Mathaayo 18:14 - ÎVUKU RÎA ÛVORO MWARO

¹⁴ Na njîra wata îo, îthe wenyu ûrîa wî îgûrû ndendaga kamwe ga twana tûtû tûnini tûûra.

Mathaayo 18:14 ပူးပေါင်းရင်းမြစ်များ

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Mathaayo 18:13

Nîramwîra na ma atî mûndû ûcio ona ng'ondu îo îraûrîte, nîakenaga mûno gûkîra ûrîa akenagua nî ng'ondu mîrongo kenda na kenda irîa itararî mbûru.

Mathaayo 18:15

“Ethîrwa Mûrwanyûkwe nwa akûvîtîrie, thiî ûmwîre mavîtia make mûrî aîrî tu. Ke angîkûthikîrîria, nîmwacokanîrîra.

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

Mathaayo 6:32

(Maûndû mama monthe nîmo andû arîa matetîkîtie Ngai macaragia.) Îthe wenyu ûrîa wî îgûrû nîwîcî atî nîmûvatarîte maûndû mama monthe.

Mathaayo 6:9

Kwoguo voyagani atîrî: ‘Vava wetû ûrî îgûrû, rîîtwa rîaku rîtheru rîrokumua.

Luka 12:32

“Tigani gwîtigîra mue ndîthia îno nini nîûndû Ngai îthe wenyu nîwonete kûrî kwagîrîru amûve ûthamaki.

Johana 17:12

Rîrîa naarî vamwe nao, nînaamamenyererete na vinya wa rîîtwa rîaku rîrîa wamvere. Nînaamagitîre na gûtirî mûndû wana ûmwe gatagatîrî kao waûrire tiga ûrîa warî wa kûûra nîguo mandîko matheru mavingue.

Johana 21:15

Marîkia gûtua mwathi Jesû nîwaûririe Simoni Petero atîrî, “Simoni Mûrû wa Johana nîûmendete gûkîra aya engî?” Nake Simoni nîwamûcokerie atîrî, “Îî Mwathani, we nîwîcî atî nîngwendete.” Nake Jesû nîwamwîrire atîrî, “Rîthagia ng'ondu ciakwa.”

2Tim 2:10

Kwoguo nyûmagîrîria maûndû monthe nîûndû wa andû arîa athuure nî Ngai, nîguo atî wanao mavonokue nî Jesû Kristû na magîe na riiri wa tene na tene.

Ahib 12:13

Thiîrîrani njîrarî nûngarû nîguo kûgûrû kûrîa kwonju gûtikagonyoke, vandû va ûguo kûvonue.

2Pet 3:9

Mwathani ndavingagia ciîranîro ciake arî na ûtururu ta ûrîa andû amwe meciragia. Vandû va ûguo nîamûkiragîrîria nîûndû gûtirî mûndû wana ûmwe endaga akaaûra, nwatî endaga andû onthe merire mevia mao.