Mathaayo 22:16 - ÎVUKU RÎA ÛVORO MWARO

¹⁶ Nîmaatûmire arutwa ao na andû amwe a Kîamma Kîam Aerodia kûrîke na makîmwîra atîrî, “Mwarimû, tue nîtwîcî atî we waragia ûma na nîûthomithagia andû ûma wîgiî wendi wa Ngai ûtakûmakua nî ûrîa magwîciria. Na ndwendaga kûmenya mûndû nî wa ngathî îrîkû.

Mathaayo 22:16 ပူးပေါင်းရင်းမြစ်များ

1Atha 22:14

Nwatî Mikaia nîwaugire atîrî, “Nevîta na Ngai-Mûnene ûrîa ûtûûraga mwoyo atî nie nîmbuga ûrîa Ngai-Mûnene akûmbîra mbuge!”

Thaburi 12:2

Wa mûndû nîaveenagia ûrîa wîngî, maveenanagia makînyûrûranagia.

Thaburi 5:9

Nthû ciakwa itingîaria ûma; mendaga gûcûkangia andû arîa engî. Ciugo ciao nî cia kînyûrûri na nî nyoroku, nwatî maragia maûndû macûku.

Thaburi 55:21

Ciugo ciao cianyorokete gûkîra kîrimû Kîam îriia, nwatî ngoro ciao mecûrîtwe nî rûmena; ciugo ciao cianyorokete ta maguta, nwatî ciatemaga ta mviû ino mbûgî.

Nthi 29:5

Mûndû ûrîa ûnyûrûragia mûndû ûrîa wîngî, aigaga mûtego wa kwînyita ke mwene.

Malaki 2:6

Maathomithagia ûvoro wa ma na matianathomithia maûndû ma maveeni. Nie nao twatûûrire tûrî na thayû na marî na mîthiîre mîaro, na makîthomithia andû engî ûvoro wa gûtigana na mevia.

Malaki 2:9

Kwoguo nîndûmîte mûnyararwe na mwagithue kîene mbere ya andû onthe a Isiraeli nîûndû mûtiarûmîrîra njîra ciakwa, nwatî mwîthîrîtwe mûkîthomithia watho na njîra ya kîmenyano.”

Mathaayo 22:24

“Mwarimû, Musa aaugire atî mûthuuri angîkua matagîte ciana na mûka nwanginya mûrwang'ina athambie mûndûmûka ûcio wa ndigwa na magîa ciana ciîtanague na mûthuuriwe ûrîa wakwire.

Mathaayo 22:26

Nîgwatuîkîkire wa guo kûrî wa kaîrî, wa kathatû, nginya kûrî wa mûgwanja.

Mathaayo 26:18

Nake Jesû nîwamerire atîrî, “Ta thiîni kûrî mûndû mûna îtûûrarî na mûmwîre, ‘Mwarimû auga atîrî: Îvinda rîakwa nîrîkinyu, na nîngûrîîra irio cia pasaka gwaku nyomba tûrî na arutwa akwa.’ ”

Mathaayo 26:49

Na wa rîmwe Judasi nîwathiîre kûrî Jesû na akîmwîra atîrî, “Mwarimû! Wî mwaro.” Nîwacokire akîmûmumunya.

Maariko 10:17

Rîrîa Jesû aambagîrîria kûthiî rûgendo, mûndû ûmwe nîwavinyûrire varî ke, agîturia maru mbere yake na akîmwîra atîrî, “Mwarimû Mwaro, nîngîka atîa nîguo ngaagaîrwa mwoyo wa tene na tene?”

Maariko 12:13

Afarisai amwe na andû amwe a Kîamma Kîam Herode (nîo metagwa Aherodia) nîmaatûmirwe kûrî Jesû nîguo mamûtege na ciûria akîaria.

Maariko 12:14

Nao nîmaathiîre kûrî ke na makîmwîra atîrî, “Mwarimû, tue nîtwîcî atî we waragia ûma ûtakûmakua nî ûrîa andû magwîciria. Ndwendaga kûmenya mûndû nî wa ngathî îrîkû, nwatî nîûthomithagia andû ûma wîgiî wendi wa Ngai. Tatwîre atîrî, watho wetû nîûtwîtîkîrîtie tûrutîre mûthamaki wa Roma gooti? Tûrutage gooti kana tûtikarutage?”

