Mathaayo 15:32 - ÎVUKU RÎA ÛVORO MWARO

³² Jesû nîwetire arutwa ake na akîmeera atîrî, “Nie nîreguîra andû aya ntha nîûndû mbîthîrîtwe nao mîthenya îthatû na rîu matirî na kîndû gîa kûrîa. Ndirenda kûmera menûke mavûtiî nîûndû mavota kûgirîkîra njîrarî.”

Mathaayo 15:32 ပူးပေါင်းရင်းမြစ်များ

2Atha 4:42

Vîndî îo mûndûmûrûme ûmwe nîwaumire Baali Shalisha avirîrîte Elisha mîgate mîrongo îîrî îrugîtwe na mûtu wa maciaro ma cairi ya mbere mwaka ûcio, na igira cia ngano ikethetwe warîo. Indo icio ciarî nguniarî. Nake Elisha nîwerire ndungata yake înengere arathi marîe.

Mathaayo 12:40

Wata ûrîa Jona eekarire ndarî ya nthamaki nene mîthenya îthatû, nwa ta guo Mûrû wa Mûndû ageekara na gûkû nthî kûrîa kûriku mûno mîthenya îthatû.

Mathaayo 14:13

Rîrîa Jesû eegwire ûvoro wîgiî Johana, nîwatwîre gatarûrî akiuma kûu na akîthiî vandû vataarî na andû arî wenga. Nwatî rîrîa andû meegwire ûguo, nîmaaumire matûûrarî mao na makîmûrûmîrîra mathiîte na magûrû.

Mathaayo 15:33

Nao arutwa nîmaaûririe Jesû atîrî, “Nîva tûngîruta irio mbîganu gûkû werûrî ûyû, cia kûvaithia andû aya onthe?”

Mathaayo 20:34

Nake Jesû nîwamegwîrîre ntha na akîvutia metho mao, na wa rîmwe atumumu acio nîmaavotire kwona na makîmûrûmîrîra.

Mathaayo 27:63

“Mûnene, tue nîtûraririkana atî vîndî îrîa mûndû ûcio mûthani aatûûraga mwoyo nîwaugire atîrî, ‘Nîngaariûkua mûthenya wa kathatû.’

Mathaayo 9:36

Na rîrîa Jesû oonire kîrîndî nîwakîguîrîre ntha, nîûndû kîonekaga gîtangîkîte na kîthînîkîte ta ng'ondu itarî na mûrîthi.

Maariko 9:22

Mavinda meengî ngoma îo nîyageragia gûkaûraga na njîra ya gûgaikia mwakirî, na manjîrî. Nwatî angîthîrwa nwa ûvote, twîguîre ntha na ûtûtethie.”

Luka 7:13

Vîndî îrîa Mwathani oonire mûndûmûka ûcio, nîwamwîguîrîre ntha na akîmwîra atîrî, “Tiga kûrîra.”

Ciîko 27:33

Rîrîa kwageerie gûkîa, Paûlo nîwathaithire andû onthe akîmeera metîkîre kûrîa. Nake nîwamerire atîrî, “Ûmûnthî nî mûthenya wa îkûmi na kana na mwîkarîte mwetererete na mûtakûrîa kîndû.

Ahib 4:15

Mûthînjîri-Ngai mûnene ûcio wetû ndangîrega gûtwîguîra ntha nîûndû tûtirî vinya. Rîrîa atûûraga gûkû nthî nîwageragua na njîra wa cionthe irîa tûgeragua nacio, nwatî ke ndevia.