Mathaayo 13:42 - ÎVUKU RÎA ÛVORO MWARO

⁴² Araika acio nîmagaacoka maikie andû acio îcuarî rîa mwaki, kûrîa andû makaarîra na marîe magego.

Mathaayo 13:42 ပူးပေါင်းရင်းမြစ်များ

2Sam 23:7

Mûndû akîmînyita nwanginya avûthîre kîndû kîthondeketwe na cuuma kana mûtî wa îtumû, nacio nwanginya ivîvue viû na mwaki.

Thaburi 21:9

Nîûkaamathiria ta ûrîa mwaki ûvîvagia indo ikathira rîrîa akaaumîra. Ngai-Mûnene nîakaamathiria na marakara make, na nîmakaavîvua nî mwaki mathire viû.

Danieli 3:6

Mûndû wa wonthe ûtakawînamîrîra aûvoe, nîakaanyitwa wa rîmwe akînaikua mwakirî mûnene mûno.”

Mathaayo 13:50

Andû arîa acûku nî magaikua îcuarî rîa mwaki kûrîa makaarîra na marîe magego.”

Mathaayo 22:13

Nake Mûthamaki nîwacokire akîra ndungata icio ciake atîrî, ‘Mûthaikeni njara na magûrû na mûmwikie na nja ndumarî. Kûu nîkuo andû makaarîra na marîe magego.’ ”

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Mathaayo 3:12

Ke nîmûvarîriu gîtaararû gîa kûgûrûkia ngano, nîguo aige ngano makûmbîrî, namo macaki amavîvie na mwaki ûrîa ûtavorekaga.”

Mathaayo 8:12

Nwatî andû arîa magîrîrwe nî kwîthîrwa marî Ûthamakirî, nîmagaaikua nja ndumarî kûrîa makaarîra na marîe magego.”

Luka 13:28

Mue nîmûkoona Iburahimu, Isaka, Jakovu na arathi onthe marî Ûthamakirî wa Ngai, namue mwikîtue na nja. Na kaî vîndî îo mûkoona ûguo nîmûkaarîra na mûrîe magego-î!

Kûguû 14:10

wa nake nîakaanyua ndivei ya mang'ûrîka ma Ngai, îkîrîtwe gîkomberî Kîam marakara make îtarî ndwekie! Andû onthe arîa mageeka ûguo nîmakaaverithua na mwaki na ûviriti marî mbere ya araika arîa atheru na mbere ya Gatûrûme.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.

Kûguû 20:10

Nake Ngoma ûrîa wamavîtithîtie, nîwaikirue îriarî rîa mwaki na ûviriti, kûrîa nyamû na mûrathi wa maveeni maaikîtue. Nao nîmagatûûra maverithagua ûtukû na mûthenya tene na tene.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 9:2

Njata îo nîyavingûrire îrima rîu rîtarî mûthiia. Nayo ndogo yekariî ta ndogo ya mwaki wa îcua nîyaumire kûu îrimarî rîu. Nayo ndogo îo yaumaga îrimarî rîu îrikîru rîtarî mûthiia nîyecûrire rîerarî na îkîvingîrîria ûtheri wa riûa.