Mathaayo 20:21 - ÎVUKU RÎA ÛVORO MWARO

²¹ Nake Jesû nîwamûûririe atîrî, “Nî atîa ûkwenda?” Nake mûndûmûka ûcio nîwacokirie atîrî, “Athana atî avîcî aya akwa mageekara ûmwe mwena waku wa ûrîo na ûcio wîngî mwena waku wa ûmotho rîrîa ûgaatuîka mûthamaki.”

Mathaayo 20:21 ပူးပေါင်းရင်းမြစ်များ

1Atha 2:19

Kwoguo Bathisheba nîwathiîre kûrî mûthamaki Solomoni kwaria nake vandûrî va Adonija. Mûthamaki nîwarûngamire, agîkethia ng'ina na akînamîrîria ûthiû mbere yake. Nîwacokire agîkarîra gîtî gîake Kîam ûthamaki na akiuga gîtî kîngî kîretwe kîrîa ng'ina eekarîre mwena wake wa ûrîo.

1Atha 3:5

Ûtukû wa mûthenya ûcio Ngai-Mûnene nîwaumîrîre Solomoni na njîra ya kîroto na akîmwîra atîrî, “Mbîtia kîrîa ûkwenda na nîngûkûva.”

Esita 5:3

Mûthamaki nîwerire Esita atîrî, “Mbîra kîrîa ûrenda wana ethîrwa nî nuthu ya ûthamaki wakwa.”

Thaburi 110:1

Ngai-Mûnene nîwerire Mwathani wakwa atîrî, “Îkara nthî mwena wakwa wa ûrîo nginya rîrîa ngaatûma ûkinyangîre nthû ciaku na magûrû maku.”

Thaburi 45:9

Erîtu a mûthamaki nî amwe a erîtu arîa magûtûngaga, naguo mwenarî waku wa ûrîo varûngamîte mûthamaki mûndûmûka, ekîrîte mathaga ma thaavu ya Ofiri.

Jeremia 45:5

Nîkwa ûracaria maûndû manene? Ndûkamacarie! Nîûndû nînîrarete mûthiro kûrî andû onthe a nthî. Nwatî nîngavonokia mwoyo waku kûrîa kuonthe ûkaathiîcaga. Ûguo nîguo nie, Ngai-Mûnene nîrauga.”

Mathaayo 18:1

Vîndî îo arutwa a Jesû nîmaathiîre kûrîke na makîmûria atîrî, “Nî ûrîkû mûnene makîria ya arîa engî ûthamakirî wa îgûrû?”

Mathaayo 19:28

Nake Jesû nîwamerire atîrî, “Nîramwîra nama atî vîndî îrîa Mûrû wa Mûndû ageekarîra gîtî gîake Kîam ûnene kîrîa kîrî riiri kûu nthî îo njerû, mue arîa mûnûmagîrîra nîmûgeekarîra itî cia ûnene na nîmûkaatha mîvîrîga îrîa îkûmi na îîrî ya Isiraeli.

Mathaayo 20:22

Nake Jesû nîwerire avîcî acio a Zebedii atîrî, “Mue mûtiramenya kîrîa mûravoya. Nîmûkûvota kûnyuîra gîkomberî Kîam mînyamaaro kîrîa nie ngerie kûnyuîra?” Nao nîmaamûcokerie atîrî, “Ii nîtûkûvota.”

Mathaayo 20:32

Nake Jesû nîwarûngamire; akîmeeta na akîmaûria atîrî, “Mûrenda nîmwîkîre atîa?”

Maariko 10:51

Nake Jesû nîwamûûririe atîrî, “Ûrenda ngwîkîre atîa?” Nake mûtumumu ûcio nîwamûcokerie atîrî, “Mwarimû! Nie nîrenda kwona!”

Maariko 16:19

Rîrîa Mwathani Jesû aarîkirie kûmarîria, nîwambatirue îgûrû na agîkara mwena wa ûrîo wa Ngai.

Maariko 6:22

Rîrîa mwarî wa Herodia aatonyire kûrîa kwarîcagîrwa na akîîinia, nîwakenirie Herode na ageni ake. Kwoguo mûthamaki nîwerire mwîrîtu ûcio atîrî, “Mbîtia kîndû wa kîonthe kîrîa ûngîenda, nanie nîngûkûva.”

Luka 18:41

“Ûrenda ngwîkîre atîa?” Nake mûtumumu ûcio nîwamûcokerie atîrî, “Mwathani nie nîrenda gûcoka kwona.”

Luka 19:11

Rîrîa andû maathikîrîrîtie mîario îo, Jesû nîwamavere ngerekano. Vîndî îo aarî vakuvî na Jerusalemu na andû meciragia atî Ûthamaki wa Ngai warî vakuvî gûkinya.

Luka 22:24

Nîgwacokire gûkîgîa na ngarari cia kwenda kûmenya nî ûrîkû mûnene viû gatagatîrî ka arutwa.

Johana 15:7

Ethîrwa mûgekaraga ndaarî yakwa na ciugo ciakwa igekara ndaarî yenyu, ngaamûvecaga kîndû wa kîonthe kîrîa mûkaambîtagia.

Ciîko 1:6

Rîrîa atûmwa maagomanire vamwe na Jesû, nîmaamûririe atîrî, “Mwathani, vîndî îno nîyo ûgaacokeria Aisiraeli Ûthamaki wao?”

Aroma 12:10

Endanagani mûndû na ûrîa wîngî ta andû a ng'ina ûmwe. Vecanagani gîtîîo mûndû na ûrîa wîngî.

Aroma 8:34

Nû ûngîmatuîra atî nî evia? Gûtirî wana ûmwe. Jesû Kristû nîke wakuire na agîcoka akîriûka na arî njararî ya ûrîo ya Ngai. Ke nîke ûtûthaithanagîra kûrî Ngai.

Akol 3:1

Mue nîmwariûkirue vamwe na Kristû kwoguo îriragîrieni kîrîa kîrî îgûrû, kûrîa Kristû ekarîte mwena wa ûrîo wa Ngai.