Mathaayo 16:13 - ÎVUKU RÎA ÛVORO MWARO

¹³ Rîrîa Jesû na arutwa ake maakinyire vakuvî na îtûûra rîa Kaisarea Filipi, nîwaûririe arutwa ake atîrî, “Andû maugaga Mûrû wa Mûndû nû?”

Mathaayo 16:13 ပူးပေါင်းရင်းမြစ်များ

Danieli 7:13

“Ûtukû vîndî îrîa naarî na kîoneki kîu, nînoonire mûndû wekariî ta mûriû wa mûndû aûkîte arî matuurî îgûrû, na akîthiî kûrî ûrîa wîthîrîtwe atûûrîte tene na tene, na akîviravirwa vakuvî nake.

Mathaayo 12:32

Mûndû wa wonthe ûrumaga Mûrû wa Mûndû nîakooverwa, nwatî mûndû wa wonthe ûrumaga Roho Mûtheru ndakooverwa îvindarî rîîrî kana rîrîa rîgaaûka.

Mathaayo 12:40

Wata ûrîa Jona eekarire ndarî ya nthamaki nene mîthenya îthatû, nwa ta guo Mûrû wa Mûndû ageekara na gûkû nthî kûrîa kûriku mûno mîthenya îthatû.

Mathaayo 12:8

Kwoguo Mûrû wa Mûndû nî Mwathani wa mûthenya wa thavatû.”

Mathaayo 13:37

Nake Jesû nîwamacokerie atîrî, “Mûndû ûrîa wavandire mbeû mbaro nî Mûrû wa Mûndû.

Mathaayo 13:41

Mûrû wa Mûndû nîagaatûma araika ake makaûnganie andû onthe arîa matûmaga andû mevie na arîa aganu nîguo maume ûthamakirî wake.

Mathaayo 15:21

Jesû nîwaumire akîthiî gîcunjîrî kîrîa Kîamrî vakuvî na matûûra ma Turo na Sidoni.

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Mathaayo 16:28

Nîramwîra nama atî kûrî na andû amwe marûngamîte ava matagaakua mbere ya moona Mûrû wa Mûndû agîûka arî Mûthamaki.”

Mathaayo 25:31

“Vîndî îrîa Mûrû wa Mûndû agaacoka arî Mûthamaki, na arî na araika ake onthe, nîagekarîra gîtî gîake Kîam ûthamaki.

Mathaayo 8:20

Nake Jesû nîwamûcokerie atîrî, “Mbwe irî na marima, na iconi irî na ciomba, nwatî Mûrû wa Mûndû ndarî na vandû angîvuurûka.”

Mathaayo 9:6

Nie nîngûmwonia atî Mûrû wa Mûndû arî na wathani gûkû nthî wa kwovera andû mevia.” Jesû nîwacokire akîîra mûndû ûcio wonjete ciîga ciake cia mwîrî atîrî, “Ûkîra woce ûrîrî waku na ûthiî mûciî!”

Maariko 10:45

Nîûndû Mûrû wa Mûndû wa nake ndaaûka gûtungatîrwa, nwatî aaûkire gûtungata na kûvecana mwoyo wake ûtuîke wa gûkûûra andû engî kuuma meviarî.”

Maariko 8:38

Mûndû wa wonthe ûnjonokagîra, na agaconokera ciugo ciakwa, rûciarorî rûrû rûtetîkîtie na rwîvia, Mûrû wa Mûndû wa nake nîakaamûconokera rîrîa agaaûka na riiri wa îthe marî na araika arîa atheru.”

Johana 1:51

Jesû nîwacokire akîmeera atîrî, “Nîramwîra ûvoro wa ma atî: nîmûkoona îgûrû rîkîvingûka nao araika a Ngai makiunûkia na makînyûrûrûka îgûrû rîa Mûrû wa Mûndû.”

Johana 12:34

Nakîo kîrîndî nîgîacokirie atîrî, “Watho wetû ûtwîraga atî Mesaya agaatûûra tene na tene. Kûngîvoteka atîa ûtwîre atî Mûrû wa Mûndû nwa nginya ambatue? Mûrû wa Mûndû ûcio nû?”

Johana 3:14

“Wata ûrîa Musa aaûkîrîrie njoka ya gîcango arî werûrî ûguo nwa ta guo Mûrû wa Mûndû wa nake agaaûkîrîrua

Johana 5:27

Nake Vava nîavete Mûriû rûtha rwa gûtuîra andû ciira, nîûndû ke nî Mûrû wa Mûndû.

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Ciîko 7:56

Nake nîwaugire atîrî, “Ta roriani! Nie nînîrona îgûrû rîvingûkîte na Mûrû wa Mûndû arûngamîte mwena wa ûrîo wa Ngai!”