Mathaayo 15:22 - ÎVUKU RÎA ÛVORO MWARO

²² Na mûndûmûka Mûkanaani ûrîa watûûraga kûu gîcunjîrî kîu nîwathiîre kûrî ke na akiugîrîria atîrî, “Mwathani, Mûrû wa Daudi, mbîguîra ntha! Mwîrîtu wakwa nî mûnyite nî ngoma na nîmûcûkîre mûno.”

Mathaayo 15:22 ပူးပေါင်းရင်းမြစ်များ

Thaburi 4:1

Ngai-Mûnene mbîtîkaga rîrîa ngûkûvoya, we, nîwe ûngitagîra! Rîrîa naarî thînarî, we nîwandethirie; mbîguîra ntha na ûthikîrîrie îvoya rîakwa.

Thaburi 45:12

Andû a Turo nîmagaakûretera iveo makîyendithia kûrî we; andû arîa itonga nîmakaageragia kwîyendithia kûrî we.

Thaburi 6:2

Ûûi Ngai-Mûnene, mbîguîra ntha nîûndû nîrî mûthiru vinya! Mbîkîra vinya, nîûndû nîrî mûthiru vinya viû,

Ezek 3:6

Ndiragûtûma kûrî rûrîrî rûnene na rwaragia rûthiomi ûtaicî na rûmû rûrî na ciugo ûtangîtaûkîrwa. Nama, kethîrwa nagûtûmire kûrî andû ta acio, nîmangîakûthikîrîrie.

Mathaayo 1:1

Ûyû nîguo mûtaratara wa methe ma tene ma Jesû Kristû wa mbarî ya Daudi, ûrîa warî wa mbarî ya Iburahimu.

Mathaayo 15:23

Nwatî gûtirî ûndû Jesû aamûcokerie. Nao arutwa ake nîmaathiîre kûrî ke na makîmûthaitha makîmwîra atîrî, “Îra mûndûmûka ûyû athiî! Ke nîaranegena mûno atuumîte vuva.”

Mathaayo 17:15

na akiuga atîrî, “Mwathani, îguîra mûvîcîwa ntha! Ke ethagîrwa arî na mûrimû wa kîvava na nîathînîkaga mûno. Mavinda meengî ke nîagûcaga mwakirî wana akagwa manjîrî.

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

Mathaayo 9:27

Nake Jesû nîwaumire kûu. Na arî njîrarî athiîte, nîwaumirwe vuva nî atumumu aîrî. Atumumu acio nîmaaugîrîrie atîrî, “Twîguîre ntha, Mûrû wa Daudi!”

Luka 17:13

makiugîrîria atîrî, “Jesû! Mwarimû! Twîguîre ntha!”

Luka 18:13

“Nwatî mwîtia wa mbeca cia gooti nîwarûngamire vandû varaca na ndangîetîkîrire gûtiira metho make na îgûrû, nwatî ke nwakwa eeriraga akiugaga atîrî, ‘Ûûi Ngai, mbîguîra ntha, nie nîrî mwîvia!’

Luka 6:18

Wana nginya andû arîa maathînagua nî ngoma nîmaavonirue.