Mathaayo 14:30 - ÎVUKU RÎA ÛVORO MWARO

³⁰ Nwatî rîrîa oonire rûkûngi rûnene nîwetigîre, na akîambîrîria kûvorokera manjîrî. Nake nîwaugîrîrie atîrî, “Mwathani, mvonokia!”

Mathaayo 14:30 ပူးပေါင်းရင်းမြစ်များ

2Atha 6:15

Rîrîa ndungata ya Elisha aaramûkire kîraûko na akiuma nja, nîwonire athigari a mbaara marî na mbarathi na ikaari cia mbaara marigicîrîtie îtûûra. Ndungata îo nîyacokire kûrî Elisha na îkîûria atîrî, “Ûûi mwathi wakwa! Nîtwîka atîa?”

Thaburi 3:7

Ngai-Mûnene, Ngai wakwa, ûka ûmvonokie! Nîunangîte nthû ciakwa cionthe nthîa, na ûgatiga wakûûra andû arîa aganu magego.

Mathaayo 14:29

Nake Jesû nîwamwîrire atîrî, “Ûka.” Kwoguo Petero nîwaumire îtarûrî, na akîambîrîria kûthiîra manjîrî îgûrû erekerete kûrî Jesû.

Mathaayo 14:31

Na wa rîmwe Jesû nîwatambûrûkirie njara akîmûnyita na akîmwîra atîrî, “Kaî wîtîkio waku nî mûnini-î! Nîkî gîtûmire ûgîe na nganja?”

Maariko 14:38

Îkaragani mwîmenyererete nîguo mûtikagwe mageriorî. Ngoro nî îrenda nwatî mwîrî ndûrî na vinya.”