Mathaayo 17:20 - ÎVUKU RÎA ÛVORO MWARO

²⁰ Nake Jesû nîwamacokerie atîrî, “Nîûndû mûrî na wîtîkio mûnini. Nîramwîra na ma atî mwethîrwa mûrî na wîtîkio wîgana ta vîndî ya mûtî wa karatarî, nwa mwîre kîrîma gîkî atîrî, ‘Uma ava na ûthiî vaarîa,’ na nwa kîthiî; na gûtirî ûndû ûkaamûrema. [

Mathaayo 17:20 ပူးပေါင်းရင်းမြစ်များ

Mathaayo 13:31

Jesû nîwamavere ngerekano îngî na akîmeera atîrî, “Ûthamaki wa îgûrû wîkariî ta mvîndî ya mûtî wa karatarî îrîa mûndû oocire na akîmîvanda mûgûndarî wake.

Mathaayo 14:29

Nake Jesû nîwamwîrire atîrî, “Ûka.” Kwoguo Petero nîwaumire îtarûrî, na akîambîrîria kûthiîra manjîrî îgûrû erekerete kûrî Jesû.

Mathaayo 17:17

Nake Jesû nîwacokirie atîrî, “Na kaî mue andû a rûciaro rûrû mûtiîtîkîtie na mûrî acûku-î! Nîmbîkarania namue nginya rî? Nî mûkirîrîria nginya rî? Ndetereni kamwana kau ava!”

Mathaayo 17:19

Nao arutwa nîmaacokire makîthiî kûrî Jesû marî onga na makîmûûria atîrî, “Tûremirwe nî kûrutûrûra ndaimono îo nîkî?”

Mathaayo 17:9

Rîrîa maanyûrûrûkîte maumîte kîrîmarî, Jesû nîwamakaanirie akîmeera atîrî, “Mûtikere mûndû wana ûrîkû kîoneki kîu mwona nginya rîrîa Mûrû wa Mûndû akaariûkua.”

Mathaayo 21:21

Nake Jesû nîwamacokerie atîrî, “Nie nîramwîra nama atî mûngîtîkia mûtarî na nganja, mue nwa mûvote gwîka ûrîa nie neka mûkûyû ûyû. Na twa ûguo wonga, nwatî nwa mûvote wana kwîra kîrîma gîkî atîrî, ‘Îîkûûre na wîikie îriarî, na gîgeikia.’

Mathaayo 8:26

Nake Jesû nîwamaûririe atîrî, “Mue mûretigîra nîkî? Na kaî mue mûrî na wîtîkio mûnini-î!” Nake Jesû nîwacokire akîrûngama na akîatha rûkûngi na îria ivoorere. Nacio nîciavorere mûno.

Maariko 11:22

Nake Jesû nîwamacokerie atîrî, “Îtîkiani Ngai.

Maariko 11:23

Nîramwîra na ma atî, mûndû wa wonthe nwa eere kîrîma gîkî, ‘Îkûûre na wîikie îriarî.’ Ke nwa avingîrue ûndû ûyû angîthîrwa ndarî na nganja ngororî yake, nwatî nîetîkîtie atî ûndû ûcio auga nîûgûtuîkîka.

Maariko 4:31

Ûthamaki wa Ngai wîkariî ta mvîndî ya mûtî wa karatarî, îrîa îthagîrwa îrî yo nini mûno gûkû nthî. Mûrîmi amîocaga na akamîvanda mûgûndarî.

Maariko 9:23

Nake Jesû nîwerire îthe wa kamwana kau atîrî, “Atî angîthîrwa nwa mvote! Mûndû ûrîa wîtîkîtie nwa avote gwîka ûndû wa wonthe.”

Luka 1:37

nîûndû gûtirî ûndû Ngai atangîvota gwîka.”

Luka 17:6

Nake Mwathani nîwamacokerie atîrî, “Angîthîrwa mûrî na wîtîkio wîgana ta mvîndî ya mûtî wa karatarî, nwa mwîre mûkûyû ûyû atîrî, ‘Îîkûûre na wîvande îriarî!’ Naguo nwa ûmwathîkîre.

Luka 18:27

Nake Jesû nîwamacokerie atîrî, “Maûndû marîa andû matangîvota gwîka, Ngai nwa avote kûmeka.”

Johana 11:40

Jesû nîwamwîrire atîrî, “Na kinthî ndikwîrire wetîkia nîûkwona riiri wa Ngai?”

1Akor 12:9

Roho wa ûcio nîavecaga mûndû ûmwe wîtîkio, na kûrî mûndû wîngî Roho wa ûcio nîavecanaga ûvoti wa kûvonia.

1Akor 13:2

Nwa mbîthîrwe nîmvotaga kûvunjia ndûmîrîri ya Ngai, na nwa mbîthîrwe nîmenyaga maûndû monthe na ngataûkîrwa nî maûndû monthe marîa marî nthithorî. Wana nwa mbîthîrwe nîrî na wîtîkio mûnene ta ûrîa ûngîvota kûthamia irîma. Nwatî ethîrwa ndirî na wendani, ndirî na vata wana vanini.

Ahib 3:19

Kwoguo nîtûrona atî matiavota gûtonya vûrûri ûcio nîûndû matietîkia.