Mathaayo 22:13 - ÎVUKU RÎA ÛVORO MWARO

¹³ Nake Mûthamaki nîwacokire akîra ndungata icio ciake atîrî, ‘Mûthaikeni njara na magûrû na mûmwikie na nja ndumarî. Kûu nîkuo andû makaarîra na marîe magego.’ ”

Mathaayo 22:13 ပူးပေါင်းရင်းမြစ်များ

Thaburi 112:10

Mûndû ûrîa mwaganu onaga ûguo akarakara; arîcithanagia magego nîûndû wa ûthû akînathiî; mwîrîgîrîro wake ûtuîkaga wa mana.

Thaburi 37:12

Andû arîa aganu mavangaga maûndû macûku megiî arîa athingu, na nîmamatembaga nîûndû wa kûmathûûra.

Isaia 52:1

Ûkîra, ûkîra! Gîa na vinya, we Zayuni; îkîra nguo ciaku irîa mbaro, we Jerusalemu, îtûûra rîrîa rîamûre; nîûndû gûtirî mûndû ûtarî mûruu kana ûrî na mûgiro ûgaatonya gwaku rîngî.

Danieli 3:20

Nîwathire athigari ake a mbaara arîa maarî na vinya move Shadiraka, Mîsheki na Abendinego na mîkanda, na maikue mwakirî ûcio.

Mathaayo 12:29

“Gûtirî mûndû ûngîvunja nyomba ya mûndû njamba na atonye kuo na amûcune indo ciake atambîte kûthaîkania. Nwa aambire kûmûthaîkania nîguo avote kûmûcuuna indo.

Mathaayo 13:30

Tigani ngano na ria ikûranîrie vamwe nginya vîndî ya maketha. Vîndî îo nie nîngera akethi mambe makûûre ria, marîove ikûmbwa ikûmbwa na marîvîvie, na macoke makethe ngano maciige îkûmbîrî rîakwa.’ ”

Mathaayo 13:42

Araika acio nîmagaacoka maikie andû acio îcuarî rîa mwaki, kûrîa andû makaarîra na marîe magego.

Mathaayo 13:50

Andû arîa acûku nî magaikua îcuarî rîa mwaki kûrîa makaarîra na marîe magego.”

Mathaayo 24:51

Mwathi wa ndungata îo nî akaamîverithia mûno na amîtuîre ûndû ûmwe na mvinga. Kûu nîkuo andû makaarîra na marîe magego nîûndû wa ûrûrû.

Mathaayo 25:30

Nayo ndungata îno ya mana, mikieni na kûu nja ndumarî; kûu nîkuo andû makaarîra na marîe magego.”

Mathaayo 8:12

Nwatî andû arîa magîrîrwe nî kwîthîrwa marî Ûthamakirî, nîmagaaikua nja ndumarî kûrîa makaarîra na marîe magego.”

Luka 13:28

Mue nîmûkoona Iburahimu, Isaka, Jakovu na arathi onthe marî Ûthamakirî wa Ngai, namue mwikîtue na nja. Na kaî vîndî îo mûkoona ûguo nîmûkaarîra na mûrîe magego-î!

Johana 21:18

Nîrakwîra na ma atî vîndî îrîa warî mwîthî wevaragîria na ûkathiî wa kûrîa kuonthe wendaga, nwatî vîndî îrîa ûgaakûra ûgaatambûrûkia njara ciaku nake mûndû wîngî akwove na akûvire kûrîa ûtarenda kûthiî.”

Ciîko 21:11

Nake nîwaûkire kûrî tue, agîoca mûcivi wa Paûlo, akîîova naguo njara ciake na magûrû, na akiuga atîrî, “Roho Mûtheru arauga atîrî: ‘Mwene mûcivi ûyû akoovwa wata ûguo nî Ayahudi arîa marî Jerusalemu na macoke mamûnenganîre kûrî andû a Ndûrîrî.’ ”

Ciîko 7:54

Rîrîa athuuri a Kîama meegwire Stefano akîaria maûndû mau, nîmaarûmithanirie magego nî kûrakara.

2Ath 1:9

Nao nîmakaathînîka nîûndû Ngai nîakaamaverithia tene na tene. Nîmakaaigwa varaca na Mwathani na varaca na riiri wa ûnene wake.

2Pet 2:17

Arimû acio a maveeni mekariî ta ithima ino mvûîu manjî, kana ta matu marîa matindîkagwa nî rûkûngi. Ngai nîamaigîrîte vandû ndumarî îrîa nene.

2Pet 2:4

Ngai ndeeguîra araika arîa meevirie ntha, nwatî nîwamaikirie îcuarî kûrîa maigîtwe ndumarî movetwe na mînyororo metererete mûthenya wa îtuîro.

Juda 1:13

Mekariî ta makûmbî ma manjî îriarî, na ciîko ciao cia ûûra nthoni ciîyumagîria ta mûvûû. Mekariî ta njata irîa ciûrûraga kûndû na kûndû. Nake Ngai nîamaigîrîte kûndû kûrî na nduma nene mûno tene na tene.

Juda 1:6

Taririkanani araika arîa maaregire wathani ûrîa maavetwe, nwatî magîtiganîria ciîkaro ciao. O maigîtwe ndumarî, movetwe na mînyororo tene na tene, nîguo Ngai akaamatuîra Mûthenya ûcio mûnene.

Kûguû 21:27

Nwatî gûtirî kîndû kîrî mûgiro gîgaatonya îtûûrarî rîu înene. Mûndû wa wonthe wîkaga maûndû macûku na marî nthoni, kana andû arîa maveenanagia matigaatonya kuo. Arîa magaatonya nî arîa marîîtwa mao mandîkîtwe îvukuurî rîa Gatûrûme rîa mwoyo.