Maariko 3:6

Nao Afarisai moona ûguo nîmaaumire îvoerorî, na makîthiî ndundu na Aerodia nîguo mavange ûrîa makûragithia Jesû.

Maariko 8:15

Nake Jesû nîwamakaanirie na akîmeera atîrî, “Îîmenyerereni mûtikagwatanîre na Afarisai wana kana Herode, nîûndû mekariî ta ndawa ya kwimbia mîgate.”

Luka 20:21

Nao andû acio nîmaathiîre na makîûria Jesû atîrî, “Mwarimû, tue nîtwîcî atî we waragia na ûkathomithania maûndû ma ma na ndûrî kîmenyano, nwatî nîûthomithanagia na ma wendi wa Ngai kûrî andû ake.

Luka 7:40

Nake Jesû nîwerire Simoni atîrî, “Simoni! Nie nîrî na ûndû nîrenda gûkwîra.” Nake Simoni nîwacokerie Jesû atîrî, “Nî ûndû ûrîkû? Tambûria Mwarimû!”

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 18:37

Pilato nîwamûririe atîrî, “Anga we ûrî mûthamaki?” Nake Jesû nîwamûcokerie atîrî, “We nîwe wauga atî nie nîrî mûthamaki. Nie naaciarirwe na ngîûka gûkû nthî nîûndû wa gîtûmi gîkî kîmwe, kwaria ûvoro wa ma. Na mûndû wa wonthe wîthagîrwa akîaria ûma nîambathîkagîra.”

Johana 7:18

Mûndû ûrîa waragia na wathani wake ke mwene, nîgwîkumia ekumagia. Nwatî mûndû ûrîa wendaga ûrîa wamûtûmire akumue nîwîthagîrwa arî mwîvokeku na ndaveenanagia.

2Akor 2:17

Kwoguo tue tûtiîkariî ta andû amwe eengî arîa manyitaga ndûmîrîri ya Ngai ta kîndû gîtarî vata. Nwatî nîûndû Ngai nîke ûtûtûmîte, twaragia tûrî na ûma mbere yake ta ndungata cia Kristû.

2Akor 4:2

Nîtûreganîte na maûndû ma nthoni marîa mekagîrwa nthithorî. Nîtûreganîte na maûndû ma wara, kana kûgarûrania ciugo cia Ngai ituîke cia maveeni. Nwatî twaragia ûvoro wa ma tûrî mbere ya Ngai tûkîîrîgagîrîra atî andû onthe arîa marî na thamiri mbaro nîmagûtwîtîkîra.

2Akor 5:16

Kwoguo kuuma rîu, tûtigûcoka gûtucagîra mûndû wa wonthe kûringana na meciria ma andû. Wana ethîrwa vîndî îmwe nîtwatuîrîre Kristû kûringana na ûrîa andû meciragia, rîu tûtiîkaga ûguo.

Agal 1:10

Ndiugaga maûndû mama nîguo ngenie andû nwatî mendaga gûkenia Ngai. Na ethîrwa mendaga gûkenia andû, ndiagîrîrwe nî kwîthîrwa nîrî ndungata ya Kristû.

Agal 2:6

Nwatî andû arîa moonekaga ta o atongoria gatagatîrî ka etîkia matianyongerera ûndû mûgeni. (Nîrauga ûguo nîûndû ndiramaka wana ethîrwa maarî atongoria kana mataarî, Ngai ndarî kîmenyano.)

Gûco 33:9

Alawi nîmaatwire matiganîrie aciari ao, makîriganîrwa nî aa mûrwang'ina na aa mwarwang'ina, na magîtiganîria ciana ciao. Nîmaavingirie maathani maku, na makîrûmîrîra kîrîkanîro gîaku.

1Ath 2:4

Vingo cionthe twaragia ûrîa Ngai endaga, nîûndû ke nîwonete tûrî agîrîru na a kwîvokerwa Ûvoro Mwaro. Tûtiaragia nîguo tûkenie andû, nwatî twaragia nîguo tûkenie Ngai ûrîa ûthimaga wendi wa ngoro cietû.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.