Mathaayo 16:27 - ÎVUKU RÎA ÛVORO MWARO

²⁷ Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Mathaayo 16:27 ပူးပေါင်းရင်းမြစ်များ

Ayubu 34:11

Ngai arîvaga mûndû kûringana na wîra wake, ekaga mûndû kûringana na mîtugo yake.

Thaburi 62:12

na atî wendo wake ndûthiraga, na arîvaga mûndû kûringana na ciîko ciake.

Nthi 24:12

Ethîrwa nwa uge atîrî, “Nie ndiîcî ûvoro ûyû,” Ngai-Mûnene ûrîa ûmenyaga ngoro cia andû nîonaga, nîakaarîva mûndû kûringana na wîra wake.

Mûvunjia 3:17

Nînaîrire na ngoro atîrî, “Ngai agaatuîra andû arîa athingu wana arîa aganu nîûndû nîavangîte mavinda ma ûndû wa wonthe na wîra wonthe.”

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Jeremia 32:19

We nîûvangaga maûndû na ûûgî na ûgeka maûndû ma vinya. Nîwonaga mîthiîre ya andû onthe na ûvecaga mûndû kûringana na wîra wake.

Ezek 18:20

Roho ûrîa ûvîtagia nîguo ûgaakua. Mwana ndakaaverithua nîûndû wa mavîtia ma îthe na îthe ndakaaverithua nîûndû wa mavîtia ma mwana. Mûndû ûrîa mûthingu nîûgaacokererwa nî ûthingu wake ke mwene, na mûndû ûrîa mwaganu nî agacokererwa nî waganu wake ke mwene.

Ezek 7:27

Mûthamaki nîagaacakayaga, na mûtongoria athirwe nî kîîrîgîrîro. Andû a vûrûri nîmagaatetemaga nî guoya. Nie nanie ngaamekaga maûndû kûringana na mîthiîre yao na nîngaamatuîra ciira wata ûrîa magîrîrwe nî gûtuîrwa, na nîmakaamenya atî nînie Ngai-Mûnene.”

Danieli 7:10

Mwaki waumaga gîtîrî kîu ta rûnjî. Andû ngiri makûmi meengî nîmaarûngamire mbere yake, îgooti nîrîambîrîrie, na mavuku makîguûrua.

Zakaria 14:5

Nîmûkaaûra mûvîtûkîrîrîte Kîamndarî kîu kîgaanîtie kîrîma kîu kîrî gatagatî ka irîma igîrî cia Ngai-Mûnene. Mûkaûra wata ûrîa methe menyu ma tene maûrire rîrîa kwagîîre kîthingithia vîndî ya mûthamaki Uzia. Ngai-Mûnene Ngai wakwa nîagûka na araika onthe.

Mathaayo 13:41

Mûrû wa Mûndû nîagaatûma araika ake makaûnganie andû onthe arîa matûmaga andû mevie na arîa aganu nîguo maume ûthamakirî wake.

Mathaayo 13:49

Ûguo nwaguo gûkeethîrwa gwîkariî mûthenya wa îthirîro rîa nthî. Araika nîmagaaûka kûthuurûkania andû arîa acûku nîguo maume gatagatîrî ka arîa athingu.

Mathaayo 24:30

Nakîo kîmenyithia gîa gûka kwa Mûrû wa Mûndû nîgîkeyumîria matuurî. Nao andû onthe a nthî nîmakaarîra moona Mûrû wa Mûndû agîûka arî ndaarî ya matu ma îgûrû, arî na vinya na riiri mwîngî.

Mathaayo 25:31

“Vîndî îrîa Mûrû wa Mûndû agaacoka arî Mûthamaki, na arî na araika ake onthe, nîagekarîra gîtî gîake Kîam ûthamaki.

Mathaayo 26:64

Nake Jesû nîwamwîrire atîrî, “We nîwauga guo. Nwatî nîramwîra atîrî muonthe; kuuma rîu nîmûkwona Mûrû wa Mûndû ûrîa wîkaraga mwena wa ûrîo wa Ngai Mwene Vinya na mwone agîûka arî matuurî ma îgûrû!”

Mathaayo 8:20

Nake Jesû nîwamûcokerie atîrî, “Mbwe irî na marima, na iconi irî na ciomba, nwatî Mûrû wa Mûndû ndarî na vandû angîvuurûka.”

Maariko 14:62

Nake Jesû nîwamacokerie atîrî, “Îni, nînie ke. Na nîmûkoona Mûrû wa Mûndû ekarîte mwena wa ûrîo wa Ngai mwene vinya wonthe na agîûka arî matuurî ma îgûrû.”

Maariko 8:38

Mûndû wa wonthe ûnjonokagîra, na agaconokera ciugo ciakwa, rûciarorî rûrû rûtetîkîtie na rwîvia, Mûrû wa Mûndû wa nake nîakaamûconokera rîrîa agaaûka na riiri wa îthe marî na araika arîa atheru.”

Luka 21:27

Nake Mûrû wa Mûndû nîagaacoka onekane agîûka arî îtuurî na arî na vinya na riiri.

Luka 22:69

Nwatî kuuma rîu Mûrû wa Mûndû akethagîrwa ekarîte mwenarî wa ûrîo wa Ngai mwene vinya wonthe.”

Luka 9:26

Mûndû wa wonthe ûconokaga nîûndû wakwa na nîûndû wa ndûmîrîri yakwa, ûcio nî agaaconokerwa nî Mûrû wa Mûndû rîrîa ke agaaûka na riiri wake, wa vamwe na riiri wa îthe na wa araika atheru.

