Mathaayo 16:18 - ÎVUKU RÎA ÛVORO MWARO

¹⁸ Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio.

Mathaayo 16:18 ပူးပေါင်းရင်းမြစ်များ

Kîam 22:17

Nama nîngaakûrathima na njiarwa nyîngî ta njata cia îgûrû kana ta mûthanga ûrîa ûrî rûtererî rwa îria. Njiarwa ciaku nîikaavoota nthû ciao.

2Sam 18:4

Nake mûthamaki nîwacokirie atîrî, “Nîmbîka ûrîa mûrona kwagîrîrîte.” Kwoguo mûthamaki nîwarûngamire vakuvî na kîvingo, nao andû ake makîthiî marî ikundi cia andû ngiri na cia andû îgana.

Ayubu 38:17

Wanonua mûromo wa gîkuû, kana wona mîromo ya kwa arîa akuû?

Thaburi 107:18

nîmaatimbirwe nî irio cia mûthemba wa wonthe, na maarî vakuvî gûkua.

Thaburi 127:5

Gûkena nî mûndû ûrîa wîcûrîtie thiaka yake mîguî. Ke ndagaaconoka agîcira na nthû ciake arî karengerere.

Thaburi 129:2

“Nthû ciakwa itwîre inyamaragia kuuma nîrî mwîthî, kûnarî ûguo itianamvoota.

Thaburi 69:12

Andû mangutaga marî njîrarî, nayo mîrîu îtungaga nyîmbo cia kûûmina.

Thaburi 9:13

Mbîguîra ntha, we Ngai-Mûnene! Taroria ûrîa nîrathînua nî nthû ciakwa! Mvonokia ndigakue, we Ngai-Mûnene,

Nthi 24:7

Mûndû mûritu ndataûkagîrwa nî ûûgî, ekaraga akirîte rîrîa maûndû ma vata makwarua.

Isaia 28:16

Kwoguo Ngai-Mûnene mwene vinya wonthe arauga atîrî, “Taroria, nîngwiga îthiga rîa mûcingi Zayuni, îthiga rîrî na vinya, îthiga rîa mûcingi rîa goro, rîa mûcingi wîna vinya na rîa goro: ‘Mûndû ûrîa wîtîkîtie ndakeenyenyeka.’

Isaia 28:6

Nîagaatongoria atucanîri ciira nîguo marûmagîrîre kîvooto marî magootirî, na nîakaava arangîri a îtûûra vinya.

Isaia 38:10

Nînaugire atîrî, “Nwanginya ngue vîndî ya wîthî wakwa, Mvangîrîtwe kûthiî kwa arîa akuû mîaka îo îngî ya ûtûûro wakwa.

Isaia 54:17

Gûtirî indo cia mbaara irîa irûthîtwe cia gûgûcûkangia ikaavota gwîka guo. Mûndû ûrîa ûgaakûthitanga îgootirî nîûkaamûvoota. Rîîrî nîrîo îgai rîa ndungata cia Ngai-Mûnene, na rîu nîrîo îtua rîakwa kûrî o.” Nie Ngai-Mûnene nînie nauga ûguo.

Jona 2:6

Nînaanyûrûrûkire nginya nthî ya irîma, nathiîre nginya vûrûrirî ûrîa naavingîrwe nî ivingo ciaguo tene na tene. Nwatî we, Ngai-Mûnene, Ngai wakwa, nîwandutire îrimarî rîu nîrî mwoyo.

Mathaayo 10:2

Namo mama nîmo marîîtwa ma atûmwa acio îkûmi na aîrî: Simoni (ûrîa wîtagwa Petero), na mûrwang'ina Enderea, na ariû a Zebedii, Jakuvu na mûrwang'ina Johana;

Mathaayo 11:23

Namue andû a Kaperinaumu, nîkwa mwendaga kwînenevia nginya mûkinye îgûrû? Mue nî mûgaaikua îcuarî. Nîûndû ciama irîa mwaringîrwe ingîaringîtwe Sodomu andû a kuo nî mangîtwîre vo nginya ûmûnthî!

Mathaayo 18:17

Ethîrwa mûrwanyûkwe tîamathikîrîria, îra kanitha ûvoro ûcio; na angîrega kûthikîrîria kanitha, mûtue ta mûndû ûtetîkîtie kana ta mwîtia mbeca cia gooti.

