Mathaayo 20:18 - ÎVUKU RÎA ÛVORO MWARO

¹⁸ “Tathikîrîriani! Tûthiîte Jerusalemu kûrîa Mûrû wa Mûndû akaanenganîrwa kûrî anene a athînjîri-Ngai na arimû a Watho. Nao nîmakaamûtuîra kûûragwa.

Mathaayo 20:18 ပူးပေါင်းရင်းမြစ်များ

Mathaayo 10:4

Simoni Mûzeloti, na Judasi Mûsikariota, ûrîa wacukanîrîre Jesû.

Mathaayo 16:21

Kuuma vîndî îo Jesû nîwambîrîrie kwîra arutwa ake atîrî, “Nwa nginya nthiî Jerusalemu na nyamarue nî athuuri, anene a athînjîri-Ngai na arimû a Watho. Nîmakaambûraga, nwatî mûthenya wa kathatû nîngaariûkua.”

Mathaayo 26:2

“Mue nîmwîcî atî kîrugo Kîam pasaka nîgîgûkinya vuva wa mîthenya îrî, na Mûrû wa Mûndû nîakûnenganîrwa akambwe.”

Mathaayo 26:66

Nîmuga atîa îgûrû rîake?” Nao nîmaacokirie atîrî, “Ke nîmûvîtiu na nwanginya aûragwe.”

Mathaayo 27:1

Kîraûko tene, anene a athînjîri-Ngai onthe na athuuri nîmaavangire ûrîa makûûragithia Jesû.

Luka 22:71

Nao athuuri acio a Kîamma nîmeeranire atîrî, “Nî ûira wîngî ûrîkû tûravatara? Tue nîtweîguîra ûrîa auga.”

Ciîko 2:23

Kûringana na mûvango wake ke mwene, Ngai nîwatuîte atî Jesû nîakanenganîrwa kûrî mue. Namue nîmwamûragire na njîra ya gwîtîkîria evia mamwambe mûtharavarî îgûrû.