Mathaayo 20:19 - ÎVUKU RÎA ÛVORO MWARO

¹⁹ Nao nîmagaacoka mamûvecane kûrî andû a ndûrîrî nîguo mamûnyûrûrie, mamûrive na ivoko na macoke mamwambe mûtharavarî îgûrû. Nwatî mûthenya wa kathatû nîakaariûkua.”

Mathaayo 20:19 ပူးပေါင်းရင်းမြစ်များ

Ayubu 30:8

Andû maarî aritu na matecîkene, maarutûrûrirwe vûrûrirî ûcio na mûcarica.

Thaburi 35:16

Andû arîa manyûrûragia cionje, nîmaandembire nîûndû wa kûmena.

Isaia 26:19

Andû aku arîa akuû nîmagaatûûra mwoyo, mîîrî yao nîkaariûka! Arîa mamamîte mûtheturî nîmagaaûkîra, na maine makenete. Nîûndû îme rîa Ngai-Mûnene nî îme rîa ûtheri, nao arîa marî kwa arîa akuû nîmakaariûka.

Isaia 53:3

Nîyamenirwe na îkîregwa nî andû; aarî mûndû wî kîeva na ûrîîte thîna, na agatuîka wa kwîthithîrwa nî andû; nîwamenirwe na twamwonaga ta atarî kîndû.

Hosea 6:2

Vuva wa mîthenya îîrî nîagaatûva mwoyo rîngî, vuva wa mîthenya îîrî nîagaatûriûkia, nîguo tûkavota gûtûûrania nake.

Mathaayo 12:40

Wata ûrîa Jona eekarire ndarî ya nthamaki nene mîthenya îthatû, nwa ta guo Mûrû wa Mûndû ageekara na gûkû nthî kûrîa kûriku mûno mîthenya îthatû.

Mathaayo 16:21

Kuuma vîndî îo Jesû nîwambîrîrie kwîra arutwa ake atîrî, “Nwa nginya nthiî Jerusalemu na nyamarue nî athuuri, anene a athînjîri-Ngai na arimû a Watho. Nîmakaambûraga, nwatî mûthenya wa kathatû nîngaariûkua.”

Mathaayo 17:23

nao nîmakaamûraga, na vuva wa mîthenya îthatû, nîakaariûkua.” Nao arutwa nîmeguire kîeva mûno.

Mathaayo 27:26

Pilato nîwacokire akîrekereria Baraba. Na arîkia kûrivithia Jesû na ivoko, nîwamûnenganîre akambwe.

Mathaayo 27:63

“Mûnene, tue nîtûraririkana atî vîndî îrîa mûndû ûcio mûthani aatûûraga mwoyo nîwaugire atîrî, ‘Nîngaariûkua mûthenya wa kathatû.’

Maariko 14:65

Nao andû amwe gatagatîrî kao nîmaambîrîrie gûtuîra Jesû mata, makîmûkunîka metho, na makîmûriva na mvî makîmwîraga atîrî, “Tecirîrie nî ûrîkû wakûringa.” Arangîri wa nao nîmaamûrivire.

Maariko 15:1

Kîraûko tene anene a athînjîri-Ngai nîmaagîre ndundu na athuuri, arimû a Watho, Kîamma kîonthe na makîrîkanîra ûrîa magwîka. Nao nîmoovire Jesû na makîmûvira kûrî Pilato.

Maariko 15:15

Na nîûndû Pilato nîwendaga gûkenia kîrîndî, nîwamarekerie Baraba. Nake Pilato nîwarivithirie Jesû ivoko na akîmûnenganîra akambwe.

Luka 18:32

Mûrû wa Mûndû nîakaanenganîrwa kûrî andû a ndûrîrî. Nao nîmakaamûnyûrûria, mamwîke maûndû ma ûûra nthoni na mamûtuîre mata.

Luka 23:11

Nake Herode na athigari ake nîmaanyûrûririe Jesû na makîmwîka maûndû meengî ma ûûra nthoni. Nîmaacokire makîmwîkîra kanjû yarî ya goro na ya riiri na makîmûcokia kûrî Pilato.

Luka 24:46

na akîmeera: “Kwandîkîtwe atîrî, nwa nginya Mesaya athînue na mûthenya wa kathatû acoke ariûke.

Ciîko 2:23

Kûringana na mûvango wake ke mwene, Ngai nîwatuîte atî Jesû nîakanenganîrwa kûrî mue. Namue nîmwamûragire na njîra ya gwîtîkîria evia mamwambe mûtharavarî îgûrû.

Ciîko 21:11

Nake nîwaûkire kûrî tue, agîoca mûcivi wa Paûlo, akîîova naguo njara ciake na magûrû, na akiuga atîrî, “Roho Mûtheru arauga atîrî: ‘Mwene mûcivi ûyû akoovwa wata ûguo nî Ayahudi arîa marî Jerusalemu na macoke mamûnenganîre kûrî andû a Ndûrîrî.’ ”

Ciîko 4:27

Nîûndû ûguo nîguo gwekîkire rîrîa Herode, Pontio Pilato, andû a Ndûrîrî na andû a Isiraeli, maatûnganire vamwe îtûûrarî rîîrî rîa Jerusalemu. Nîmaaregire Jesû ndungata yaku ntheru îrîa we watuire Mesaya.