Mathaayo 19:21 - ÎVUKU RÎA ÛVORO MWARO

²¹ Nake Jesû nîwamûcokerie atîrî, “Ûngîenda gûtuîka mwagîrîru, thiî ûkendie indo ciaku cionthe na ûve athîni mbeca icio, nawe nîûkwîigîra mûthithû îgûrû. Na weka ûguo ûcoke ûûke ûnûmîrîre.”

Mathaayo 19:21 ပူးပေါင်းရင်းမြစ်များ

Kîam 17:1

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

Kîam 6:9

Ino nîcio njiarwa cia Nuhu. Nuhu aarî mûndû mûthingu, na nwake wenga tu warî mwaro îvindarî rîu. Nuhu aarî na ngwatanîro na Ngai.

Ayubu 1:1

Kwarî na mûndû wetagwa Ayubu, wa kuuma vûrûrirî wa Uzi. Ayubu aarî mûndû mwaro na mwîvokeku. Aarî mûndû wetigîrete Ngai na wareganîte na maûndû macûku.

Thaburi 37:37

Taroria andû arîa aro, na athingu; andû arîa marî thayû marî njiarwa nyîngî.

Mathaayo 16:24

Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre.

Mathaayo 19:20

Nake mwanake ûcio nîwacokirie atîrî, “Maathani mama monthe nînîmathîkîrîte, nî ûndû ûrîkû wîngî mbagîrîrwe nî gwîka?”

Mathaayo 19:22

Rîrîa mwanake ûcio eegwire ûguo, nîwathiîre arî na kîeva kîngî mûno nîûndû aarî mûndû mûtongu.

Mathaayo 19:28

Nake Jesû nîwamerire atîrî, “Nîramwîra nama atî vîndî îrîa Mûrû wa Mûndû ageekarîra gîtî gîake Kîam ûnene kîrîa kîrî riiri kûu nthî îo njerû, mue arîa mûnûmagîrîra nîmûgeekarîra itî cia ûnene na nîmûkaatha mîvîrîga îrîa îkûmi na îîrî ya Isiraeli.

Mathaayo 4:19

Nake Jesû nîwamerire atîrî, “Nûmîrîrani na nîngûmûtua ategi a andû.”

Mathaayo 5:48

Kwoguo, nwa nginya mwîthagîrwe mûrî akinyanîru wata ûrîa Îthe wenyu wa Îgûrû ethagîrwa arî mûkinyanîru!

Mathaayo 8:22

Nwatî Jesû nî wamûcokerie atîrî, “Nûmîrîra na ûtige andû arîa akuû mathike akuû ao.”

Mathaayo 9:9

Nake Jesû nîwaumire kûu, na arî njîrarî athiîte nîwonire mûndû wetagwa Mathaayo warutaga wîra wa gwîtia mbia cia gooti ekarîte nthî wavicirî yake. Jesû nîwamwîrire atîrî, “Nûmîrîra.” Nake Mathaayo nîwarûngamire na akîmûrûmîrîra.

Maariko 10:21

Nake Jesû aroria mûndû ûcio nîwegwire amwenda na akîmwîra atîrî, “Kûrî na ûndû ûmwe ûtigarîtie gwîka. Thiî wendie indo ciaku cionthe, ûve athîni mbeca icio na ûcoke ûnûmîrîre, nawe nî ûkwîigîra ûtonga mwîngî îgûrû.”

Maariko 2:14

Na rîrîa aavîtûkaga, nîwonire mwîtia wa mbeca cia gooti wetagwa Lawi mûrû wa Alufayo ekarîte wavicirî yake. Nake Jesû nîwamwîrire atîrî, “Nûmîrîra.” Nake Lawi nîwaûkîrire na akîmûrûmîrîra.

Maariko 8:34

Nake Jesû nîwacokire agîîta kîrîndî na arutwa ake varîa aarî, na akîmeera atîrî, “Mûndû wa wonthe ûngîenda kûnûmîrîra, nwa nginya erege, akuue mûtharava wake na acoke anûmîrîre.

Luka 12:33

Endiani indo cionthe cienyu na mûcoke mûve athîni mbeca icio. Îîthondekereni tûveeti twa mbeca tûrîa tûtangîthira. Îigîreni mûthithû wenyu îgûrû kwa Ngai, kûrîa ûtangînyiva nîûndû gûtirî mwîi ûngîûkinyîra wana kana mûthûa ûngîûcûkia.

Luka 14:33

Kwoguo gûtirî mûndû wana ûmwe gatagatîrî kenyu ûngîtuîka mûrutwa wakwa atambîte gûtiga indo cionthe irîa arî nacio.

Luka 16:9

Jesû nîwathiîre na mbere kwaria na akiuga atîrî, “Tûmîrani ûtonga wa gûkû nthî mûkîthondeka arata, nîguo rîrîa ûtonga wenyu ûkaathira, Ngai akamûgwata ûgeni mûciîrî wa tene na tene.

Luka 18:22

Rîrîa Jesû eegwire ûguo nîwerire mûndû ûcio atîrî, “Varî na ûndû ûmwe tu ûtigarîtie. Thiî ûkendie indo cionthe ciaku na ûve athîni mbeca icio, nawe nîûkwîigîra mûthithû îgûrû kwa Ngai, na ûcoke ûnûmîrîre.”

Luka 5:27

Nake Jesû arîkia gwîka ûguo, nîwaumire nja na akîona mwîtia wa mbeca cia gooti wetagwa Lawi, ekarîte wavicirî yake na akîmwîra atîrî, “Nûmîrîra.”

Luka 6:40

Gûtirî mûrutwa ûngîneneva gûkîra mwarimû wake, nwatî mûrutwa wa wonthe angîthomithua viû atuîkaga ta mwarimû wake.

Luka 9:23

Jesû nîwacokire akîîra andû onthe atîrî, “Mûndû wa wonthe ûngîenda kûnûmîrîra, mbere nî ambe erege ke mwene na akuuage mûtharava wake wa mûthenya na acoke anûmîrîre.

Johana 10:27

Ng'ondu ciakwa nîithikagîrîria mûgambo wakwa; nie nînîciîcî na nîinûmagîrîra.

Johana 12:26

Mûndû wa wonthe ûndungatagîra nwa nginya anûmîrîre nîguo varîa nîrî ndungata yakwa îthagîrwe nîvo îrî wa nayo. Nake Vava agaatîîaga mûndû wa wonthe ûrîa ûndungatagîra.

Ciîko 2:45

Mavinda na mavinda etîkia nîmeendagia ithaka wana indo ciao na makagaania mbeca icio kûringana na ûrîa wa mûndû aavataraga.

Ahib 10:34

Nîûndû nîmwanyitanîre mathîna na arîa moovetwe, na rîrîa mwacunirwe indo cienyu nîmweyûmîrîrie mûkenete nîûndû nîmwamenyaga atî mûrî na kîndû Kîamro makîria na gîa gûtûûra.