Johana 21:22

Jesû nîwamûcokerie atîrî, “Wana ngenda ekare nginya rîrîa ngaaûka-î, îo nî thîna yaku? We ta nûmîrîra!”

Johana 21:23

Kwoguo ndeto nîciatambire gatagatîrî ka arûmîrîri a Jesû atî mûrutwa ûyû ndagaakua. Nwatî Jesû ndaaugîte atî mûrutwa ûyû ndagaakua, aaugîte atîrî, “Wana ngenda ekare nginya rîrîa ngaaûka rî, îo nî thîna yaku?”

Ciîko 1:11

Nao arûme acio nîmaamerire atîrî, “Mue andû a Galili, mûrûngamîte mûroretie îgûrû nîkî? Jesû ûcio wauma kûrî mue avirwa îgûrû nîagaacoka rîngî wata ûguo mwona akîthiî îgûrû.”

Aroma 14:12

Kwoguo wa mûndû nîakoonania kûrî Ngai maûndû monthe marîa aaneka.

Aroma 2:6

Nîûndû Ngai nîakaarîva wa mûndû kûringana na ciîko ciake.

1Akor 15:23

Wa mûndû nîakaariûkua kavinda gake gakinya. Kristû nîke warî wa mbere kûriûkua. Na rîrîa Kristû agaaûka, arîa mamwîtîkîtie nîmakaariûkua.

1Akor 3:13

Na wîra wa mûndû wa mûndû nîûkoonekana vîndî îrîa ûkaaguûrua mûthenya wa Kristû. Wîra wa mûndû nîûkaamenyekana nîûndû nîûkaagerua na mwaki nîguo kûmenyekane waro ûrîa wîra ûcio wîkariî.

1Akor 8:8

Irio tî cio ingîtûma twîtîkîrwe nî Ngai. Kûrîa gûtingîtûma tûrwe nî kîndû wana kîrîkû, na tî kuo kûngîtûma tûgîe na umithio wana ûrîkû.

2Akor 5:10

Nîûndû tuonthe nwanginya tûkaarûgama mbere ya Kristû tûtuîrwe nîke. Wa mûndû nîakaagwata kîrîa kîmwagîrîrîte, kîrî Kîamro kana kîrî gîcûku kûringana na wîra ûrîa mûndû arutîte arî na mwîrî.

Aefeso 6:8

Mûndû wa wonthe wana ethîrwa nî ngombo kana tî ngombo, nîamenyage atî Mwathani nîakaava wa mûndû kîveo nîûndû wa wîra mwaro ûrîa wa mûndû ekaga.

Akol 3:25

Na mûndû wa wonthe wîkaga naaî akaagaîrwa kûringana na naaî îrîa ekaga, nîûndû Ngai atucagîra andû onthe ciira atarî na kîmenyano.

1Ath 1:10

Namue nîmwetererete Mûriû wake Jesû ûrîa ûgaaûka aumîte îgûrû na nîke wariûkirue. Ke nîke ûtûvonokagia kuuma kûrî marakara ma Ngai marîa magûka.

1Ath 4:16

Nîûndû Mwathani nîakaanyûrûka kuuma îgûrû Kîamthanaga augîrîrîtie na mûgambo wa mûraika ûrîa mûnene na karumbeta ka Ngai. Vîndî îo, arîa makeethîrwa maakuire metîkîtie Kristû nîo makamba kûriûka.

Jakuvu 5:7

Kwoguo ariû na aarî a îthe wetû, kiragîrîriani nginya rîrîa Mwathani agaacoka. Taroriani ûrîa mûrîmi akiragîrîria etererete mûgûnda wake ûgîe na maciaro ma vata. Ke nîakiragîrîria maurîrwe nî mbura ya mbere na ya mûthiia.

1Pet 1:17

Rîrîa mûravoya Ngai nîmûmwîtaga Vava. Nake atucaga cira ya wa mûndû wa mûndû atarî na kîmenyano. Atucaga cira kûringana na ûrîa wa mûndû wa mûndû ekîte. Kwoguo rîrîa mûrî gûkû nthî tûûragani mûrî na gîtîîo kûrî Ngai.

1Joh 2:28

Na rîu twana twakwa, îkarani ndaarî yake nîguo vîndî îrîa agaaûka, tûkethîrwa tûrî na ûmîrîru, nîguo tûtikegue nthoni tûrî mbere yake mûthenya ûrîa agaaûka.

Juda 1:14

Enoku ûrîa warî wa rûciaro rwa mûgwanja kuuma kûrî Adamu nîwarathire ûvoro ûmegiî akiuga atîrî: “Mwathani nîagaaûka arî na ngiri nyîngî cia araika ake atheru,

Kûguû 1:7

Taroria, ke nî aûkîte arî matuurî! Andû onthe nîmakaamwona, wana arîa maamûmundire. Andû onthe a nthî nîmakaarîra maugîrîrîtie nîûndû wake. Ûguo nîguo gûgaatuîka. Ameni!

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.

Kûguû 20:12

Na nînoonire andû arîa maakuîte, anene na anini, marûngamîte mbere ya gîtî Kîam ûthamaki. Namo mavuku nîmaavingûrirwe. Na îvuku rîngî narîo nîrîavingûrirwe na nî îvuku rîa mwoyo. Andû arîa maakuîte nîmaatuîrîrwe kûringana na ûrîa mekîîte, wata ûrîa kwandîkîtwe mavukurî mau.