Mathaayo 13:43 - ÎVUKU RÎA ÛVORO MWARO

⁴³ Nao andû arîa athingu nao nîmagaakenga ta riûa marî ûthamakirî wa Îthe wao. Mûndû wa wonthe ûrî na matû ma kwîgua nîegue!”

Mathaayo 13:43 ပူးပေါင်းရင်းမြစ်များ

Ntha 34:35

nao nîmoonaga atî ûthiû wake nîwakengaga. Musa nîwacokaga agekunîkîra na gîtambaa rîngî nginya rîrîa akaathiî kwaria na Ngai-Mûnene.

Danieli 12:3

Andû arîa aûgî magaakenga ta ûtheri wa îgûrû, nao arîa mekaga ciîko cia ûthingu nî magaakenga ta njata tene na tene.

Mathaayo 11:15

Mûndû wa wonthe wîna matû ma kwîgua nîegue!

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Mathaayo 25:36

na naarî njaga na mûkîmva nguo ya gwîkîra. Nie naarî mûrûaru na mûkîmenyerera, na rîrîa naarî njeera nîmwaûkire kûmona.’

Mathaayo 26:29

Nîramwîra atî nie ndigaacoka kûnyua ndivei îno rîngî nginya mûthenya ûrîa ngaamînyua îrî njerû tûrî namue Ûthamakirî wa Vava.”

Maariko 4:23

Ûrîa wîna matû ma kwîgua, nîegue!”

Luka 12:32

“Tigani gwîtigîra mue ndîthia îno nini nîûndû Ngai îthe wenyu nîwonete kûrî kwagîrîru amûve ûthamaki.

Luka 22:29

Kwoguo wata ûrîa Ngai Vava aamveere ûvoti wa kwathana, ûguo nwa ta guo wa nanie ngûmûva ûvoti.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.