Mathaayo 13:38 - ÎVUKU RÎA ÛVORO MWARO

³⁸ Mûgûnda naguo nî nthî; nacio mbeû irîa mbaro nî andû a ûthamaki. Ria narîo nî andû a Ûrîa Mûcûku.

Mathaayo 13:38 ပူးပေါင်းရင်းမြစ်များ

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

Thaburi 22:30

Njiarwa irîa igaaûka nîikaamûtungatîra, njiarwa irîa igaaûka nîikeeraga maûndû marîa Ngai-Mûnene ekîte.

Isaia 53:10

Ngai-Mûnene nîke wonire arî waro amûtivie, na atûme egue kîeva. Nîwarutire mwoyo ûtuîke îgongoona rîa kûtheria mevia, nîakoona rûciaro rwake, nîagaatûûra ûtûûro mûraca, na nîke ûkaavingia wendi wa Ngai-Mûnene.

Hosea 2:23

Nîngatûma andû akwa vûrûrirî ûcio mevande na mathatûkwe. Nîngeguîra ntha, ‘Ûrîa ûtegucagîrwa ntha,’ nao arîa metirwe ‘Tî akwa,’ nîngamera, ‘Mue mûrî andû akwa.’ Nao nîmakaauga, ‘We nîwe Ngai wetû.’ ”

Mathaayo 13:19

Andû arîa megucaga ndûmîrîri îgiî Ûthamaki nwatî makarega gûtaûkîrwa, mekariî ta mbeû irîa ciagwîre gacîrarî. Ûrîa Mûcûku nîaûkaga na akamacuna kîrîa kîravandîtwe ngororî ciao.

Mathaayo 24:14

Naguo Ûvoro Mwaro wîgiî Ûthamaki wa Ngai nîûkavunjua nthî yonthe wî ta ûira kûrî andû onthe, na vuva wa ûguo îthirîro rîcoke rîkinye.

Mathaayo 5:37

Mwauga ‘Îî’ nîîtuîkage ‘Îî’, na mwauga ‘Naarî’ nîtuîkage ‘Naarî.’ Ûndû wîngî wa wonthe ûrîa mûngiuga makîria ya ûguo uumaga kûrî Ûrîa Mûcûku.

Mathaayo 8:12

Nwatî andû arîa magîrîrwe nî kwîthîrwa marî Ûthamakirî, nîmagaaikua nja ndumarî kûrîa makaarîra na marîe magego.”

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Johana 12:24

Nie nîramwîra na ma atî, mvîndî ya ngano îkaraga îrî wa yonga îngîrega kûvandwa mûtheturî na îkue. Nwatî îngîkua, nîîciaraga maciaro meengî.

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.

Ciîko 13:10

na akiuga atîrî, “We mûrû wa Ngoma! We wî nthû ya maûndû monthe megiî ûthingu. Wîcûrîtwe nî mîthemba yonthe ya mawara ma waganu. Vîndî cionthe we ndûtigaga kûng'otaria njîra irîa nûngarû cia Mwathani!

Aroma 10:18

Nwatî nîmbûria atîrî: Nîma atî andû matirî megua ûvoro mwaro? Nîma nîmeguîte nîûndû Mandîko Matheru maugîte atîrî: “Mîgambo yao nîyathiîre nthî yonthe, na ciugo ciao igîkinya ituri cionthe cia nthî.”

Aroma 16:26

Na rîu, maûndû marîa mandîkîtwe nî arathi nîmatûmîte ûndû ûcio ûmenyeke. Ngai ûrîa ûtûûraga tene na tene nîwathanire atî ûvoro ûcio ûmenyithue andû onthe a nthî nîguo onthe metîkie na mathîkîre Ngai.

Aroma 8:17

Ethîrwa tûrî ciana cia Ngai, tûrî agai a irathimo irîa aigîrîte andû ake. Wana nîtûkagaa vamwe na Kristû kîrîa Ngai amwigîrîte. Nwatî nwanginya tûthînue ta Kristû nîguo tûkaagîa na riiri ta ke.

Akol 1:6

Ûvoro mwaro wîkaraga ûkîgîcaga na maciaro na nîûvunjagua nthî yonthe. Ûndû ûyû nîmûtuîkîku wana nginya gatagatîrî kenyu, nîûndû kuuma mûthenya ûrîa mwambîrîrie kwîgua ûvoro mwaro, nîmwambîrîrie gûtaûkîrwa nî ûma wîgiî wega wa Ngai.

Jakuvu 1:18

Ngai nîke wendire tûgîe kuo na njîra ya kiugo Kîam ma, nîguo tûtuîke a vata gatagatîrî ga ciûmbe ciake cionthe.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

1Pet 1:23

Nîûndû na njîra ya kiugo Kîam Ngai kîrîa kîrî mwoyo nîmûciarîtwe rîngî ta ciana cia mûciari ûrîa ûtakucaga, nwatî atûûraga tene na tene.

1Joh 3:2

Arata akwa, tue rîu tûrî ciana cia Ngai. Gûtiramenyekana waro ûrîa tûkethîrwa twîkariî. Nwatî nîtwîcî atî rîrîa Kristû akoonekana, tûkethîrwa twîkariî take nîûndû tûkaamwona nama ûrîa ekariî.

Kûguû 14:6

Nie nînaacokire ngîona mûraika wîngî agûrûkîte îgûrû rîerarî. Mûraika ûcio aarî na ûvoro mwaro wa tene na tene wa kûvunjia kûrî andû arîa matûûraga nthî, kûrî iruka cionthe, mbarî, nthiomi, na mavûrûri monthe.