Mathaayo 20:25 - ÎVUKU RÎA ÛVORO MWARO

²⁵ Nwatî Jesû nîwametire onthe vamwe na akîmeera atîrî, “Mue nîmwicî atî athani a andû a ndûrîrî nîmamavinyagîria. Nao atongoria nîmendaga wathani wao ûmenywe nî andû arîa engî.

Mathaayo 20:25 ပူးပေါင်းရင်းမြစ်များ

Danieli 3:15

Rîu-î, rîrîa mûkegua rîngî mîgambo ya coro, mîtûrirû, ngita, wandîndî, na inanda cia mîthemba yonthe, mûkenamîrîria mothiû menyu mûgooce mûvuanano ûcio naarûthithirie wa thaavu. Ethîrwa mûtikaaûgooca, nîmûgaaikua wa rîmwe mwakirî mûnene mûno. Nî ngai îrîkû îngîmûvonokia kuuma kûrî nie?”

Danieli 5:19

Nîûndû wa ûnene ûcio Ngai aamûveere, andû a mîvîrîga yonthe, mavûrûri monthe na andû a nthiomi cionthe, nîmaainainire mûno na makîmwîtigîra. Nebukadinezarû aarî na ûvoti wa kûûraga mûndû wa wonthe kana kûrega kûûraga mûndû ûrîa angîendire. Aarî na ûvoti wa kûnenevia mûndû ûrîa wonthe eendaga kûnenevia kana kûnyivia mûndû ûrîa wonthe eendaga kûnyivia.

Mathaayo 11:29

Ocani îcoki rîakwa mwîkîre na mwîrute na nie, nîûndû nie nîrî mûvoreri na nîmwînyivia ngororî yakwa na nîmûkûvurûka.

Mathaayo 20:24

Rîrîa arutwa acio engî îkûmi meeguire ûvoro ûcio, nîmaarakarire mûno nî arutwa acio aîrî.

Maariko 10:42

Kwoguo Jesû nîwametire onthe vamwe na akîmeera atîrî, “Mue nîmûramenya atî andû arîa magîrîrwe nî gûtongoria andû a ndûrîrî nîmenenevagia,

1Pet 5:3

Tigagani kûvinyîrîria arîa mûvetwe mûmamenyagîrîre, nwatî îthagîrwani mûrî kîonereria Kîamro kûrî o.