Mathaayo 15:33 - ÎVUKU RÎA ÛVORO MWARO

³³ Nao arutwa nîmaaûririe Jesû atîrî, “Nîva tûngîruta irio mbîganu gûkû werûrî ûyû, cia kûvaithia andû aya onthe?”

Mathaayo 15:33 ပူးပေါင်းရင်းမြစ်များ

Mathaayo 14:15

Kîvwaî kîu, arutwa a Jesû nîmaathiîre kûrî ke na makîmwîra atîrî, “Gûkû tûrî nî werûrî na nîgûtukire, rekereria andû mathiî na kûu icagirî nîguo makegûrîre kîndû mangîrîa.”

Mathaayo 15:32

Jesû nîwetire arutwa ake na akîmeera atîrî, “Nie nîreguîra andû aya ntha nîûndû mbîthîrîtwe nao mîthenya îthatû na rîu matirî na kîndû gîa kûrîa. Ndirenda kûmera menûke mavûtiî nîûndû mavota kûgirîkîra njîrarî.”

Mathaayo 15:34

Nake Jesû nîwamaûririe atîrî, “Mûrî na mîgate îgana?” Nao nîmaamûcokerie atîrî, “Tûrî na mîgate mûgwanja na tûthamaki tûtarî twîngî.”

Maariko 6:37

Nake Jesû nîwamacokerie atîrî, “Manengereni kîndû mangîrîa.” Nao nîmaamûririe atîrî, “Ûrenda tûthiî tûkagûre mîgate ya dinarii magana maîrî, nîguo tûmave marîe?”

Luka 9:13

Nwatî Jesû nîwerire arutwa ake atîrî, “Mue manengereni kîndû mangîrîa.” Nao arutwa nîmaamûcokerie atîrî, “Tue tûtirî na irio ciîngî tiga mîgate îtano na nthamaki igîrî, tiga nwanga tûthiîre kûgûra irio cia kûrîwa nî andû aya onthe.”