Mathaayo 15:31 - ÎVUKU RÎA ÛVORO MWARO

³¹ Nakîo kîrîndî kîu nîkîamakire rîrîa kîonire andû arîa mataaragia makîaria, cionje ciavonua, ithua ikîvota kûthiî, na atumumu makîona. Nao andû onthe nîmaakumirie Ngai wa Isiraeli.

Mathaayo 15:31 ပူးပေါင်းရင်းမြစ်များ

Kîam 32:28

Nake mûndû ûcio nîwerire Jakovu atîrî, “We ndûgeetwa Jakovu rîngî nîûndû nîwagiana na Ngai na andû na wavootana, we ûgeetagwa Isiraeli.”

Kîam 33:20

Jakovu nîwatumire metha ya kîgongoona na agîta vandû vau Eli.

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Thaburi 50:23

Mûndû ûrîa ûnjokagîria ngatho rîrî îgongoona nîandîîaga, nama, nîngaavonokia andû onthe arîa mambathîkagîra.”

Ntha 24:10

na nîmoonire Ngai wa Isiraeli. Varîa aakinyîte vekariî ta vaarûthîtwe na mathiga ma goro ma rangi wa vururu ta wa matu.

Mathaayo 15:30

Kîrîndî kîîngî mûno nîkîathiîre kûrî ke na gîkîmûvirîra andû arîa maarî ithua, cionje, atumumu, arîa mataaragia, na andû engî eengî arîa maarî arûaru. Nao nîmaigire andû acio magûrûrî ma Jesû nake akîmavonia.

Mathaayo 18:8

Ethîrwa njara yaku kana kûgûrû gwaku nwa gûtûme wîvie, gûtinie na ûgûte, nî kava ûtonye mwoyorî wa tene na tene wî kîonje kana wî kîthua gûkîra kwîthîrwa na njara ciîrî kana magûrû maîrî na wikue mwakirî wa tene na tene.

Mathaayo 21:14

Nao andû arîa maarî atumumu na cionje nîmaathiîre kûrî Jesû hekarûrî, na akîmavonia.

Mathaayo 8:10

Na rîrîa Jesû eegwire ûguo, nîwamakire na akîra andû arîa maamûrûmîrîrîte atîrî, “Nîramwîra na ma atî, nie ndianona mûndû wîna wîtîkio ta ûyû gûkû Isiraeli.

Mathaayo 9:32

Na rîrîa andû acio maathiîre, andû amwe nîmaavirîre Jesû mûndû warî na ndaimono na ûtaavotaga kwaria.

Mathaayo 9:33

Nwatî vîndî îrîa ndaimono îo yarutûrûrirwe, mûndû ûcio nîwavotire kwaria. Nao andû onthe nîmaamakire na makiuga atîrî, “Tue tûtianona ûndû ta ûyû gûkû Isiraeli.”

Mathaayo 9:8

Na rîrîa andû moonire ûrîa gwekîka, nîmeetigîrire na magîkumia Ngai nî ûndû wa kûva andû wathani ta ûcio.

Maariko 2:12

Nake mûndû ûcio nîwaûkîrire, agîoca kîvarî gîake na akiuma narua aroretue nî andû onthe. Nao andû onthe nîmaamakire na magîkumia Ngai makiugaga atîrî, “Kaî rûrû tûtirî twaruona-î!”

Maariko 7:37

Nao andû onthe arîa meeguire ûvoro ûcio, nîmaamakire mûno, makiugaga atîrî, “Na kaî mûndû ûyû nîwîkaga maûndû monthe waro-î! Ke wana nîatûmaga andû arîa mategucaga megue, na arîa mataragia marie.”

Maariko 9:43

Na angîthîrwa njara yaku nwa îtûme wîvie, mîtinie. Nîkava ûtonye mwoyorî wa tene na tene ûtarî na njara îmwe gûkîra wîthîrwe na njara cioîrî na wikue îcuarî [

Luka 14:13

Rîrîa wavarîria kîrugo îtagîra andû arîa athîni, cionje, ithua na atumumu;

Luka 14:21

“Nayo ndungata îo nîyacokire mûciî kwa mûnene wayo na îkîmwîra maûndû mau monthe. Nake mûnene ûcio nîwarakarire mûno na akîra ndungata îo atîrî, ‘Îîvîke ûthiî varavararî na tûcîrarî twa îtûûra rîîrî, ûke na athîni, cionje, atumumu, na ithua.’

Luka 18:43

Na wa rîmwe mûtumumu ûcio nîwavotire kwona na akiuma Jesû vuva agîkumagia Ngai. Na rîrîa andû onthe moonire ûguo, nîmaakumirie Ngai.

Luka 7:16

Nao andû onthe arîa maarî vo nîmecûrirwe nî guoya na magîkumia Ngai makiugaga atîrî, “Tue tûrî aumîrîre nî Mûrathi mûnene, na Ngai nîaûkîte kûvonokia andû ake.”

Johana 9:24

Na riita rîa kaîrî Ayahudi nîmeetire mûndû ûrîa waciarîtwe arî mûtumumu na makîmwîra atîrî, “Aria ûma mbere ya Ngai! Tue nîtwîcî atî mûndû ûrîa ûraakûvonirie nî mwîvia.”