Mathaayo 16:25 - ÎVUKU RÎA ÛVORO MWARO

²⁵ Nîûndû mûndû ûrîa wendaga kûvonokia mwoyo wake nîakaaûrwa nîguo. Nwatî mûndû ûrîa ûragwa nî mwoyo wake nîûndû wakwa nîakaawona.

Mathaayo 16:25 ပူးပေါင်းရင်းမြစ်များ

Esita 4:14

Nîûndû ûngîkira îvinda ta rîrî, Ayahudi nîmakaagîa ûtethio kuuma vandû vengî, nwatî we vamwe na andû onthe a mûciî wa aguo nîmûkaaûragwa. Nû wicî atî twa kwîthîrwa we watuîkire mûka wa mûthamaki nîûndû wa îvinda ta rîrî?”

Esita 4:16

“Thiî ûnganie Ayahudi onthe arîa marî kûu Susa, mwînyerekie na mûvoe. Mûtikarîe kana mûnyua kîndû îvinda rîa mîthenya îthatû, ûtukû na mûthenya. Nie vamwe na ndungata ciakwa tûkethîrwa tûkînyerekia wata mue. Nîngaacoka nthiî kûrî mûthamaki wana ethîrwa tîguo watho wîtîkîrîtie. Ethîrwa nî kûragwa nîngaaûragwa.”

Mûvunjia 3:6

Kavinda ga gûcaria na kavinda ga gûta, kavinda ga gûcokanîrîria indo na kavinda ga gûta.

Mathaayo 10:39

Mûndû ûrîa ûgeragia kûvonokia mwoyo wake nîagaaûta, nwatî mûndû ûrîa ûtecaga mwoyo wake nîûndû wakwa, nîakaaûvonokia.

Mathaayo 16:26

Kûrî umithio ûrîkû wa mûndû kûgîa na ûtonga wa nthî yonthe nwatî acoke aûrwe nî mwoyo wake? Gûtirî kîndû wana kîmwe mûndû angîkûûranania mwoyo wake nakîo.

Maariko 8:35

Nîûndû mûndû wa wonthe wendaga kûvonokia mwoyo wake nîakaaûrwa nîguo, nwatî mûndû wa wonthe ûragwa nî mwoyo wake nîûndû wakwa, na nîûndû wa ndûmîrîri yakwa, nîakaaûvonokia.

Luka 17:33

Mûndû wa wonthe ûgeragia kûvonokia mwoyo wake nîagaaûta, nake ûrîa ûtecaga mwoyo wake nîakaaûvonokia.

Johana 12:25

Mûndû wa wonthe wendete mwoyo wake nîakaaûrwa nîguo, nwatî mûndû wa wonthe ûmenete mwoyo wake arî gûkû nthî nîagaûtûûria tene na tene.

Kûguû 12:11

Ariû na aarî a îthe wetû nî maavootire Ngoma na nthakame ya Gatûrûme na njîra ya ndûmîrîri îrîa maavunjirie. O matietigagîra gûkua, nîmeevarîrîtie kûvecana mîoyo yao.