Mathaayo 18:27 - ÎVUKU RÎA ÛVORO MWARO

²⁷ Nake mûthamaki nîweguîrîre ndungata îo ntha, akîmîrekera thirî ûcio, na akîmîrekereria îthiî.

Mathaayo 18:27 ပူးပေါင်းရင်းမြစ်များ

Nehemia 9:17

Nîmaaregire kwathîka, makîriganîrwa nî maûndû manene marîa wekire gatagatîrî kao, wana nîmaariganîrwe nî ciama irîa wamaringîrîte. Nîmaaûmirie ciongo ciao, na makîthuurîra mûtongoria wa kûmacokia ûkomborî Misiri. Nwatî we ûrî Ngai wovanagîra, ûrî wega mwîngî, wendo waku ndûthiraga na ndûrakaraga na îvenya. Ntha ciaku nî nyîngî, ndwamatiganîria.

Thaburi 145:8

Ngai-Mûnene nî mûtugi na arî ntha, ndarakaraga na îvenya na nîecûrîtwe nî wendo ûtathiraga.

Thaburi 78:38

Nwatî Ngai nîwaeguîrîre andû ake ntha, na akîmarekera mevia mao. Mavinda meengî nîwerigagîrîria kûrakara, na nîwerigagîrîria mang'ûrîka.

Thaburi 86:15

Nwatî we Mwathani, ûrî Ngai wî ntha na wendo, nîûkiragîrîria, ûrî wendo ûtathiraga na wî mwîvokeku.

Thaburi 86:5

We Mwathani, wî mwagîrîru na nîwovanagîra; nîwonagia andû arîa makûvoyaga wendo ûtathiraga.

Hosea 11:8

We Efiraumu, nîngîgûtiganîria atîa? We Isiraeli nîngîgûta atîa? Nîngîgûtua ta îtûûra rîa Adama atîa? Kana ngwîke ta îtûûra rîa Zeboimu! Nîregua ngoro yakwa îkîngiria, wendo wakwa kûrî we nî mwîngî mûno.

Mathaayo 18:28

“Nayo ndungata îo nîyacokire îkiuma, na îgîtûngana na ndungata îmwe ya arîa maarutaga wîra nayo na yarî na thirî wake wa mbeca îgana rîmwe. Ndungata îo nîyamûnyitire ngingo na vinya îkîmîvivinya mîmero îkîmîraga atîrî, ‘Ndîva thirî wakwa wonthe.’

Mathaayo 18:32

Kwoguo mûthamaki nîwetire ndungata îo aarekerete thirî. Nake nîwamîrire atîrî, ‘We ndungata îno mbaganu, nîrakûrekere thirî wa mbeca cionthe irîa ûraarî nacio, nîûndû nîûranthaithire ngûrekere.

Luka 7:42

Nake mûndû ûcio wamakovithîtie mbeca icio nîwamacamîre cio nîûndû nîmaaremirwe nî kûmûrîva. Rîu-î, gatagatîrî ka andû acio aîrî, nî ûrîkû wendire mûndû ûcio wamakovithîtie mûno makîria?”

Luka 7:43

Nake Simoni nîwacokerie Jesû atîrî, “Nie nîreciria mûndû ûcio wacamîrwe mbeca irîa ciarî nyîngî nîke wendire mûndû ûcio wamakovithîtie mbeca makîria.”

Atir 10:16

Kwoguo nîmaatere ngai icio maarî nacio na magîtungatîra Ngai-Mûnene. Nake Ngai-Mûnene nîwegwire ntha nîûndû wa ûrîa Aisiraeli maanyarirîkîte.