathorî?”

Mathaayo 7:21

“Tî mûndû wa wonthe ûmbîtaga ‘Mwathani, Mwathani’ ûgaatonya Ûthamakirî wa îgûrû, nwatî nî andû arîa tu mekaga wendi wa Vava ûrîa wî îgûrû.

Maariko 12:19

“Mwarimû, Musa aatwandîkîre watho waugaga atîrî, ‘Mûthuuri angîkua na atige mûka matagîte mwana nake, nwanginya mûrwang'ina athambie mûndûmûka ûcio wa ndigwa na magîa ciana, ciîtanague na mûthuuriwe ûrîa wakwire.’

Luka 20:28

“Mwarimû, Musa aatwandîkîre Watho waugaga atî: ‘Mûthuuri angîkua na atige mûka atarî ciana, nwa nginya mûrwang'ina na mûthuuri ûcio avikie mûndûmûka ûcio wa ndigwa nîguo magîe ciana nake irîa igaatuîka cia mûrwang'ina ûcio mûkuû.’

Luka 20:33

Rîu ta twîre rîrîa akuû onthe makaariûka-î, mûndûmûka ûcio akethîrwa arî wa û? Nîûndû anake onthe mûgwanja nîmaamûvikîtie.”

Luka 6:46

“Nîndûî gîtûmaga mûmbîte, ‘Mwathani, Mwathani,’ na mûtiîkaga maûndû marîa nîmwîraga mwîke?

Ruthu 1:11

Nake Naomi nîwamerire atîrî, “Aarî akwa, cokani. Mûrenda tûthiî namue nîkî? Mûreciria nwa mvote kûgîa na ciana ciîngî cia anake ingîmûvikia?

Ruthu 3:13

Rara gûkû ûmûnthî, nîguo rûyû kîraûko tûkamenya kana mûndû ûcio nîagetîkîra gûkûgaa. Ethîrwa nîagetîkîra, nî waro; nwatî ethîrwa nîakaarega, nînevîta na Ngai-Mûnene ûrîa ûtûûraga mwoyo atî nîngakûgaa. Rîu mama nginya rûyû kîraûko.”

Ruthu 4:5

Nake Boazu nîwerire mûndû ûcio atîrî, “Ûkîgûra mûgûnda ûcio kuuma kûrî Naomi, nwanginya ûûgûranîrie vamwe na Ruthu, mûka wa ndigwa ûrîa Mûmoabu nîguo mûgûnda ûcio ûtûûre ûrî wa andû a mûciî wa mûndû ûcio wakwire.”