Mathaayo 18:28 - ÎVUKU RÎA ÛVORO MWARO

²⁸ “Nayo ndungata îo nîyacokire îkiuma, na îgîtûngana na ndungata îmwe ya arîa maarutaga wîra nayo na yarî na thirî wake wa mbeca îgana rîmwe. Ndungata îo nîyamûnyitire ngingo na vinya îkîmîvivinya mîmero îkîmîraga atîrî, ‘Ndîva thirî wakwa wonthe.’

Mathaayo 18:28 ပူးပေါင်းရင်းမြစ်များ

Nehemia 10:31

Ethîrwa ageni nîmakaarete indo kana irio cia mûgûndarî cia kwendia mûthenya wa thavatû kana mûthenya wîngî mûtheru tûtikaaigûra. Mwakarî wa mûgwanja tûkaarekanagîra mathiirî monthe na tûtikaarîmaga mîgûnda yetû.

Nehemia 5:7

Nîneciririe na ngîtua ûrîa ngwîka. Nînaareganire na atongoria na anene a andû na ngîmeera atîrî, “Mue nîmûravinyîrîria Ayahudi arîa engî enyu!” Nînaacokire ngîta andû na tûkîgomana tûrî gîkundi kînene nîûndû wao,

Nthi 28:3

Mûtongoria ûrîa ûvinyagîrîria mûthîni, ekariî ta mbura îrîa yuraga îgatiga yacûkangia irio irî mîgûndarî.

Isaia 58:3

Andû maraûria atîrî, “Twînyerekagia nîkî, nawe Ngai-Mûnene ndwonaga? Twîimaga irio nîkî, nawe ndûtindanagîra na ûndû ûcio?” Nake Ngai-Mûnene aramacokeria atîrî, “Mûthenya ûrîa mûrenyerekia, mûrûmagîrîra wendi wenyu tu, na mûgakinyîrîria aruti wîra enyu onthe.

Ezek 45:9

Ngai-Mûnene augîte atîrî, “Mue anene a andû a Isiraeli nîmwîvîtie vandû va kavinda karaca. Thirwani nî waganu na mûtige kûvinyanîrîria mwîkage maûndû ma kîvooto na ma waragania. Tigani kûvinyûria andû akwa kuuma vûrûrirî wao. Nie Ngai-Mûnene nînie nauga ûguo.

Mathaayo 18:27

Nake mûthamaki nîweguîrîre ndungata îo ntha, akîmîrekera thirî ûcio, na akîmîrekereria îthiî.

Mathaayo 18:29

Nayo ndungata îo nîyaturirie maru na îkîmûthaitha atîrî, ‘Ngirîrîria na nîngaakûrîva thirî waku.’

Mathaayo 20:2

Nake nîwarîkanîre na aruti wîra acio atî akamarîvaga dinarii îmwe wa mûthenya, na akîmatûma makarute wîra mûgûndarî wake wa mîthavibu.

Maariko 14:5

Maguta mama nîmangîendua makîria ya dinarii magana mathatû, na mbeca icio ikavewa athîni.” Nao nîmaatetirie mûndûmûka ûcio mûno.

Maariko 6:37

Nake Jesû nîwamacokerie atîrî, “Manengereni kîndû mangîrîa.” Nao nîmaamûririe atîrî, “Ûrenda tûthiî tûkagûre mîgate ya dinarii magana maîrî, nîguo tûmave marîe?”

Luka 10:35

Mûthenya ûcio warûmîrîrîte, Mûsamaria ûcio nîwarutire sîlûva igîrî akînengera mwene mûkawa na akîmwîra atîrî, ‘Menyerera mûndû ûyû na vîndî îrîa ngaacokerera ava, nîngaakûrîva kîndû wa kîonthe kîrîa akeethîrwa avûthîrîte.’ ”

Luka 7:41

Nake Jesû nîwerire Simoni atîrî, “Vîndî îmwe kwarî na andû aîrî maakovithîtue mbeca nî mûndû ûmwe. Mûndû ûmwe aakovithîtue dinarii magana matano na ûcio wîngî agakovithua dinarii mîrongo îtano.

Johana 6:7

Filipu nîwacokerie Jesû atîrî, “Mîgate ya dinarii magana maîrî ndîngîgana andû aya onthe wana wa mûndû angîvewa gacunjî kanini atîa.”

Gûco 15:2

Mûvango ûcio wa kûrekanîra mathiirî ûkethagîrwa wîkariî û: Mûndû wa wonthe ûkovithîtie mûndû ûrîa wîngî kîndû nwanginya akaamûrekera thirî ûcio, ndagîrîrwe nî gwîtia thirî ûcio. Ngai-Mûnene nîwathanîte thirî ûcio ûrekanîrwe.