Mathaayo 22:10 - ÎVUKU RÎA ÛVORO MWARO

¹⁰ Nacio ndungata icio nîciathiîre nakûu njîrarî na ikîûngania andû arîa onthe ciethagîrîria; andû ega na acûku nîguo maûke îrugarî. Nayo nyomba ya îruga nîyecûrire andû.

Mathaayo 22:10 ပူးပေါင်းရင်းမြစ်များ

Mathaayo 13:38

Mûgûnda naguo nî nthî; nacio mbeû irîa mbaro nî andû a ûthamaki. Ria narîo nî andû a Ûrîa Mûcûku.

Mathaayo 22:9

Kwoguo thiîni na kûu njîrarî na mwîte andû onthe arîa mûkoona maûke îrugarî.’

Mathaayo 25:10

Nao erîtu acio maarî aritu nîmaavinyûrire ndukarî kûgûra maguta. Rîrîa maathiîre kûgûra maguta, mûvikania nîwakinyire. Nao erîtu acio maarî aûgî nîmaatonyire vamwe na mûvikania kîrugorî Kîam ûviki, naguo mûrango ûkîvingwa.

Mathaayo 9:15

Nake Jesû nîwamacokerie atîrî, “Mûreciria atî andû arîa metîtwe ûvikirî nwa megue kîeva vîndî îrîa marî vamwe na mûvikania? Ûguo gûtingîvotekeka. Nwatî mûthenya nîûgaakinya rîrîa mûvikania akaathengutua gatagatîrî kao, na vîndî îo nîmakenyerekia.

2Akor 12:21

Nînîramaka atî rîrîa ngaaûka rîngî Ngai wakwa nîagaatûma njonoke nîrî mbere yenyu. Nanie nîngeguîra andû engî kîeva arîa meevirie na matirî merira maûndû macûku marîa meekire ta ûmaraa na merirîria macûku ma mwîrî.

1Joh 2:19

Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.

Kûguû 7:9

Vuva wa ûguo nie nînaroririe na ngîona kîrîndî Kîam andû gûtarî mûndû ûngîavotire kûmatara. Andû acio maaumîte mavûrûrirî monthe, mîvîrîgarî yonthe, irukarî cionthe, na nthiomirî cionthe. Nao onthe maarûngamîte vau mbere ya gîtî Kîam ûthamaki na ya Gatûrûme, mekîrîte nguo cia rangi njerû na manyitîte mathîgî ma mîkîndû njararî ciao.