Mathaayo 4:18

Na rîrîa Jesû aavîtûkîrîrîte rûtererî rwa îria rîa Galili, nîwonire ariû aîrî a ng'ina ûmwe magîtega nthamaki îriarî na neti, nîûndû ûcio nîguo warî wîra wao. Nao maarî, Simoni (ûrîa wîtagwa Petero) na mûrwang'ina Enderea.

Mathaayo 7:24

“Kwoguo mûndû wa wonthe ûrîa wîgucaga ciugo ino ciakwa na agaciathîkîra ekariî ta mûndû mûûgî ûrîa watumire nyomba yake rûciararî.

Johana 1:42

Enderea nîwacokire akîvira Simoni kûrî Jesû. Nake Jesû nîwamûroririe na akîmwîra atîrî, “We nîwe Simoni, mûvîcî wa Johana nwatî kuuma rîu ûgeetagwa Kefa.” (Rîîtwa rîîrî na Kîngiriki nî Petero, na nî ûndû ûmwe na kuga “Îthiga.”)

Ciîko 2:47

Nîmaakumagia Ngai na nîmeendetwe nî andû onthe. Na wa mûthenya wa mûthenya Mwathani nîwongagîrîra gîkundirî Kîam etîkia andû arîa ke aavonokagia.

Ciîko 20:28

Kwoguo îîmenyagîrîreni na mûmenyagîrîreni ndîthia îrîa Roho Mûtheru amûtuîte amenyereri a yo. Îthagîrwani mûrî arîthi a kanitha wa Ngai, ûrîa ke aatwire wake na njîra ya gîkuû Kîam Mûriû wake.

Ciîko 8:1

Saûlo nîwetîkîre atî kûûragwa kwa Stefano nîkwagîrîrîte. Mûthenya wa ûcio kanitha nîyambîrîrie kûnyarirwa mûno kûu Jerusalemu. Nao etîkia onthe, tiga atûmwa, nîmaanyagarûkire mavûrûrirî ma Judea na Samaria kuonthe.

1Akor 15:55

“We Gîkuû, ûvootani waku ûrî kû? We Gîkuû, rûvora rwaku rûrî kû?”

Agal 2:9

Nao Jakuvu, Petero na Johana, arîa moonekaga marî atongoria nîmaamenyire waro viû atî Ngai nîwamveete wîra ûyû wa mwanya. Kwoguo nîmaakethirie Baranaba na makîngethia. Ngethi ciao ciarî ta kîonereria gîa atî tuonthe tûrutaga wîra ûmwe. Nîtwetîkanirie atî Baranaba nanie tûrute wîra gatagatîrî ka andû a Ndûrîrî, nao marute wîra gatagatîrî ka Ayahudi.

Aefeso 3:10

Na nîguo rîu na njîra ya kanitha athani na maavinya ma îgûrû mamenyithue ûrîa Ngai arî mûûgî maûndûrî monthe.

Aefeso 5:32

Gîcunjîrî gîkî Kîam mandîko matheru varî na nthitho ya vata mûno, na nîrona atî ciugo ino iraria ûvoro wîgiî Kristû na kanitha.

Akol 1:18

Ke nîke kîongo gîa kanitha îrîa arî yo mwîrî wake. Nîke ûtûmaga mwîrî ûgîe na mwoyo. Nîke Mûriû wa mbere kûriûkua nîguo atuîke wa mbere maûndûrî monthe.

1Tim 3:15

Nwatî ethîrwa nwa njererwe, maarûa mama magaakûmenyithia ûrîa mûndû agîrîrwe nî gwîkara arî kûrî andû a Ngai na nîo kanitha wa Ngai ûrîa ûtûûraga mwoyo na nîguo wîthagîrwa ûrî mûcingi na gîtugî Kîam ûvoro wa ma.

1Tim 3:5

Nîûndû ethîrwa mûndû ndaicî kûmenyerera mûciî wake, angîvota atîa kûmenyerera kanitha wa Ngai?

Ahib 12:28

Kwoguo nîtwagîrîrwe nî gûcokia ngatho, nîûndû nîtwamûkagîra ûthamaki ûrîa ûtanginainua. Nîtûcokie ngatho na tûgooce Ngai na njîra îrîa îngîmûkenia tûrî na gîtîîo na kûmwîtigîra,

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 21:14

Rûthingo rwa îtûûra rîu înene rîa Jerusalemu rwatumîtwe îgûrû rîa mathiga îkûmi na maîrî ma mûcingi. Namo marîîtwa ma atûmwa îkûmi na aîrî a Gatûrûme nîmandîkîtwe mathigarî mau, wa rîîtwa îthigarî rîarîo.