Mathaayo 18:31 - ÎVUKU RÎA ÛVORO MWARO

³¹ Nacio ndungata icio ciîngî ciona ûrîa gwekîkîte nîciarakarire mûno. Nacio nîciathiîre kûrî mûthamaki na ikîmwîra ûrîa wonthe wekîkire.

Mathaayo 18:31 ပူးပေါင်းရင်းမြစ်များ

Kîam 37:2

Rûrû nîruo rûgano rwa andû a Jakovu. Rîrîa Josefu aarî na ûkûrû wa mîaka îkûmi na mûgwanja (17), nîwarîthagia mbûri na ng'ondu marî na aa mûrwang'ina. Aamûrûang'ina acio maarî avîcî a Biliha na Zilipa, aka arîa maarî a kwigwa a Jakovu. Josefu nîweraga îthe maûndû macûku marîa mekagwa nî aa mûrwang'ina acio.

Thaburi 119:136

Methori manyûrûrûkaga kuuma methorî makwa ta rûnjî, nîûndû andû mativingagia watho waku.

Thaburi 119:158

Rîrîa naroria acukanîrîri, nî ndakaraga mûno, nîûndû matiathîkagîra maathani maku.

Jeremia 9:1

Narî kethîrwa kîongo gîakwa nî kîthima Kîam manjî, na metho makwa matherûkage methori, nîguo ndîrage ûtukû na mûthenya, nîûndû wa andû akwa arîa maûragîtwe.

Mathaayo 14:9

Mûthamaki nîwegwire kîeva kîîngî mûno, nwatî nîûndû wa ûrîa eevîtîte arî mbere ya ageni ake, ke nîwathanire atî mwîrîtu ûcio anengerwe kîrîa eetîtie.

Mathaayo 18:28

“Nayo ndungata îo nîyacokire îkiuma, na îgîtûngana na ndungata îmwe ya arîa maarutaga wîra nayo na yarî na thirî wake wa mbeca îgana rîmwe. Ndungata îo nîyamûnyitire ngingo na vinya îkîmîvivinya mîmero îkîmîraga atîrî, ‘Ndîva thirî wakwa wonthe.’

Mathaayo 18:30

Nayo ndungata îo nîyaregire kûmûkirîrîria, na îthenya rîa ûguo, nîyaugire ndungata îo yarî na thirî wake iikue njeera nginya rîrîa îkaarîva thirî.

Mathaayo 18:32

Kwoguo mûthamaki nîwetire ndungata îo aarekerete thirî. Nake nîwamîrire atîrî, ‘We ndungata îno mbaganu, nîrakûrekere thirî wa mbeca cionthe irîa ûraarî nacio, nîûndû nîûranthaithire ngûrekere.

Maariko 3:5

Jesû nîwamaroririe arakarîte na arî na kîeva kîîngî mûno ngororî yake nîûndû wa ûrîa maaûmîtie ngoro ciao. Nîwacokire akîra mûndû ûcio wonjete njara atîrî, “Tambarûkia njara yaku.” Nake nîwamîtambarûkirie na îkîvua.

Luka 14:21

“Nayo ndungata îo nîyacokire mûciî kwa mûnene wayo na îkîmwîra maûndû mau monthe. Nake mûnene ûcio nîwarakarire mûno na akîra ndungata îo atîrî, ‘Îîvîke ûthiî varavararî na tûcîrarî twa îtûûra rîîrî, ûke na athîni, cionje, atumumu, na ithua.’

Luka 19:41

Rîrîa Jesû aakuvîrîrie îtûûra rîa Jerusalemu na akîrîona, nîwarîrire nîûndû warîo

Aroma 12:15

Kenagani na arîa marakena na mûrîrage na arîa mararîra.

2Akor 11:21

Nie nînîregua nthoni ngiuga atî tue tûtiarî na vinya wa gwîka maûndû mau! Nwatî ethîrwa mûndû wana ûrîkû nwa etîîe nîûndû wa kîndû, wa nanie nwa nîtîîe. Nie nîraria ta mûndû mûritu.

Ahib 13:17

Athîkagîrani atongoria enyu na mûrûmagîrîre maûndû marîa mamwathaga mwîke. Nîo mamenyagîrîra mîoyo yenyu na nwanginya makeera Ngai ûrîa maarutaga wîra wao. Ethîrwa mûkaamathîkagîra makaarutaga wîra wao marî na gîkeno. Ethîrwa mûtikaamathîkîra, makaûrutaga matarî na gîkeno na kwoguo mûtingîtetheka.

Ahib 13:3

Ririkanagani arîa marî njeera takwa mûrî njeera nao. Ririkanagani arîa maranyamarua takwa mûranyamarua wata o.