Mathaayo 18:24 - ÎVUKU RÎA ÛVORO MWARO

²⁴ Na vîndî îrîa aambîrîrie gûtuîria indo ciake, nîwavirîrwe ndungata îmwe yarî na thirî wake wa mbeca milioni îmwe.

Mathaayo 18:24 ပူးပေါင်းရင်းမြစ်များ

Kîam 44:10

Nake nîwamerire atîrî, “Îî, nînetîkia ûguo mwauga, nwatî ûcio wocete gîkombe nîke tu ûgûtuîka ngombo yakwa, nao acio engî mathiî.”

1Maû 29:7

Nîmaarutire indo cia gûtuma hekarû makîria ma tani îgana rîa mîrongo mûgwanja (170) cia thaavu, tani magana mathatû ma mîrongo îna (340) cia sîlûva, na tani magana matandatû ma mîrongo îîrî (620) cia gîcango, na makîria ma tani ngiri ithatû na magana mana (3,400) cia cuuma.

Ezira 9:6

Na ngîvoya ngiugaga atîrî, “Ngai wakwa, nîregua ngîconoka mûno ngîûkîrîria ûthiû wakwa mbere yaku. Mevia metû maûmbanîrîrîte na îgûrû makavîtûka ciongo cietû, nîmathiîte magakinya îgûrû.

Thaburi 38:4

Mevia makwa nî meengî mûno, manditûvîrîte ta mûrigo na ndingîvota kûmakuua.

Thaburi 40:12

Nthiûrûrûkîrîtue nî mathîna meengî mûno matangîtarîka! Mevia makwa mangunîkîte nginya ngaremwa nî kwona; mengîvîte gûkîra njuîrî cia kîongo gîakwa, nanie nîrî mûthiru vinya.

Mathaayo 18:23

Nîûndû ûthamaki wa îgûrû wîkariî ta mûthamaki ûmwe wendire kûmenya ûvoro wa indo ciake irîa ciarî na ndungata ciake.

Mathaayo 18:25

Na ndungata îo ndîngîavotire kûrîva mûnene wayo mbeca icio. Kwoguo mûthamaki nîwathanire yendue îgatuîke ngombo, wa vamwe na mûka na ciana, na indo cionthe irîa aarî nacio nîguo thirî ûcio ûrîvîke.

Mathaayo 25:15

Nîwaigaîre wa ndungata kûringana na ûvoti wayo. Nîwagaîre ndungata îmwe mbeca ngiri ithano, îngî ngiri igîrî, na îo îngî nîyagaîrwe ngiri îmwe. Mûndû ûcio nîwacokire akîthiî rûgendo.

Mathaayo 25:16

Ndungata îrîa yaverwe mbeca cia sîlûva ngiri ithano, nîyathiîre wa rîmwe, na îgîcionjorithia, na îkîona ngiri ciîngî ithano.

Mathaayo 25:20

Nayo ndungata îrîa yanengeretwe mbeca ngiri ithano nîyathiîre na îkiuga atîrî, ‘Mwathi wakwa, wanengere mbeca ngiri ithano, na rîu nîmonjorithîtie mbeca ciîngî ngiri ithano.’

Mathaayo 25:22

“Nayo ndungata îrîa yanengeretwe mbeca ngiri igîrî nîyathiîre kûrî mwathi wayo na îkiuga atîrî, ‘Mwathi wakwa, wanengere mbeca ngiri igîrî, na rîu nîmonjorithîtie mbeca ciîngî ngiri igîrî.’

Mathaayo 25:24

“Nayo ndungata îrîa yanengeretwe mbeca ngiri îmwe nîyathiîre kûrî mwathi wayo na îkiuga atîrî, ‘Mwathi wakwa, nie nîmbîcî atî we wî mûndû mûcûku mûno; we ûkethaga kûrîa ûtavandîte, na ûgacokanîrîria kûrîa ûtaminjîte.

Luka 13:4

Î nao andû arîa îkûmi na anana maakwire vîndî îrîa maagwîrîrwe nî nyomba îrîa yarî ndaca mûno îtûûrarî rîa Siloamu; nîkwa mwîciragia ûguo kwonanirie atî maarî evia gûkîra andû arîa engî onthe maatûûraga îtûûrarî rîa Jerusalemu?

Luka 16:5

“Kwoguo mûmenyereri ûcio wa indo nîwetire wa mûndû warî na thirî ya gîtonga gîake. Nake nîwaûririe mûndû wa mbere atîrî, ‘We-rî, wîna thirî wîgana atîa wa gîtonga gîakwa?’

Luka 16:7

Mûmenyereri ûcio wa indo nîwacokire agîta mûndû wîngî warî na thirî ya gîtonga gîake na akîmûria atîrî, ‘Nawe-î, ûrî na thirî wîgana atîa wa gîtonga gîakwa?’ Nake mûndû ûcio nîwamûcokerie atîrî, ‘Nie nîrî na thirî wa ngano ngunia ngiri îmwe.’ Nake mûmenyereri ûcio wa indo nîwamwîrire atîrî, ‘Ke maarûa îno ya thirî waku na wandîke atî ûrî na thirî wa ngano ngunia magana manana.’