Mathaayo 20:16 - ÎVUKU RÎA ÛVORO MWARO

¹⁶ Jesû akîrîkîrîria nîwaugire atîrî. “Andû arîa marî vuva nîmagaatuîka a mbere nao arîa marî mbere rîu, nîmagaatuîka a vuva.”

Mathaayo 20:16 ပူးပေါင်းရင်းမြစ်များ

Mathaayo 19:30

Nwatî andû eengî arîa marî mbere rîu nîmagaatuîka a vuva, nao andû eengî arîa marî vuva rîu nîmagaatuîka a mbere.

Mathaayo 21:31

Nî ûrîkû gatagatîrî ka acio aîrî wekire ûrîa îthe eendaga?” Nao nîmaacokirie atîrî, “Nî ûcio wa mbere.” Kwoguo Jesû nîwamerire atîrî, “Nîramwîra nama atî etia a mbeca cia gooti na maraa nîmagaatonya Ûthamakirî wa Ngai mbere yenyu.

Mathaayo 22:14

Nake Jesû nîwarîkîrîrie atîrî, “Andû eengî nîmetîtwe, nwatî arîa athuure nî anini.”

Mathaayo 7:13

“Tonyererani mûromorî ûrîa mûceke, nîûndû mûromo wa îcua nî mwariî, na njîra îrîa yerekagîria mûndû kuo wa nayo nî mbariî, na andû arîa mamîthiîcagîra nî eengî.

Maariko 10:31

Nwatî andû eengî arîa marî mbere rîu, nîmagaatuîka a vuva, nao arîa marî vuva rîu, nîmagaatuîka a mbere.”

Luka 14:24

Nîramwîra atî, gûtirî mûndû wana ûmwe wa arîa meetîtwe mbere ûgaacama irio cia kîrugo gîakwa!’ ”

Luka 15:7

Nîramwîra na ma atî, ûguo nwaguo îgûrû kwîthagîrwa na gîkeno makîria, nîûndû wa mwîvia ûmwe ûrîa wîrirîte, gûkîra gîkeno kîrîa kîthagîrwa kuo nîûndû wa andû athingu mîrongo kenda na kenda, arîa matarî na ûvatari wa kwîrira.

Luka 7:47

Kwoguo nie nîrakwîra atîrî, wendo mwîngî ûrîa mûndûmûka ûyû onania, nîûronania atî ke nîwoverwa mevia meengî. Nwatî mûndû wa wonthe woveretwe mevia manini, onanagia wendo mûnini.”

Aroma 5:20

Watho wekîrirwe nîguo andû mevie mûno. Nwatî wa ûrîa mevia mongererekaga, wega wa Ngai nîwongererekaga makîria.

Aroma 8:30

Kwoguo arîa Ngai amûrîte nîwametire, nao acio eetire nîwamatuire athingu na akîmagaîra riiri wake.

Aroma 9:30

Rîu ûguo nîkuga atîa? Ûguo kuga atî andû a Ndûrîrî matiageria gwîtua athingu mbere ya Ngai, nwatî Ngai nîwamatuire athingu nîûndû wa wîtîkio wao.

1Ath 2:13

Na kûrî ûndû wîngî ûtûmaga tûcokie ngatho kûrî Ngai tûtagûtigithîrîria. Vîndî îrîa twamûretere ndûmîrîri ya Ngai, nîmwamîgwire na mûkîmîtîkîra. Mûtiamîtîkîra ta ndûmîrîri ya andû nwatî mwamîtîkîre ta ndûmîrîri ya Ngai na nî ma nî ya Ngai na nîyo îraruta wîra ndaarî yenyu mue arîa mwîtîkîtie.