11 Kîndû kîrîa gîtonyaga kanyuarî ka mûndû tîkîo gîtûmaga agîe na gîko, nwatî nî kîndû kîrîa kiumaga kanyuarî ka mûndû gîtûmaga agîe na gîko.”
Mîario yao îthagîrwa îcûrîtwe nî irumi, maveeni na kûvinyanîrîria, maragia ciugo njûku cia rûmena.
Wa mûndû nîaveenagia ûrîa wîngî, maveenanagia makînyûrûranagia.
Nîûrîkû ûthekererete na ûkaruma? Nîûrîkû ûcio ugîrîrîtie na ûgakûûrîra metho? Nînie Ûrîa Mûtheru wa Isiraeli!
Nake Jesû nîwacokire agîîta andû mathiî kûrî ke na akîmeera atîrî, “Tathikîrîriani na mûtaûkîrwe!
Nao arutwa a Jesû nîmaacokire makîthiî kûrî ke na makîmwîra atîrî, “Nîwîcî atî Afarisai nîmarakarirue nî ûndû ûrîa ugire?”
Gûtirî kîndû wana kîmwe gîtonyaga ndaarî ya mûndû kiumîte nja, kîngîtûma agîe na mûgiro. Nwatî nî kîndû kîrîa kiumaga ndaarî ya mûndû gîtûmaga mûndû agîe na mûgiro. [
Na nîûndû wa kwîthîrwa tûrî kîndû kîmwe na Mwathani Jesû, nîmenyete waro atî gûtirî irio ciîthagîrwa irî njûku cio mene. Nwatî mûndû ethîrwa nwa ecirie atî kûrî irio njûku, irio icio nî njûku tu kûrî mûndû ûcio.
Nîûndû ûthamaki wa Ngai tî wa kûrîa na kûnyua, nwatî nî ûthingu, thayû na gîkeno kuuma kûrî Roho Mûtheru.
Mûtigacûkie wîra wa Ngai nîûndû wa irio. Irio cionthe nî ntheru, nwatî nî naaî kûrîa irio irîa ingîtûma mûndû ûrîa wîngî agûe meviarî.
Andû acio mathomithanagia atî nî naaî kûvikania na nî naaî kûrîa irio cia mîthemba îmwe na îmwe. Nwatî Ngai aaûmbire irio cionthe irî mbaro nîguo irîcagwe vuva wa gûcokia ngatho kûrî Ngai. Ciagîrîrwe nî kûrîwa nî etîkia arîa mamenyete ûvoro wa ma.
Indo cionthe nî ntheru kûrî andû arîa atheru. Nwatî kûrî andû arîa aganu na matetîkîtie gûtirî kîndû kîtheru nîûndû meciria mao na thamiri ciao nî ino nthûkangie.
Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.
Nîecari na nîmaragia maûndû ma ûrimû. Na njîra ya merirîria mao macûku ma mwîrî, nîmathaagîrîria andû arîa mambîrîrîtie kûthengutîra andû arîa matûûraga mavîtagia.