Mathaayo 20:28 - ÎVUKU RÎA ÛVORO MWARO

²⁸ Nîûndû wana nginya Mûrû wa Mûndû ndaaûka gûtungatîrwa nwatî aûkire gûtungata na kûvecana mwoyo ûtuîke îrîvi rîa gûkûûra andû eengî maume meviarî.”

Mathaayo 20:28 ပူးပေါင်းရင်းမြစ်များ

Ayubu 33:24

Mûraika ûcio nîamwîgucagîra ntha na akera Ngai atîrî, “Mûvonokie ndakathiî gwa akuû, nîrî na kîndû gîa kûmûkûûra ndakathiî kuo.”

Thaburi 49:7

Mûndû ndangîvota gwîkûûra ke mwene; kana avota kûrîva Ngai îrîvi rîa ûtûûro wake,

Isaia 53:5

Nwatî aativirue nîûndû wa mevia metû, aathînirue nîûndû wa waganu wetû. Aaverithirue nîguo tûgîe na mwoyo, na tûkîvonua na njîra ya ivoko irîa aarivirwe.

Isaia 53:8

Nîwavinyîrîrue na agîtuîrîrwa ciira gûtarî na kîvooto na akîvirwa kûûragwa, na gûtirî mûndû wamakagua nî maûndû marîa oonaga. Nîwathengutirue vûrûrirî wa arîa marî mwoyo, aaûragirwe nîûndû wa mevia ma andû akwa.

Ndari 7:15

ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua,

Mathaayo 20:27

Na mûndû wa wonthe ûngîenda gûtuîka wa mbere gatagatîrî kenyu, nwa nginya atuîke ngombo yenyu.

Mathaayo 26:28

Îno nî nthakame yakwa ya Kîrîkanîro, îrîa îgeetûrûrwa nîûndû wa andû eengî nîûndû wa kwoverwa mevia.

Mathaayo 8:20

Nake Jesû nîwamûcokerie atîrî, “Mbwe irî na marima, na iconi irî na ciomba, nwatî Mûrû wa Mûndû ndarî na vandû angîvuurûka.”

Maariko 10:45

Nîûndû Mûrû wa Mûndû wa nake ndaaûka gûtungatîrwa, nwatî aaûkire gûtungata na kûvecana mwoyo wake ûtuîke wa gûkûûra andû engî kuuma meviarî.”

Maariko 14:24

Nake Jesû nîwamerire atîrî, “Îno nî nthakame yakwa ya kîrîkanîro, îrîa îgeetûrûrwa nîûndû wa andû eengî.

Luka 22:27

Nî mûndû ûrîkû wîthagîrwa arî mûnene viû; nî ûrîa wîkaraga metharî nîguo avirîrwe irio kana nî ûrîa ûviranagîra irio metharî? Na kinthî tî mûndû ûrîa wîkaraga metharî nîguo avirîrwe irio? Nwatî nie nîrî gatagatîrî kenyu mbîkariî ta ndungata yenyu.

Johana 10:15

wata ûrîa Vava ambîcî, nanie ngamenya Vava. Nînaruta mwoyo wakwa nîûndû wa cio.

Aroma 4:25

Ke nî waûragirwe nîûndû wa mevia metû na agîcoka akîriûka nîguo tûtuîke athingu.

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.

Agal 3:13

Nwatî Kristû nîwatuîkire kîrumi nîûndû wetû nîguo atûkûûre kuuma kûrî kîrumi kîrîa kîretagwa nî watho. Nîûndû Mandîko matheru maugîte atîrî “Mûndû wa wonthe mwambe mûtharavarî nî mûrume nî Ngai.”

Aefeso 1:7

Nîtûrutîtwe meviarî na njîra ya nthakame ya Kristû, ûguo nîkuga nîtwoveretwe mevia metû nîûndû wa wega wake mwîngî

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

1Tim 2:6

Ke nîke wevecanire nîguo akûûre andû onthe kuuma meviarî. Ûndû ûcio nîwonanirie na ma kavinda karîa kaagîrîrîte atî Ngai nîwendaga andû onthe mavonoke,

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Ahib 2:10

Ngai ûrîa ûmbaga na ûtûûragia indo cionthe, nîwonire kwagîrîrîte Jesû atuwe mwagîrîru na njîra ya kûthînîka na gûkua gwake, nîguo atûme andû eengî makinyîrwe nî riiri wake. Nîûndû Jesû nîke ûkinyagia andû ûvonokiorî.

Ahib 5:8

Nwatî wana ethîrwa Kristû aarî Mûriû wa Ngai, nîwerutire kwathîka nîûndû wa ûrîa aathînîkire.

Ahib 9:28

Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

1Joh 2:2

Kristû ke mwene nîke ûtûmaga twoverwe mevia metû, na twa mevie metû tu, nwatî nî wana mevia ma andû onthe.

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake